Philatelic Exhibition MANIPEX, 2015 khar
CCPUR: March 18, 2015 a inthawka Director Postal Services, Manipur division le District Level Philatelic Exhibition MANIPEX 2015 huoihawtnaa ‘District Level Philatelic Exhibition MANIPEX, 2015’ YPA GHQ Hall, Hiangtam Lamka hmuna nei tana um chu zani zantieng 1:30PM khan khar a nitah. Hi huna hin Dr. P.Rajmani Singh, (retd) Associate Professor & Sr. Philatelist khuollienin a thang a, Functional President in T.Mang Min Thang, IPS, Director, Postal Services, Manipur le Guest of Honour in Dr. Heera Kamei, Sr. Philatelist hai an thang. Khuollien in hi huna thu a hrilnaa chun, tulai khawvel technology an ta leiin mobile /internet ei hmang nasa ta hle a, hi lei hin Postal dept chun Postal stamp a tam thei ang tak siem le stamp collector a tam thei ang tak nei a tum thu, CCPur District-a dingin hiengang Exhibition hi nei a vawikhatna a nih tiin a hril. Students le mipui hai chu Stamp collection uor dingin an fui.
Hi huna hin cultural prog. le Competition-a lawmman semna a um bawk. Stampn design competition Class VIVIII- ah 1st Jessai Lalremthang ,2nd V.L Lianchinkhup le 3rd. Kamgouhao Singson hai an nih. Class II-V ah 1st. Freda Haokip; 2nd Daniel le 3rd. Angely Lamneithang an nih. Chun, Class IX-XII Theme: Harmful Effects of Drugs Abuse -ah 1st Mimi Lamboithiem; 2nd Marilyn D. Sinate, Ching Thianhoih le 3rd Niangbiakhoih
Hmar Martyrs’ Trophy opening April 7-ah
CCPUR: Hmar Martyrs’ Trophy Organising Board huoihawtnaa 12th Hmar Martyrs’ Trophy Football 2015 Opening Ceremony chu April 7, 2015, 2:00PM khin Saikawt playground-ah nei ning a tih. Hi huna hin Pu Lunminthang Haokip, IAS, DC, CCPur khuollienin thang a ta, Guest of Honour in Pu Solomon L. Fimate, SDC, Tipaimukh le Functional President in Upa Laldawnlien Varte, Gen.
President, HYA GHQ thang a ta, Special invitees in Pu Lalhossan, EM, ADCC; Pu Lalditsang, MDC, ADCC; Pu Lalhmangpui, MDC, ADCC le Pu Lalhrillien, MDC, ADCC hai thang an tih. Hun hawng tawngtaina Rev. S.K. Songate in nei a ta, Ms Christina Shakum le Ms Lalparzo han hla sak bawk an tih. Opening Ceremony hi mitinin uop seng dinga fiel ei nih.
Joint Nupang Sunday School Union Seminar Parbung-ah nei a nih
Parbung: Zani khan Hmarbiel (Tipaimukh, Manipur)-a kohran dang dang inzawmkhawm Naupang Sunday School Union chun Seminar ropuitak Parbung RPC Biekin-ah huoihawtin khaw dang dang (Thanlon, Pherzawl,Tinsuong, Damdiei, Tuolbung, Taithu, Lungthulien, Senvon, Parvachawm, Sipuikawn, Vaitin & Sakawrdai) anthawkin mi 250 chuong an ṭhang.
Hi Seminar thupui le facilitator/subject latu hai chu Pro. Pastor Rorelfel (ICI) - Child Evangelism, Rev. Lalsandam (Director Mission, WMCEI) - Essential Qualities & Life of Sunday School Teachers, Rev. Lalngailien Puruolte (AEaL, RPC) - Teaching Method, Rev. Jacob L Hmar (YCO, RPC) - Technology & Christianity le Rev. Lalkhumvel (D/S, RPC) - Discussion & Interaction with Sunday School Teachers - hai an nih.
Hieng ang thil rawt/thaw hih tlangrama ding chun a vawikhatna a ni a, a ṭhanghai le thupui hriltu haiin inhawi an ti tlang hle a, an hlawkpui thu an hril tawl el khelah kumtin/kumkhat dan-ah thaw hlak nisien tiin an nuom thu an hril. Sunday School a khawm thei ang ang hmang nghal dingin thutlukna khawm siem nghal a nih.
Seminar Organized tu Jt. Sunday School Union ṭhuoitu Rev. Lalthakung (Director Evangelism WMCEI), Rev. Lalkhamlien (Director Mission/Evangelism, EAC) haiin zan programme a hai Pathien thutakin rawngbawlna an nei. Tlangram hmuna lo umhai Rev. Lalnghillo (D/S, ICI), Rev. Chawngrosiem (D/S, RPC) le Rev. Lalruotsang (P/O, EAC) hai khawmin chanvo peka an um angin fak-le-dawn le a hmuna a ṭul dang danghai hnesaw taka an thawna zarin programme a suk hlawtling hle.
Hieng anga ṭhuoitu kohran le hnam ta dinga rawngbawltu hmathlirna ṭha tak nei tuhai hi Hmarbiel mipuihai chun an lawm takzetin hmatieng peia khawm hi neka ṭhalem tam tak programme buotsai nawk thei di’n Lalpa’n malsawmna tam taka ṭhuoi pei dingin ditsakna mipui haiin an inhlan. Seminar zo hin taksa ruoi ropui taka kiltlang a nih. (Lalnunthang Songate)
Science Exhibition, Quiz le Debate Compt
CCPUR: Zani 11:00AM khan DC/Chairperson, RMSA, CCPur huoihawtnain HQ Veng-a DIET Centre-ah Govt. Schools-a kai Class IX le X hai ta dingin District Level Science Exhibition, Quiz le Debate competition nei a nih. Debate topic chu -‘The success of students depends on teachers’ ti a ni a, Sc Exhibition thupui -‘Emerging trends of Science &Technology’ a nih. Vawisun 11:00AM hin Synod Hall, IB Road-ah Dist. Level Quiz Competition final round um a ta, zantieng 1:00PM in lawmman semna um a tih. 1st in Rs.2000/- ;2nd in Rs.1500/- le 3rd han Rs.1000/- seng pek ning an tih.
Essay writing lawmman sem
CCPUR: District Water and Sanitation Committee le ZEO/ CCPur thangruola ‘Week long Observation of National Rural Drinking Water and Sanitation Awareness campaign’ neia um kharna Essay Writing Competition neia um lawmman semna zani 10:30AM khan HQ Veng-a PHED Hall-ah nei a nih.
Essay-a lawmman latu hai chu -1st Tingsangkim of Vimala Raina H/S (Cl-X); 2nd. Ramsanlien, Rengkai Hr. Sec. School (Cl-X); 3rd. Tinneihoi of Phungkhothang H/S (Cl-X) hai an ni a, Consolation dawngtu hai chu - Jangkholen Baite; Tinneitheng; Lhingchullou; Mercy Nakneichong; T. Khanjuanhau Zou; Tingpakhoih; Nehmalsom Singson; Chingsangkim; Hlunpari; Lynda hai an nih. Essay writing-a hin students 74 an thang a nih. 1st in Rs.5000/-; 2nd Rs.3000/- le 3rd in Rs.1000/- an dawng a, Consolation dawngtu hai kuoma Rs. 500/- seng le a thang popo Rs. 100/- seng pek an nih.
Thingchawm-ah Medical Camp
CCPUR: March 16, 2015 khan Saikawt PHC thawktu han Thingchawm-ah Free Medical Camp an hung buotsai a, damnaw tam tak an en bakah a thlawnin damdawi an pek. Saikawt PHC thawktuhai chungah Thingchawm khaw mipui le Thingchawm Village Authority han Hmasawnna Thar fethlengin lawmthu an hril.
Martyrs Day Flag thuah meeting
CCPUR: Hmar Martyrs’ Trophy Organising Board chun March 21, 2015 (Inrinni) 12:00Noon hin Hmar Martyrs’ Day Flag chungthua thutlukna siem dingin hnam sunga Organisation hrang hranga thuoituhai inhmukhawmna neipui a tum. Hi huna hin hnam sunga Organisation tum tuma thuoitu hai chu thang seng dingin Martyrs’ Trophy Organising Board chun ngenna le inhriettirna an siem.
MPP President inban dingin
IMPHAL: MPP Central Committee Members thenkhat chun an President, N. Sovakiran an dit naw thu le moral ground-a inban dingin an ngen. MPP Central Committee members thenkhatin zanikhan Chanchinbumihai an inhmupui a, chu huna an President hi an ditnaw thu hi hrieta hung um a nih.
Motor inru 3 man an nih
IMPHAL: Zani hmasa zantieng khan Nagaland a inthawka inruk Bolero motor le an rutu mi 3 hai chu Mao Gate a inthawka hla rak lo, Martyrs’ Park ah mipuiin an man a, Mao Police Station-ah an peklut. Mao Police han mi 3 le Bolero chu South Kohima Police Station-ah an peklut. Bolero inruknaa hin Manipur mi khawm an inrawl nia hril a nih.
Gov., CM le Speaker han chibai an buk
IMPHAL: Vawisun hi Sajibu Nongma Panba Cheiraoba (Kum Thar ni) a nih. Hi K<t hmangtu hai po
po hlim, lawm le hlawtling taka hmang seng dingin Manipur Governor, Dy. Speaker le mi dang dang han ditsakna chibai bukin an inhlan.
Auto Driver Gate-ah bomb a puok
IMPHAL: Zani hmasa zan dar 11:2- vel khan Auto Rickshaw Driver, Lourembam Jiten (50) s/o L. Dhiren of Tera Yengkhom Leirak, Imphal West District in Gate bula bomb a puok a, thil tawkpawi ruok chu a nei nawh.
March 22&29 hai chawl lo ding
IMPHAL: March 22, 2015 le March 29, 2015 hai chu Pathienni nisienlakhawm financial Year leia sin a tam leiin sawrkar office le Bank hai chu chawl ninaw ni a, sawrkar office le Bank a thawktuhai chu office kai seng dingin state sawrkarin order an suo.
Union minister 2 an hung inzin ding
IMPHAL: Haptakar thar khin Union Minister pahni Imphal-ah hung inzin an tum. Union Social Justice and Empowerment Minister Thawarchand Gehlot chu zan khat riekin Imphal-ah hung inzin a
ta, ama ministry hnuoia Manipur a Scheme thaw meka um hai enfelna le 1st MR Complex ah ruolbanlohai kuoma a thlawnin hmangruo chi tum tum sem a tih. Chun, Union Minister of state for External Affairs, General V.K. Singh le UNion DoNER Minister Dr Jitendra Prasad hai khawm Imphal-ah hung inzin an ta, Manipur Legislative Assembly building hluiah Mini Passport Office hawng an tih. Hi Office a hin IPS Officer pakhat Passport Officer a sie ni dinga hril a nih.
Dehradun-Varanasi Janta Express Rel eksidenah mi 32 an thi, mi 150 an hliem
RAE BAREILI: Zani zingkar dar 9:30 vel khan Uttar Pradesh khawpui Lucknow a inthawka Km. 50 vela hla Bachrawan Railway Station bulah Dehradun- Varanasi Janta Express a eksiden a, Rela chuong mi 32 an thi a, mi 150 an hliem a, hliem hai laia thenkhat an hliem inrik leiin thina tuok hi an la pung belsa el thei tiin Mahesh Gupta, Divisional Commissioner, Lucknow chun a hril. Locomotive Driver in a signal tinzawn a hmufie theinaw leia Rel hi eksiden niin Preliminary report chun a hril. Hliemhai chu District Hospital panpui an nih. Uttar Pradesh Chief Minister Akhilesh Yadav chun thina tuok sunghai zangnadawmna Rs 2,00,000 seng le hliem inrik hai thangpuina Rs. 50,000 seng pek ni dingin a puong. Chun, Railways chun thina tuok sunghai zangnadawmna Rs. 2,00,000 seng; hliem inrik hai thangpuina Rs. 50,000 seng le hliem hai Rs. 20,000 seng pek ning an tih tiin a puong.
Union Railway Minister Suresh Prabhu chun A.K. Mittal, Chairman, Railway Board le Ajay Shukla, Member (Traffic), Railway Board hai chu Rel eksidenna hmuna hin a tir bakah Rel eksidenna san sui dingin thuneituhai thu an pek. Sansuokna le sawmdawlna sin chu a bul vela chenghai le Rescue teams in an thaw. Rel eksidenna hmuna hin Union Minister of State for Railways, Manoj Sinha khawm a va fe. President, PM le UP CM hai chun Rel eksiden leia thina tuok sunghai an sunpui thu an puong bakah hliemhai an tuorpui thu an puonglang.
Mizoram-ah ralthuom leh mi 1 man
AIZAWL: Mizoram Police le Assam Rifles thangruol han zanikhan Champhai le Zote village inkarah pasal pakhat Thangdeihpianga (38) of Champhai nia inhril chu US siem M4A1 carbines 7, AK-47 Rifle 1 le a mu 500 leh an man. Thangdeihpianga hi motor two wheeler-a a number plate (Registation
number) umlo-a chuonga hieng silai hai hi a phur a ni a, sukchawla an dapnaa hieng thil hai hi an dapdawk a nih. Silai hai hi plastic-a inthun an nih. Silai hai hi tu kuoma pek dinga a phur am ti hriet a la ninaw a, suizui mek a nih.
Suomhmang pakhat kap hlum a nih
GUWAHATI: Zani zingkar khan Nagaon district, Assam huop sunga Itapara an ti hmuna Security Forces le suomhmang hai an inkaptuo a, suomhmang pakhat kaphlum le suomhmang 4 a dama man an nih a, kap hliema um suomhmang pakhat a tlan hmang tiin SP, Nagaon chun a hril. Hi inkaptuonaa hin suomhmang 3 le Security personnel 2 an hliem bawk. Chun, Bornirza, Karbi Anglong a khawm KPLT le inzawmna nei mi 3 Security Forces han zanikhan an man.
Meghalaya in ram Sai 1811 an nei
SHILLONG: Kum 2008 a Survey report dungzuiin Meghalaya chun ram Sai 1811 a nei tiin Meghalaya Environment & Forest Minister, Prestone Tynsong chun zani hmasa khan Meghalaya Asemby a NPP MLA, James Sangma indawnna a dawnna huna a hril. Forest Survey of India in kum 2011 a Survey a thaw danin Meghalaya chun forest a nei chu 17275 sq. km. a ni a, kum 2013 a Survey a chun 17288 sq. km in a hung lien nawk ta a nih tiin Prestone Tynsong chun a hril.
Rajbagh PS run, mi 6 an thi pha
SRINAGAR: Zani zingkar dar 6:30 vel khan helpawl han Jammu & Kashmir a Kathua district a Rajbagh Police Station an va run a, mi 6 an thi a, mi 11 an hliem pha. Thina tuok hai lai hin Security personnel 3, civil mi 1 le helpawl 2 an thang. Hliemhai lai Sub-Divisional Police Officer pakhat thangsain Security personnel 9 le civil mi 2 an thang. Security Forces le helpawlhai hi darkar 6 zet an inkaptuo. Helpawl 2 thi hai kuta inthawk AK-47 Rifle 2 le a mu tam tak hmu a nih.
JNV Principal lunginah khum
SHILLONG: Jawahar Novadaya Vidyalaya (JNV), Niangbari, Ri-Bhoi district, Meghalaya Principal Dhiren Kumar Mehta chu a student kum 13 mi sex thilah a sukrinum tia intum a ni leiin Police han Protection of Children from Sexual Offences Act dungzuiin March 18, 2015 khan an man a, Court in a rel angin lunginah sielut a nih.
Arunachal CM suoi inrutu man
ITANAGAR: Arunachal Pradesh Chief Minister Nambam Tuki suoi inru a, supply order la tum Kome Yangfo, N.T. Enterprise, Naharlagun neitu chu Police han March 16, 2015 khan Upper Subansari District Headquarters Daparijo hmuna an man niin Bomge Kamduk, DSP, Itanagar chun a hril.
Mi 2 rangkachak kg. 17 leh man
CALICUT: Directorate of Revenue Intelligence (DRI) pawlin Calikut International Airport, Kerala-ah Dubai a inthawka hung passenger pahnihai chu rangkachak kg. 17 le a chanve, Rs. 5 crore manhu leh an man. Rangkachak hi an thuomhnaw sunga an thupruk a nih.
IAS Officer tehlem man a nih
VISAKHAPATNAM: Zani hmasa zan khan IAS Officer le Regional Director, Industries nia inhril le thalai tam tak sin pek ding tia Rs. 3 crores deuthaw lapektu, Pendala Ramesh Naidu chu City Police han an man a, thu an hang indawn chun IAS Officer ni lo, khel hril le mihai hlema fakzawng hlak, Telangana, Odisha le West Bengal state haia khawm mi tam tak lo hlem a, an pawia lo lapek hlaktu a nih ti an hrietsuok.
Chief National Spokesperson
KOLKATA: Trinamool Congress (TMC) MP Derek O’Brien chu TMC Chief National Spokesperson le TMC National Spokesperson dingin mi pathum, Sangata Roy, Lok Sabha Member; Kakol Ghosh Dastidar, MP le Sukhendu Sekhar Roy hai ruot an nih tiin TMC thusuok chun a hril.
Kolkata Hospital-ah ni 6 sungin naute 16 an thi
KOLKATA: Ni 6 liemta sung khan Kolkata-a B.C. Roy Memorial Hospital-ah naute 16 zet an thi. Naute thi hai hi damnaw inrik tak tak an ni hnunga Hospital-a hung thuoi an ni leia doctor han an hringna an san zo talo an nih tiin State health department- a special task force Chairman, Tridib Banerjee chun a hril.
Solar Impulse-2 Mandalay a tlung
NEW DELHI: Solar Power hmanga siem Vuongna Solar Impulse-2 chu him takin March 19, 2015 khan Mandalay Airport, Myanmar a tlung tah. March 19, 2015 zantienga kha Varanasi, Uttar Pradesh
a inthawk vuongsuok, darkar 13 le minutes 29 zet a vuong hnunga Mandalay Airport a tum a nih.
Britain Royal President dingin
LONDON: India rama Tamil Nadu state a Chidambaram a pieng, tuta British Medical Research Council’s Laboratory of Molecular Biology, Cambridge University a Deputy Director sin Venkataraman Ramakrishnan chu Britain Royal Society President dinga thlang a nih. India rama pieng, hi Society President chel hmasa tak ding a nih. Sir Ramakrishnan (63) hi kum 2009 a Chemistry a Nobel Prize dawng a nih.
Nuhmei 50,000 han ekin tha an ngen
MUMBAI: March 8, 2015 International Women’s Day khan Mumbai khawpuia cheng nuhmeihai laia mi 50,000 zetin Post Cards hmangin an Chief Minister Devendra Fadnavis lekha an thawn a. An lekhathawn haia chun, Mumbai khawpuia cheng nuhmei han ekin le Zunin tha le thienghlim an mamaw thu, ekin, zunin tha le thienghlim a um naw leia harsatna an tuok thu le Ekin le zunin tha le thienghlim a tam thei ang tak bawl dinga an ngenna thu hai an ziek.
Bawngsa zawr khap ninaw nih:Parsekar
NEW DELHI: BJP rorelna state Goa a chun Bawng that le Bawngsa zawr khap ninaw nih tiin Goa CM Laxmikant Parsekar chun a hril. Kum tam takel Goa-a um hnam tlawm, Christian le Muslim han kan party ringzoa an mi thlawp lai iengtin am bawng that le bawngsa zawr khap kan ta? BAwngsa hi an bu le an hme pakhat a nih. Chu bakah Goa chu bawngsa fa hlak khuolzinmi le ramdangmi hai khuol inzinna a ni leiin Bawngsa khap ni theinaw nih tiin a hril. Maharashtra le Haryana sawrkar hai chun Bawng that le zawr an khap ta a nih.
Rs. 50,000 inchawitir thei ding
NEW DELHI: Sexual Hararrasment of Women of Workplace (Prevention Prohibition Redressal) Act
hmang lova bawsetuhai chu Rs. 50,000 inchawitir thei ning an tih tiin Union Women and Child Development Minister Ms Maneka Gandhi chun Rajya Sabha ah a hril. Hi dan bawsie nawn an um chun an pawisa chawi ding chu a dabawl pei ding a nih.
Midday Meal-ah thil nge hmu
NAMAKKAL: Zanikhan Tamil Nadu stae a Namakkal district sunga Srinivasampalayam hmuna Govt. Panchayat Elementary School a naupang sunbu an sema chun thil nge iemanizat hmu a nih. Hi bu fak lei hin students 4 an damnaw pha a, Erode Govt. Hospital panpui an nih. Students 4 hai hi an inluok a, an phing a na bakah an taksa a hung zawi niin mita hmutu hai chun an hril.
MULTA cadres 2 pawisa note lem leh man
GOALPARA: Zani hmasa khan Army le Police thangruol han Goalpara district, Assam a dappui an
thawnaah Muslim United Liberation Tigers of Assam (MULTA) cadres 2 hai chu India pawisa note lem Rs. 2,00,000 le Pistol leh an man.
Police ASI kum 3 lungin intang dingin
AGARTALA: Thamna Rs. 10,000 a lak leiin Tripura Police- a Assistant Sub-Inspector (ASI), Sambika Pal chu zani hmasa khan Additional District and Session Judge, S.Sikdar in rimsi taka kum 3 lungin intang dingin thiemnaw an changtir bakah Rs. 10,000 chawi dingin a rel. Thamna hi kum 2013 daia a lak a ni tah.
Nigeria tlangvalin US tleirawl a suollui
GURGAON: Nigeria tleirawl David tia inhril chun US nunghak kum 16 mi a suollui leiin zani hmasa khan Gurgaon Police han an man. US tleirawl chun, March 16, 2015 khan Gurgaon khawpia Guest House-ah a mi thuoi a, a mi suollui a nih tiin a hril. An ni pahni hi Facebook fe thlenga inhrie an nih.
Yemen-a Mosque beinaah mi 77 an thi
SANAA: Yemen-a Sanaa khawpuia chun zanikhan Mosques pahni haia thichil bomb puok leiin mi
77 an thi bakah midang 121 an hliem. Hi thil hi zani zantieng vela Badr le al-Hashoos Mosques sung haia thichil bomb paitu mi pahni in an bomb pai an sukpuok leia tlung a nih. Bomb sukpuoktu hriet la
ninaw hai sienkhawm al- Qaeda pawl ni dinga ringhla an nih. Mosques hai hi Sanaa khawpui controltu Zaidi Shia Houthi pawl hai pathien biekna hmun a nih.
FIFA World Cup 2022 nei hun ding
ZURICH: Fifa World Cup 2022 chu 18th December, 2022 a Qatar hmuna tan dingin FIFA chun a sukthluk tah. June le July thlaa nei a ni chun boruok a lum taluo ding leia Qatar hmuna FIFA World Cup nei hun ding hi thlasik hun December thlaa inkhel dinga FIFA in a ruot a nih. Hieng laizing hin FIFA chun 2019 Women’s World Cup mikhuoltu dingin France a thlang. France hin 2018 khin Under-20 Women’s Tournament khawm a mikhuol ding a nih.
MIPUI KUOMA INHRIETTIRNA
Kei, Lt. Lalsangzuol Zote, (Action Commander) Saikawt khuo hin, ram le hnam sansuokna ding kawngah ka vanglai hun popo ti ding deuthaw, kum 18 hiel chu HPC(D) ah hun ka lo hmang a, hun lo tak nisienkhawm, sungkuo thil, buoina tam tak leia ka thutlukna chu, “La chawl hri phawt” ding ti hi a nih. Chuleiin, ka thawpui hnam sipai suongum tak tak hai kuoma le mipui kuomah inhriettirna ka hung siem a, in mi hrietthiem khawm ka ngen nghal bawk a nih. Chun, lungril lien le zau taka chawl phalna mi petu inzaumtak, Pu Lalhmingthang Sanate chunga khawm ka lawmthu ka hril nghal a. Hmar hnam sipai sungah nangni keini ti bik um lova hnam sansuokna kawngah ienglai khawma lungril hmunkhat put zing dingin, Hnam Sipai taphawt kuomah ka ditsakna kan hlan.
Sd/- Lalsangzuol Zote, Dated:20th March, 2015
Editorial
Ngaihlut le ngaisang ding hriet
Khawvela hin ngaihlut le ngaisang ding tam takel a um. Amiruokchu, ienglei am a ni ding ngaihlut le ngaisang ding hi ei hriettawk naw niin an lang. Dit dan, ngaidan le tha ti zawng inanglo nei seng ei ni leiin ei ngaihlut zawng le thil ei ngaisang zawng khawm inang chuong naw nih. Hmeltha ei ti zawng le rawng ei dit dan dam hi lo inang thup sienla chu harsatna iemani tak ei tuok ring a um. Thenkhat lem chu ei insuol, ei inthat le hmelmaa ei inen pha hiel ring a um. Amiruokchu, siemtu Pathien hi thilthaw dan a thiem a, hiengang lungril puta a mi siemna hi a ropuizie tarlangtu a nih.
Mani thawsuok sa khawm ni lo, nu le pa hai thawsuok sa hmang le ringa Car le Bike tha le nal tak taka tlan kuol vel a, intithei taka inlekphek a, mihai hnuoisie taka thaw hlakhai hi kei chun ka ngaihlu thei naw a, ka ngaisang thei bawk nawh. Nunghak thenkhat ruok chun an ngaihlu a, an ngisang a, an baw rawk hlak. Amiruokchu, an ring ang le an beisei ang rawk chu a ni meu ngai nawh. A tawpah inthena a hung suok a, an chan chu nuthlawi a hung ni hlak. Nuthlawi ni hi khawvela thil inhawi naw pawl tak a ni awm ie.
Nu le pa thawsuok sa ni lo, mani thawsuok sa ngeia thil nei thei hai ruok hi chu mi puitling an nih. Hi lei hin hiengang mihai hi chu ngaihlut le ngaisang an um a, inza le chawimawi an phu hlie hlie a nih. Thangthar hai lai hiengang mi hi tam inla nuom a um ngei el. Nu le pa hai chu hlimin lawm an ta, khawtlang le hnam pumpui khawmin a lawmpui le a hlimpui an hung ni ngei ring a um. Thangtharhai lai hiengang mi hi ei tam pha pha leh hnam changkang, hnam var, hnam inthanglien le hmasawn
hung ning ei ta, mihai ngaihlut le ngaisang hung ni bawk ei tih.
Hnam pakhata Idol annawleh Icon ni hi a nep chuong naw a, thil ropui tak khawm a ni a, mipui khawmin ei ngaihluin ei chawisang a, thilpek hlu tak tak ei pek rui rui a, inelnaa thang han iemani zawng takin hamthatna an dawng bakah hma khawm an sawn pha a, thil tha tak a nih. Hieng Idol le Icon hai hi hrilnepna ni lovin, India ram pumpui huopa Competitive Exam ngeia sin hmu thei hai hi ngaihlut le ngaisang an um dan chu a dang dai kei chun ka ti nuom tlat. Ka hril nuom tak chu, “Ngaihlut le ngaisang ding hriet” hi a tha ka tina a nih.
State Level, National level le International levela Award dawng thei hai dam hi kei chu ka ngaihlut le ka ngaisang zawng a nih. Award ei ti hi chi tum tum a um a, pawisa peka Award dawng thei a um a, pawisa pek ni lova Award dawng thei khawpa an sin thawna le inzawma Award dawng thei hai hi an nih ei ngaihlut le ngaisang dinghai chu! Ei hnam le ei ram sukhmingthatu, chawimawitu le hming suklartu an nih.
Ngaihlut le ngaisang ding hi a tam a, hril ding tam tak a u m a, hril seng ding a ni nawh. Pawl insang nekin thiemna thlungpui indik tak nei, hmeltha nekin nungchang tha, thabo nekin taimakna, indiknawna nekin indikna, ringum naw nekin ringumna le a dang dang hai hi ngaihlut le ngaisang ding an nih. Mi hausa ni khawm a tha. Amiruokchu, mani thawsuok le inmil lo hiel khawpa mi hausa hai ruok hi chu ngaihlut le ngaisang an um chuong nawh. Thangtharhai, a bik takin nunghak le tlangval la ni lai mek hai hin ngaihlut le ngaisang ding hi hrie seng ta inla nuom a um ie. Nu le pa hai khawma ei nauhai seng kuomah ngaihlut le ngaisang ding thil hai hi nghawklo le ma lova ei hril zing nuom a um. A hrila ei hril rawn pha pha leh la hung hrie ngei an tih.
CCPUR: March 18, 2015 a inthawka Director Postal Services, Manipur division le District Level Philatelic Exhibition MANIPEX 2015 huoihawtnaa ‘District Level Philatelic Exhibition MANIPEX, 2015’ YPA GHQ Hall, Hiangtam Lamka hmuna nei tana um chu zani zantieng 1:30PM khan khar a nitah. Hi huna hin Dr. P.Rajmani Singh, (retd) Associate Professor & Sr. Philatelist khuollienin a thang a, Functional President in T.Mang Min Thang, IPS, Director, Postal Services, Manipur le Guest of Honour in Dr. Heera Kamei, Sr. Philatelist hai an thang. Khuollien in hi huna thu a hrilnaa chun, tulai khawvel technology an ta leiin mobile /internet ei hmang nasa ta hle a, hi lei hin Postal dept chun Postal stamp a tam thei ang tak siem le stamp collector a tam thei ang tak nei a tum thu, CCPur District-a dingin hiengang Exhibition hi nei a vawikhatna a nih tiin a hril. Students le mipui hai chu Stamp collection uor dingin an fui.
Hi huna hin cultural prog. le Competition-a lawmman semna a um bawk. Stampn design competition Class VIVIII- ah 1st Jessai Lalremthang ,2nd V.L Lianchinkhup le 3rd. Kamgouhao Singson hai an nih. Class II-V ah 1st. Freda Haokip; 2nd Daniel le 3rd. Angely Lamneithang an nih. Chun, Class IX-XII Theme: Harmful Effects of Drugs Abuse -ah 1st Mimi Lamboithiem; 2nd Marilyn D. Sinate, Ching Thianhoih le 3rd Niangbiakhoih
Hmar Martyrs’ Trophy opening April 7-ah
CCPUR: Hmar Martyrs’ Trophy Organising Board huoihawtnaa 12th Hmar Martyrs’ Trophy Football 2015 Opening Ceremony chu April 7, 2015, 2:00PM khin Saikawt playground-ah nei ning a tih. Hi huna hin Pu Lunminthang Haokip, IAS, DC, CCPur khuollienin thang a ta, Guest of Honour in Pu Solomon L. Fimate, SDC, Tipaimukh le Functional President in Upa Laldawnlien Varte, Gen.
President, HYA GHQ thang a ta, Special invitees in Pu Lalhossan, EM, ADCC; Pu Lalditsang, MDC, ADCC; Pu Lalhmangpui, MDC, ADCC le Pu Lalhrillien, MDC, ADCC hai thang an tih. Hun hawng tawngtaina Rev. S.K. Songate in nei a ta, Ms Christina Shakum le Ms Lalparzo han hla sak bawk an tih. Opening Ceremony hi mitinin uop seng dinga fiel ei nih.
Joint Nupang Sunday School Union Seminar Parbung-ah nei a nih
Parbung: Zani khan Hmarbiel (Tipaimukh, Manipur)-a kohran dang dang inzawmkhawm Naupang Sunday School Union chun Seminar ropuitak Parbung RPC Biekin-ah huoihawtin khaw dang dang (Thanlon, Pherzawl,Tinsuong, Damdiei, Tuolbung, Taithu, Lungthulien, Senvon, Parvachawm, Sipuikawn, Vaitin & Sakawrdai) anthawkin mi 250 chuong an ṭhang.
Hi Seminar thupui le facilitator/subject latu hai chu Pro. Pastor Rorelfel (ICI) - Child Evangelism, Rev. Lalsandam (Director Mission, WMCEI) - Essential Qualities & Life of Sunday School Teachers, Rev. Lalngailien Puruolte (AEaL, RPC) - Teaching Method, Rev. Jacob L Hmar (YCO, RPC) - Technology & Christianity le Rev. Lalkhumvel (D/S, RPC) - Discussion & Interaction with Sunday School Teachers - hai an nih.
Hieng ang thil rawt/thaw hih tlangrama ding chun a vawikhatna a ni a, a ṭhanghai le thupui hriltu haiin inhawi an ti tlang hle a, an hlawkpui thu an hril tawl el khelah kumtin/kumkhat dan-ah thaw hlak nisien tiin an nuom thu an hril. Sunday School a khawm thei ang ang hmang nghal dingin thutlukna khawm siem nghal a nih.
Seminar Organized tu Jt. Sunday School Union ṭhuoitu Rev. Lalthakung (Director Evangelism WMCEI), Rev. Lalkhamlien (Director Mission/Evangelism, EAC) haiin zan programme a hai Pathien thutakin rawngbawlna an nei. Tlangram hmuna lo umhai Rev. Lalnghillo (D/S, ICI), Rev. Chawngrosiem (D/S, RPC) le Rev. Lalruotsang (P/O, EAC) hai khawmin chanvo peka an um angin fak-le-dawn le a hmuna a ṭul dang danghai hnesaw taka an thawna zarin programme a suk hlawtling hle.
Hieng anga ṭhuoitu kohran le hnam ta dinga rawngbawltu hmathlirna ṭha tak nei tuhai hi Hmarbiel mipuihai chun an lawm takzetin hmatieng peia khawm hi neka ṭhalem tam tak programme buotsai nawk thei di’n Lalpa’n malsawmna tam taka ṭhuoi pei dingin ditsakna mipui haiin an inhlan. Seminar zo hin taksa ruoi ropui taka kiltlang a nih. (Lalnunthang Songate)
Science Exhibition, Quiz le Debate Compt
CCPUR: Zani 11:00AM khan DC/Chairperson, RMSA, CCPur huoihawtnain HQ Veng-a DIET Centre-ah Govt. Schools-a kai Class IX le X hai ta dingin District Level Science Exhibition, Quiz le Debate competition nei a nih. Debate topic chu -‘The success of students depends on teachers’ ti a ni a, Sc Exhibition thupui -‘Emerging trends of Science &Technology’ a nih. Vawisun 11:00AM hin Synod Hall, IB Road-ah Dist. Level Quiz Competition final round um a ta, zantieng 1:00PM in lawmman semna um a tih. 1st in Rs.2000/- ;2nd in Rs.1500/- le 3rd han Rs.1000/- seng pek ning an tih.
Essay writing lawmman sem
CCPUR: District Water and Sanitation Committee le ZEO/ CCPur thangruola ‘Week long Observation of National Rural Drinking Water and Sanitation Awareness campaign’ neia um kharna Essay Writing Competition neia um lawmman semna zani 10:30AM khan HQ Veng-a PHED Hall-ah nei a nih.
Essay-a lawmman latu hai chu -1st Tingsangkim of Vimala Raina H/S (Cl-X); 2nd. Ramsanlien, Rengkai Hr. Sec. School (Cl-X); 3rd. Tinneihoi of Phungkhothang H/S (Cl-X) hai an ni a, Consolation dawngtu hai chu - Jangkholen Baite; Tinneitheng; Lhingchullou; Mercy Nakneichong; T. Khanjuanhau Zou; Tingpakhoih; Nehmalsom Singson; Chingsangkim; Hlunpari; Lynda hai an nih. Essay writing-a hin students 74 an thang a nih. 1st in Rs.5000/-; 2nd Rs.3000/- le 3rd in Rs.1000/- an dawng a, Consolation dawngtu hai kuoma Rs. 500/- seng le a thang popo Rs. 100/- seng pek an nih.
Thingchawm-ah Medical Camp
CCPUR: March 16, 2015 khan Saikawt PHC thawktu han Thingchawm-ah Free Medical Camp an hung buotsai a, damnaw tam tak an en bakah a thlawnin damdawi an pek. Saikawt PHC thawktuhai chungah Thingchawm khaw mipui le Thingchawm Village Authority han Hmasawnna Thar fethlengin lawmthu an hril.
Martyrs Day Flag thuah meeting
CCPUR: Hmar Martyrs’ Trophy Organising Board chun March 21, 2015 (Inrinni) 12:00Noon hin Hmar Martyrs’ Day Flag chungthua thutlukna siem dingin hnam sunga Organisation hrang hranga thuoituhai inhmukhawmna neipui a tum. Hi huna hin hnam sunga Organisation tum tuma thuoitu hai chu thang seng dingin Martyrs’ Trophy Organising Board chun ngenna le inhriettirna an siem.
MPP President inban dingin
IMPHAL: MPP Central Committee Members thenkhat chun an President, N. Sovakiran an dit naw thu le moral ground-a inban dingin an ngen. MPP Central Committee members thenkhatin zanikhan Chanchinbumihai an inhmupui a, chu huna an President hi an ditnaw thu hi hrieta hung um a nih.
Motor inru 3 man an nih
IMPHAL: Zani hmasa zantieng khan Nagaland a inthawka inruk Bolero motor le an rutu mi 3 hai chu Mao Gate a inthawka hla rak lo, Martyrs’ Park ah mipuiin an man a, Mao Police Station-ah an peklut. Mao Police han mi 3 le Bolero chu South Kohima Police Station-ah an peklut. Bolero inruknaa hin Manipur mi khawm an inrawl nia hril a nih.
Gov., CM le Speaker han chibai an buk
IMPHAL: Vawisun hi Sajibu Nongma Panba Cheiraoba (Kum Thar ni) a nih. Hi K<t hmangtu hai po
po hlim, lawm le hlawtling taka hmang seng dingin Manipur Governor, Dy. Speaker le mi dang dang han ditsakna chibai bukin an inhlan.
Auto Driver Gate-ah bomb a puok
IMPHAL: Zani hmasa zan dar 11:2- vel khan Auto Rickshaw Driver, Lourembam Jiten (50) s/o L. Dhiren of Tera Yengkhom Leirak, Imphal West District in Gate bula bomb a puok a, thil tawkpawi ruok chu a nei nawh.
March 22&29 hai chawl lo ding
IMPHAL: March 22, 2015 le March 29, 2015 hai chu Pathienni nisienlakhawm financial Year leia sin a tam leiin sawrkar office le Bank hai chu chawl ninaw ni a, sawrkar office le Bank a thawktuhai chu office kai seng dingin state sawrkarin order an suo.
Union minister 2 an hung inzin ding
IMPHAL: Haptakar thar khin Union Minister pahni Imphal-ah hung inzin an tum. Union Social Justice and Empowerment Minister Thawarchand Gehlot chu zan khat riekin Imphal-ah hung inzin a
ta, ama ministry hnuoia Manipur a Scheme thaw meka um hai enfelna le 1st MR Complex ah ruolbanlohai kuoma a thlawnin hmangruo chi tum tum sem a tih. Chun, Union Minister of state for External Affairs, General V.K. Singh le UNion DoNER Minister Dr Jitendra Prasad hai khawm Imphal-ah hung inzin an ta, Manipur Legislative Assembly building hluiah Mini Passport Office hawng an tih. Hi Office a hin IPS Officer pakhat Passport Officer a sie ni dinga hril a nih.
Dehradun-Varanasi Janta Express Rel eksidenah mi 32 an thi, mi 150 an hliem
RAE BAREILI: Zani zingkar dar 9:30 vel khan Uttar Pradesh khawpui Lucknow a inthawka Km. 50 vela hla Bachrawan Railway Station bulah Dehradun- Varanasi Janta Express a eksiden a, Rela chuong mi 32 an thi a, mi 150 an hliem a, hliem hai laia thenkhat an hliem inrik leiin thina tuok hi an la pung belsa el thei tiin Mahesh Gupta, Divisional Commissioner, Lucknow chun a hril. Locomotive Driver in a signal tinzawn a hmufie theinaw leia Rel hi eksiden niin Preliminary report chun a hril. Hliemhai chu District Hospital panpui an nih. Uttar Pradesh Chief Minister Akhilesh Yadav chun thina tuok sunghai zangnadawmna Rs 2,00,000 seng le hliem inrik hai thangpuina Rs. 50,000 seng pek ni dingin a puong. Chun, Railways chun thina tuok sunghai zangnadawmna Rs. 2,00,000 seng; hliem inrik hai thangpuina Rs. 50,000 seng le hliem hai Rs. 20,000 seng pek ning an tih tiin a puong.
Union Railway Minister Suresh Prabhu chun A.K. Mittal, Chairman, Railway Board le Ajay Shukla, Member (Traffic), Railway Board hai chu Rel eksidenna hmuna hin a tir bakah Rel eksidenna san sui dingin thuneituhai thu an pek. Sansuokna le sawmdawlna sin chu a bul vela chenghai le Rescue teams in an thaw. Rel eksidenna hmuna hin Union Minister of State for Railways, Manoj Sinha khawm a va fe. President, PM le UP CM hai chun Rel eksiden leia thina tuok sunghai an sunpui thu an puong bakah hliemhai an tuorpui thu an puonglang.
Mizoram-ah ralthuom leh mi 1 man
AIZAWL: Mizoram Police le Assam Rifles thangruol han zanikhan Champhai le Zote village inkarah pasal pakhat Thangdeihpianga (38) of Champhai nia inhril chu US siem M4A1 carbines 7, AK-47 Rifle 1 le a mu 500 leh an man. Thangdeihpianga hi motor two wheeler-a a number plate (Registation
number) umlo-a chuonga hieng silai hai hi a phur a ni a, sukchawla an dapnaa hieng thil hai hi an dapdawk a nih. Silai hai hi plastic-a inthun an nih. Silai hai hi tu kuoma pek dinga a phur am ti hriet a la ninaw a, suizui mek a nih.
Suomhmang pakhat kap hlum a nih
GUWAHATI: Zani zingkar khan Nagaon district, Assam huop sunga Itapara an ti hmuna Security Forces le suomhmang hai an inkaptuo a, suomhmang pakhat kaphlum le suomhmang 4 a dama man an nih a, kap hliema um suomhmang pakhat a tlan hmang tiin SP, Nagaon chun a hril. Hi inkaptuonaa hin suomhmang 3 le Security personnel 2 an hliem bawk. Chun, Bornirza, Karbi Anglong a khawm KPLT le inzawmna nei mi 3 Security Forces han zanikhan an man.
Meghalaya in ram Sai 1811 an nei
SHILLONG: Kum 2008 a Survey report dungzuiin Meghalaya chun ram Sai 1811 a nei tiin Meghalaya Environment & Forest Minister, Prestone Tynsong chun zani hmasa khan Meghalaya Asemby a NPP MLA, James Sangma indawnna a dawnna huna a hril. Forest Survey of India in kum 2011 a Survey a thaw danin Meghalaya chun forest a nei chu 17275 sq. km. a ni a, kum 2013 a Survey a chun 17288 sq. km in a hung lien nawk ta a nih tiin Prestone Tynsong chun a hril.
Rajbagh PS run, mi 6 an thi pha
SRINAGAR: Zani zingkar dar 6:30 vel khan helpawl han Jammu & Kashmir a Kathua district a Rajbagh Police Station an va run a, mi 6 an thi a, mi 11 an hliem pha. Thina tuok hai lai hin Security personnel 3, civil mi 1 le helpawl 2 an thang. Hliemhai lai Sub-Divisional Police Officer pakhat thangsain Security personnel 9 le civil mi 2 an thang. Security Forces le helpawlhai hi darkar 6 zet an inkaptuo. Helpawl 2 thi hai kuta inthawk AK-47 Rifle 2 le a mu tam tak hmu a nih.
JNV Principal lunginah khum
SHILLONG: Jawahar Novadaya Vidyalaya (JNV), Niangbari, Ri-Bhoi district, Meghalaya Principal Dhiren Kumar Mehta chu a student kum 13 mi sex thilah a sukrinum tia intum a ni leiin Police han Protection of Children from Sexual Offences Act dungzuiin March 18, 2015 khan an man a, Court in a rel angin lunginah sielut a nih.
Arunachal CM suoi inrutu man
ITANAGAR: Arunachal Pradesh Chief Minister Nambam Tuki suoi inru a, supply order la tum Kome Yangfo, N.T. Enterprise, Naharlagun neitu chu Police han March 16, 2015 khan Upper Subansari District Headquarters Daparijo hmuna an man niin Bomge Kamduk, DSP, Itanagar chun a hril.
Mi 2 rangkachak kg. 17 leh man
CALICUT: Directorate of Revenue Intelligence (DRI) pawlin Calikut International Airport, Kerala-ah Dubai a inthawka hung passenger pahnihai chu rangkachak kg. 17 le a chanve, Rs. 5 crore manhu leh an man. Rangkachak hi an thuomhnaw sunga an thupruk a nih.
IAS Officer tehlem man a nih
VISAKHAPATNAM: Zani hmasa zan khan IAS Officer le Regional Director, Industries nia inhril le thalai tam tak sin pek ding tia Rs. 3 crores deuthaw lapektu, Pendala Ramesh Naidu chu City Police han an man a, thu an hang indawn chun IAS Officer ni lo, khel hril le mihai hlema fakzawng hlak, Telangana, Odisha le West Bengal state haia khawm mi tam tak lo hlem a, an pawia lo lapek hlaktu a nih ti an hrietsuok.
Chief National Spokesperson
KOLKATA: Trinamool Congress (TMC) MP Derek O’Brien chu TMC Chief National Spokesperson le TMC National Spokesperson dingin mi pathum, Sangata Roy, Lok Sabha Member; Kakol Ghosh Dastidar, MP le Sukhendu Sekhar Roy hai ruot an nih tiin TMC thusuok chun a hril.
Kolkata Hospital-ah ni 6 sungin naute 16 an thi
KOLKATA: Ni 6 liemta sung khan Kolkata-a B.C. Roy Memorial Hospital-ah naute 16 zet an thi. Naute thi hai hi damnaw inrik tak tak an ni hnunga Hospital-a hung thuoi an ni leia doctor han an hringna an san zo talo an nih tiin State health department- a special task force Chairman, Tridib Banerjee chun a hril.
Solar Impulse-2 Mandalay a tlung
NEW DELHI: Solar Power hmanga siem Vuongna Solar Impulse-2 chu him takin March 19, 2015 khan Mandalay Airport, Myanmar a tlung tah. March 19, 2015 zantienga kha Varanasi, Uttar Pradesh
a inthawk vuongsuok, darkar 13 le minutes 29 zet a vuong hnunga Mandalay Airport a tum a nih.
Britain Royal President dingin
LONDON: India rama Tamil Nadu state a Chidambaram a pieng, tuta British Medical Research Council’s Laboratory of Molecular Biology, Cambridge University a Deputy Director sin Venkataraman Ramakrishnan chu Britain Royal Society President dinga thlang a nih. India rama pieng, hi Society President chel hmasa tak ding a nih. Sir Ramakrishnan (63) hi kum 2009 a Chemistry a Nobel Prize dawng a nih.
Nuhmei 50,000 han ekin tha an ngen
MUMBAI: March 8, 2015 International Women’s Day khan Mumbai khawpuia cheng nuhmeihai laia mi 50,000 zetin Post Cards hmangin an Chief Minister Devendra Fadnavis lekha an thawn a. An lekhathawn haia chun, Mumbai khawpuia cheng nuhmei han ekin le Zunin tha le thienghlim an mamaw thu, ekin, zunin tha le thienghlim a um naw leia harsatna an tuok thu le Ekin le zunin tha le thienghlim a tam thei ang tak bawl dinga an ngenna thu hai an ziek.
Bawngsa zawr khap ninaw nih:Parsekar
NEW DELHI: BJP rorelna state Goa a chun Bawng that le Bawngsa zawr khap ninaw nih tiin Goa CM Laxmikant Parsekar chun a hril. Kum tam takel Goa-a um hnam tlawm, Christian le Muslim han kan party ringzoa an mi thlawp lai iengtin am bawng that le bawngsa zawr khap kan ta? BAwngsa hi an bu le an hme pakhat a nih. Chu bakah Goa chu bawngsa fa hlak khuolzinmi le ramdangmi hai khuol inzinna a ni leiin Bawngsa khap ni theinaw nih tiin a hril. Maharashtra le Haryana sawrkar hai chun Bawng that le zawr an khap ta a nih.
Rs. 50,000 inchawitir thei ding
NEW DELHI: Sexual Hararrasment of Women of Workplace (Prevention Prohibition Redressal) Act
hmang lova bawsetuhai chu Rs. 50,000 inchawitir thei ning an tih tiin Union Women and Child Development Minister Ms Maneka Gandhi chun Rajya Sabha ah a hril. Hi dan bawsie nawn an um chun an pawisa chawi ding chu a dabawl pei ding a nih.
Midday Meal-ah thil nge hmu
NAMAKKAL: Zanikhan Tamil Nadu stae a Namakkal district sunga Srinivasampalayam hmuna Govt. Panchayat Elementary School a naupang sunbu an sema chun thil nge iemanizat hmu a nih. Hi bu fak lei hin students 4 an damnaw pha a, Erode Govt. Hospital panpui an nih. Students 4 hai hi an inluok a, an phing a na bakah an taksa a hung zawi niin mita hmutu hai chun an hril.
MULTA cadres 2 pawisa note lem leh man
GOALPARA: Zani hmasa khan Army le Police thangruol han Goalpara district, Assam a dappui an
thawnaah Muslim United Liberation Tigers of Assam (MULTA) cadres 2 hai chu India pawisa note lem Rs. 2,00,000 le Pistol leh an man.
Police ASI kum 3 lungin intang dingin
AGARTALA: Thamna Rs. 10,000 a lak leiin Tripura Police- a Assistant Sub-Inspector (ASI), Sambika Pal chu zani hmasa khan Additional District and Session Judge, S.Sikdar in rimsi taka kum 3 lungin intang dingin thiemnaw an changtir bakah Rs. 10,000 chawi dingin a rel. Thamna hi kum 2013 daia a lak a ni tah.
Nigeria tlangvalin US tleirawl a suollui
GURGAON: Nigeria tleirawl David tia inhril chun US nunghak kum 16 mi a suollui leiin zani hmasa khan Gurgaon Police han an man. US tleirawl chun, March 16, 2015 khan Gurgaon khawpia Guest House-ah a mi thuoi a, a mi suollui a nih tiin a hril. An ni pahni hi Facebook fe thlenga inhrie an nih.
Yemen-a Mosque beinaah mi 77 an thi
SANAA: Yemen-a Sanaa khawpuia chun zanikhan Mosques pahni haia thichil bomb puok leiin mi
77 an thi bakah midang 121 an hliem. Hi thil hi zani zantieng vela Badr le al-Hashoos Mosques sung haia thichil bomb paitu mi pahni in an bomb pai an sukpuok leia tlung a nih. Bomb sukpuoktu hriet la
ninaw hai sienkhawm al- Qaeda pawl ni dinga ringhla an nih. Mosques hai hi Sanaa khawpui controltu Zaidi Shia Houthi pawl hai pathien biekna hmun a nih.
FIFA World Cup 2022 nei hun ding
ZURICH: Fifa World Cup 2022 chu 18th December, 2022 a Qatar hmuna tan dingin FIFA chun a sukthluk tah. June le July thlaa nei a ni chun boruok a lum taluo ding leia Qatar hmuna FIFA World Cup nei hun ding hi thlasik hun December thlaa inkhel dinga FIFA in a ruot a nih. Hieng laizing hin FIFA chun 2019 Women’s World Cup mikhuoltu dingin France a thlang. France hin 2018 khin Under-20 Women’s Tournament khawm a mikhuol ding a nih.
MIPUI KUOMA INHRIETTIRNA
Kei, Lt. Lalsangzuol Zote, (Action Commander) Saikawt khuo hin, ram le hnam sansuokna ding kawngah ka vanglai hun popo ti ding deuthaw, kum 18 hiel chu HPC(D) ah hun ka lo hmang a, hun lo tak nisienkhawm, sungkuo thil, buoina tam tak leia ka thutlukna chu, “La chawl hri phawt” ding ti hi a nih. Chuleiin, ka thawpui hnam sipai suongum tak tak hai kuoma le mipui kuomah inhriettirna ka hung siem a, in mi hrietthiem khawm ka ngen nghal bawk a nih. Chun, lungril lien le zau taka chawl phalna mi petu inzaumtak, Pu Lalhmingthang Sanate chunga khawm ka lawmthu ka hril nghal a. Hmar hnam sipai sungah nangni keini ti bik um lova hnam sansuokna kawngah ienglai khawma lungril hmunkhat put zing dingin, Hnam Sipai taphawt kuomah ka ditsakna kan hlan.
Sd/- Lalsangzuol Zote, Dated:20th March, 2015
Editorial
Ngaihlut le ngaisang ding hriet
Khawvela hin ngaihlut le ngaisang ding tam takel a um. Amiruokchu, ienglei am a ni ding ngaihlut le ngaisang ding hi ei hriettawk naw niin an lang. Dit dan, ngaidan le tha ti zawng inanglo nei seng ei ni leiin ei ngaihlut zawng le thil ei ngaisang zawng khawm inang chuong naw nih. Hmeltha ei ti zawng le rawng ei dit dan dam hi lo inang thup sienla chu harsatna iemani tak ei tuok ring a um. Thenkhat lem chu ei insuol, ei inthat le hmelmaa ei inen pha hiel ring a um. Amiruokchu, siemtu Pathien hi thilthaw dan a thiem a, hiengang lungril puta a mi siemna hi a ropuizie tarlangtu a nih.
Mani thawsuok sa khawm ni lo, nu le pa hai thawsuok sa hmang le ringa Car le Bike tha le nal tak taka tlan kuol vel a, intithei taka inlekphek a, mihai hnuoisie taka thaw hlakhai hi kei chun ka ngaihlu thei naw a, ka ngaisang thei bawk nawh. Nunghak thenkhat ruok chun an ngaihlu a, an ngisang a, an baw rawk hlak. Amiruokchu, an ring ang le an beisei ang rawk chu a ni meu ngai nawh. A tawpah inthena a hung suok a, an chan chu nuthlawi a hung ni hlak. Nuthlawi ni hi khawvela thil inhawi naw pawl tak a ni awm ie.
Nu le pa thawsuok sa ni lo, mani thawsuok sa ngeia thil nei thei hai ruok hi chu mi puitling an nih. Hi lei hin hiengang mihai hi chu ngaihlut le ngaisang an um a, inza le chawimawi an phu hlie hlie a nih. Thangthar hai lai hiengang mi hi tam inla nuom a um ngei el. Nu le pa hai chu hlimin lawm an ta, khawtlang le hnam pumpui khawmin a lawmpui le a hlimpui an hung ni ngei ring a um. Thangtharhai lai hiengang mi hi ei tam pha pha leh hnam changkang, hnam var, hnam inthanglien le hmasawn
hung ning ei ta, mihai ngaihlut le ngaisang hung ni bawk ei tih.
Hnam pakhata Idol annawleh Icon ni hi a nep chuong naw a, thil ropui tak khawm a ni a, mipui khawmin ei ngaihluin ei chawisang a, thilpek hlu tak tak ei pek rui rui a, inelnaa thang han iemani zawng takin hamthatna an dawng bakah hma khawm an sawn pha a, thil tha tak a nih. Hieng Idol le Icon hai hi hrilnepna ni lovin, India ram pumpui huopa Competitive Exam ngeia sin hmu thei hai hi ngaihlut le ngaisang an um dan chu a dang dai kei chun ka ti nuom tlat. Ka hril nuom tak chu, “Ngaihlut le ngaisang ding hriet” hi a tha ka tina a nih.
State Level, National level le International levela Award dawng thei hai dam hi kei chu ka ngaihlut le ka ngaisang zawng a nih. Award ei ti hi chi tum tum a um a, pawisa peka Award dawng thei a um a, pawisa pek ni lova Award dawng thei khawpa an sin thawna le inzawma Award dawng thei hai hi an nih ei ngaihlut le ngaisang dinghai chu! Ei hnam le ei ram sukhmingthatu, chawimawitu le hming suklartu an nih.
Ngaihlut le ngaisang ding hi a tam a, hril ding tam tak a u m a, hril seng ding a ni nawh. Pawl insang nekin thiemna thlungpui indik tak nei, hmeltha nekin nungchang tha, thabo nekin taimakna, indiknawna nekin indikna, ringum naw nekin ringumna le a dang dang hai hi ngaihlut le ngaisang ding an nih. Mi hausa ni khawm a tha. Amiruokchu, mani thawsuok le inmil lo hiel khawpa mi hausa hai ruok hi chu ngaihlut le ngaisang an um chuong nawh. Thangtharhai, a bik takin nunghak le tlangval la ni lai mek hai hin ngaihlut le ngaisang ding hi hrie seng ta inla nuom a um ie. Nu le pa hai khawma ei nauhai seng kuomah ngaihlut le ngaisang ding thil hai hi nghawklo le ma lova ei hril zing nuom a um. A hrila ei hril rawn pha pha leh la hung hrie ngei an tih.
