Aizawl, 16th March, 2015: State sawrkarin a lo tum lawk le puonglang ta angin vawisun March ni 16, 2015 a inthawk khan zu zawr phalna dan thar- MLPC Act, 2015 hmangin Mizoram ah ‘zu' zawr ṭan a nia. A hmasatakna di’n zu dawr (wine shop) hi hmun 3- Millennium Center, Vaivakawn le Chaltlang Lily Veng, Aizawl ah hawng dinga ruohmang nisienkhawm khawtlang ṭhuoitu le Kohranhai dodalna leiin Millennium Center a chau vawisun khan zing dar 11 ânthawka zantieng dar 5 chen hawng a nih.
Hi bâka hin Millennium Center, Aizawl ah zu dawr pahni hawng bel a ni ding le hmun dang danga hai khawm hawng vat a ni ding thu State Excise and Narcotics Dy. Commissioner, Ngurchungnunga chun chanchinbumihai a hril.
Sawrkar ruohmangna angin zu hi Assam neka man tlawm lema zawr tum a ni a. Royal Stag (umkhat) chu Rs. 330 a zawr niin Imperial Blue (umkhat) chu Rs. 240 a zawr a ni bawk.
State sawrkarin a tum dan chun zu ânthawk hin export le excise duty lang a ta chun VAT khawm la bawk a tih.
Zu hi mina zawng kawlah zawrsuok a ninawa, Liquor card neitu (puitling kum 21 chungtieng) hai kuomah chau zawrsuok a nih.
Zu dawrhai hi Thawṭanni ânthawka Zirtawpni chen hawng ni’ng an ta, Inrinni, Pathienni le National Holiday hai chu dry days annileiin hawng ni naw nih ti’n Dy. Commissioner chun a hril bawk.
Vawisun zu zawr ṭan a ni le inruol hin Mizorama selkaltu pawlhai chun Congress sawrkar an dem hle a, MNF President Pu Zoramthanga chun zu zawr chu Pathien khawmin a pawm a ring naw thu hrilin “March ni 16 chu Mizoram ta dinga sietna le lungaina ni a nih”, a tih.
Rev Chuauthuama khawmin vawisun khan zu zawr ditnaw zie in entirna’n a chengna in ah flag dum tarin, “Mizoram mipui a tamlem ditnaw a ni leiin Black day angin ka ngai a nih”, a ti bawk.
(Henry L Khawzawl,Virthli)
Hi bâka hin Millennium Center, Aizawl ah zu dawr pahni hawng bel a ni ding le hmun dang danga hai khawm hawng vat a ni ding thu State Excise and Narcotics Dy. Commissioner, Ngurchungnunga chun chanchinbumihai a hril.
Sawrkar ruohmangna angin zu hi Assam neka man tlawm lema zawr tum a ni a. Royal Stag (umkhat) chu Rs. 330 a zawr niin Imperial Blue (umkhat) chu Rs. 240 a zawr a ni bawk.
State sawrkarin a tum dan chun zu ânthawk hin export le excise duty lang a ta chun VAT khawm la bawk a tih.
Zu hi mina zawng kawlah zawrsuok a ninawa, Liquor card neitu (puitling kum 21 chungtieng) hai kuomah chau zawrsuok a nih.
Zu dawrhai hi Thawṭanni ânthawka Zirtawpni chen hawng ni’ng an ta, Inrinni, Pathienni le National Holiday hai chu dry days annileiin hawng ni naw nih ti’n Dy. Commissioner chun a hril bawk.
Vawisun zu zawr ṭan a ni le inruol hin Mizorama selkaltu pawlhai chun Congress sawrkar an dem hle a, MNF President Pu Zoramthanga chun zu zawr chu Pathien khawmin a pawm a ring naw thu hrilin “March ni 16 chu Mizoram ta dinga sietna le lungaina ni a nih”, a tih.
Rev Chuauthuama khawmin vawisun khan zu zawr ditnaw zie in entirna’n a chengna in ah flag dum tarin, “Mizoram mipui a tamlem ditnaw a ni leiin Black day angin ka ngai a nih”, a ti bawk.
(Henry L Khawzawl,Virthli)
