KHAWLIEN KHUO A INKAPNA LE INZAWMA HSA SINLUNG HILLS JOINT HEAD QUARTERS THUSUOK.
Dated.6.3.2015 (Ningani) Zan dar.7:00 PM vel khan mi tu ti hriet lo haiin Khawlien IRP Camp an kapna a khan mipui thlabarin an um baka Student's Board Exam mek haiin harsatna an tuok nasa hle a pawi kan tiin khang ang thaw tu hai kha kan dem tak zet. IRP Camp le Rimawi English School hi inhnai te metre sawm vel ang cho ani a, School a hin naupang Class-X Board exam mek han Study Camp an nei lai ani a, khang anga thil a tlung tak lei khan harsatna na men lo an tuoka, lak dawk ngai hiel khawpa an um kha pawi kan ti tak zet. Mipui thlabar taka an siem chu thuhran, inchuklai nakie el a ram le hnam ta dinga mi tangkai tak tak ding hai ta dinga harsatna an siem hi keini HSA Sinlung Hills Jt. Hqrs chun hriet thiem harsa kan hle. Naupang tam tak lem chu nuhmei dam an na, a then LUNG thalo dam an ni bawka, exam an sunzawm thei dim ti ding khawpin tuhin lekha khawm inchuk tha hlei thei lovin an um meka pawi kan ti in na kan ti hle. An school a khawm Study Camp nei ngam ta lovin inlana exam a an fena Phuoibuong exam centre umna tieng PMS School ah zan riek ngaia Study camp an nei a ngai hiel an tah. Rimawi English School hi eini Hmar hai ta ding lem chun Mizorama School ei nei that pawl tak ana, kum tin 100% result an nei baka Topper chen hai Mizoram pum ah inhlang kai hlak an nih. Sienkhawm, tukum hin hieng ang thil tlung lei hin kum dang an phak dim ti chu ngaituo tham tak ani tah.Hieng ang thawtu hai hin chu tuta hnung mi thaw pek ta naw sien kan nuom tak zet anih. Naupang hai popo in tit thawngna le harsatna nei ta lova lekha an inchuka, tha taka exam anhma sawn theina dingin mi tawngtai pui seng dingin Hmar mipui hai kan ngen cheu.
Sd/
(HENRY L. HMAR) President
Sd/
(VL. KHAWBUNG)
Assistant Gen. Secretary
Hmar Students' Association, Sinlung Hills, Jt. Hqrs.
Sinlung Hills Mizoram.
