New Delhi, 28 March, 2015: Mizoram Governor Pu. Aziz Qureshi chu Uttarakhand ânthawk sawn a ni ânthawka thlathum sungin vawisun khan Central sawrkarin Mizoram governor a nina anthawkin a lo ban tah.

Vawisun, 28 March 2015 khan Rashtrapati Bhavan chun thusuok siemin Aziz Qureshi chu Mizoram Governor a nina ânthawk peithla in nina dang iengkhawm chel ta lo dingin a lo ban nawk tah.
West Bengal Governor Keshari Nath Tripathi chu Mizoram governor chelsa (additional charge) dingin sawrkar thlungpui chun a ruot.

Governor Aziz Qureshi bân a ninawk ta lei hin Mizoram chun thla 8 sung governor 7 lai a nei hman ding tina a ni a Mizoram state chu sawrkarin governor a ditnawhai hnawkbumna hmuna nei angin media lien hai chun an hril.

Kum 2017-a a hun (term) hmangzo el ta ding Qureshi hin cental sawrkar leh buoina neiin UP governor nina a chelsa laia inpawngsuolna chungchanga a tawngkam leiin BJP sawrkar thar chun ban a tum leiin Supreme Court a chen khawm a lo inthlun ta bawk.

Mizoram governor inthlak kuol hi nikum July thla inthawk khan inṭan in BJP sawrkar thar chun Mizoram governor hlui Vakkom Purushothaman chu Nagaland ah insawn dingin thu a peka, sienkhawm an sawn nuomnaw leiin kum 2 lai hun la neisienkhawm a lo inbân (resign) a nih. Hi hnung hin Sawrkar laipui chun Gujarat Governor Kamla Beniwal chu Mizoram ah sawn nawkin pension na ding thla tlawmte chau a nei

laiin sawrkar laipui chun a bân nawka Maharashtra Governor K. Sankarnarayanan chu Mizoram governor dinga ruot nawk niin ama khawm hi a lo inbân nawk a nih. Hi hnung a hin thlakhat (September) sungin Governor VK Duggal le Meghalaya Governor KK Paul hai chu Mizoram governor dinga ruot an ni a. December thla khan Aziz Qureshi hi a pension hma po Mizoram um dingin governor in ruot nawk a nih.

Post a Comment

Powered by Blogger.