Taithu-a Pu Lalvengthang In a kang fai rit
TAITHU/CCPUR: March 16, 2015, zing dar 3:30AM khan Taithu-a Pu Lalvengthang In chu kangmei suokin a kangfai rit. Kangmei hi Arril (Ar in) hnuoia bawng-ek tawl dumziel bawng that lova dehawnin a hung kangut- a inthawka intan ni dinga ring a nih. Kangmei suokin In a kang hi bawl that tum lai mek, In pakhat dai ding thing sie a ni leiin kangmei suokin thil a kanghi Rs. 5 lakh manhu vel ni dinga hisap a nih tiin ei thu dawngna chun a hril. Thuomhnaw pakhat khawm lakdawk hman um lova In hi a kang fai vawng a nih.
Taithu khaw mipui le tlawmngai pawl dang dang hai chun zanikhan In kang sungkuo hai chu an umna ding In an bawl pek nghal a. ICDP (RPC) Parbung Area khawmin kangmei leia harsatna tuok sungkuo hai hi Blanket le sumfaiin a thei ang angin thangpuina a pek ve a, bieltu MDC Pu Lalhmangpui khawmin emergency light, rangva pein a thei ang angin thangpuina a pek ve bakah tlawmngai Pawl dang dang khawmin an thei ang angin an thangpui bawk.
Input: Lalnunthang Songate
N. Lamka Bethel Veng-ah In a kang
CCPUR: Zani sun dar 11:00 vel khan New Lamka Bethel veng-a Ms T. Chingliankim w/o (L) Damkhanpau in a hluo In a inthawk kangmei a suok a, insunga um Television, Holy Bible le naupang lekhabu iemanizat a kangsiet. Kangmei suok huna hin insunga tukhawm um lo, chabi-a inkal a ni a, kangmei suok an hriet le inruolin Fire Brigade hai inhriettir an na, sienkhawm fire brigade hai tlung hmain thenum khawveng han In kalna tala suksiein kangmei hi an thelmit hman. Kangmei suok intanna tak hriet ninaw sienkhawm electric a inthawka intan ni dinga ringhla a nih. In neitu tak chu Imphal tienga um niin Ms T. Chinliankim hin a hluo a nih.
HI hotu han Aizawl an pan ding
CCPUR: Hmar Inpui GHQ President Dr John H. Pulamte chun vawisun hin Aizawl pan a ta, HI Gen. Secretary Pu David Buhril chun March 19, 2015 khin Aizawl pan veng a tih. HI Gen. President hin March 18, 2915 khin MHWA Fin. Secy. Remruata Varte nuhmei nei uop a ta, Aizawl a cham sungin HMWA, HSA, HPC hai leh joint meeting nei an ta, tha an ti tlang a ni chun Mizoram Governor khawm inhmupui ning a tih. HI Barak Region Election April 9, 2015 a nei ding le April 11, 2015 in Shillong Region HI Election nei ning a tih tiin Hmar Inpui thusuok chun a hril.
UZO Hq. Election nei
CCPUR: Zani zingkar khan Zogal Memorial Hall Complex- ah United Zou Organisation (UZO) GHQ 59th Annual Assembly-cum HQ Election (Mid Term Poll) 2015-2017 nei a nih. Kum 2015-17 sunga ZWC member thar dingin mi 15 thlang an ni a, March 19, 2015, 10:30AM khin Zogal Memorial Hall Complex-ah ZWC member 15 han President ding thlangna nei an tih. Hi huna hin thuoitu hlui lo thi ta hai sunna nei a ni bawk. ZWC member a thlang thar hai chu- Tongthang Zou;
Chinlunthang; Gouzalal Tungnung; Amchinpau; Thangzamang; Ginthang; Khaizamang Taithul; Jamgenthang; Chinsuanlam; Kamkhanlian; John Haulamlian;Dominic Khammeng; Hausuanthang; Chinkhanmang le Khupzagin hai an ni a, thlang thar hai hi Peter Thangmang, Zou Zumpi in intiemkamna an nei tir a, Rev. Hangpi Manlun, Executive Secy., ZPCS in tawngtaipekna a nei.
Organising Board hai bu a fakpui
CCPUR: March 15, 2015 khan Hmar Martyrs Trophy Organising Board chun Pu Samson Hrangchal, Social Worker chengnain, Rengkaiah meeting an nei a, hi huna hin Pu Samson chun Organising Board meeting- a thang hai po po Hotel booked lawkin bu a fakpui.
Mi 58 document
CCPUR: National Foundation for Communal Harmony (NFCH) hnuoia CCPur District-a inthawk stutudent 100 in thangpuina hmu hlak hai chu document pelut dinga inhriettir an ni a, tuchena hin mi 58 chauvin document an la peklut. Document la pelut lo hai chun an hmatienga BO Hq. DC Office-a pelut dinga inhriettir an nih.
MANIPEX 2015
CCPUR: March 17, 2015 hin YPA Hall, Hiangtam Lamka hmuna MANIPEX 2015, CCPur opening ceremony um a tih. Hi huna hin Pu Lunminthang, IAS, DC, CCPur khuolliena thangin MANIPEX, 2015 exhibition hawng a tih. March 20, 2015 closing ceremony huna P. Rajmani Singh, Retd. Associate Professor and Sr. Philatelist chu chief guest le Heera Kamei, Sr. Philatelist chu guest of honour in thang a tih.
Manipur Assembly in MRVTMW Bill an passed: MRVTMV Bill dodalnain CM le MLA hai lim an raw
IMPHAL: Manipur Chief Minister le House leader O.Ibobi Singh in March 13, 2015 nia Manipur Assemblya a putlut Manipur Regulation of Visitors, tenants and Migrant Workers (MRVT&MW) Bill, 2015 chu Manipur Assembly Budget session tawpni tak zanikhan hriltlang a ni a, darkar hni sung zet hriltlang a ni hnungin Opposition Trinamool MLAs 4 hai inpuia inthawk suoktau hai sienkhawm Manipur Assembly chun an passed. MRVTMW Bill zanita Manipur Assembly-a hriltlangna huna Opposition MLA L. Ibomcha chun, Bill a hin thil thar a um nawh tia sawiselin la ennawn tha a ti thu a hril a. Bill-a hin illegal migrants hai enfelna ding transit points zieklang a ninaw bakah implementing agency ding suklang a ninaw thu hrilin hotel neitu le In neitu hai maw inphurtir thei an ninaw ding thu a hril. MLA I.Ibohalbi chun, Bill hi All party recommendation an thaw hai laia point pakhat chau ti lo all political parties in an recommended hai inchuon an ni nawh tiin a hril a. MLA Th. Shyamkumar chun, illegal migrants dangna ding points a kim tawknaw leiin ennawn ni raw seh tiin a hril ve. Manipur CM chun MLAs han hi Bill thua ngaidan an thawlawm hai chu lawmum a ti thu, tu le tua a tul leia Bill hi siem a ni thu hrilin MLAs han Bill-a kim lo nia an hril hai chu a hnunga siemthat
(amended) thei an ni thu hrilin pass dinga inpui a ngen angin Bill hi passed a hung nita a nih.
Hieng laizing hin Joint Committee on Inner Line Permit System (JCILPS) hi Bill passed a ni zo minutes tlawmte hnungah Bill passed a ni dodalnain zanikhan AMSU Headqarter tuolah CM
O.Ibobi Singh, Home Minister Gaikhanbam le MLAs hai lim (effigy) an raw. JCILPS volunteers hai chun, Bill a hin a ram mi hai himna ding iengkhawm a thangnaw leiin an pawm theinaw thu an hril. JCILPS in March 15, 2015 zanrila inthawk darkar 18 hi bill dodalnaa bandh an thaw chun Imphal khawpui sunga nundan pangai a sukbuoi hle a. Imphal khawpui sunga chun dawr, bazaar le inchukna
in hai bakah govt. Institutions hai khawm an in khar vawng.
Assembly in bomb puok an dem
IMPHAL: Manipur Assembly chun March 11, 2015 zantienga mi 3 in an thi pha le midang 23 in hliemna an tuok phana Khwairamband bazar-a bomb puok chu nasa takin an dem. MLA N. Biren chun, tuchena bomb sukpuoktuhai man an la ninawna thuah state sawrkar chun hi thil hi a ngaitha a nih tiin an tum. Home Minister Gaikhangam chun, ringhla iemanizat man an nit a a, sienkhawm investigation fe lai mek a suk sukhuk ringhla leiin sawrkarin a la puonglang naw a nih tiin a hril.
Swine flu ngirhmun ennawn
IMPHAL: Health and Family Welfare Minister Phungzathang Tonsing inrawinain Health Department chun zanikhan Old Secretariat Conference Hall, Imphal- ah Manipur-a Swine Flu (H1N1) ngirhmun an ennawn. Hi meeting a hin Pollution Control Board Chairman (MPCB) Dr Ng. Bijoy, MLA; MLA Dr Ibohanbi, Minister hlui Dr M Nara; Principal Secretary (Health & FW) Dr Suresh Babu, DCs le health officials hai an thang. AYUSH khawmin H1N1 thuah district level monitoring committee indin a tum
DC in Free Textbook inspection a thaw
CCPUR: Pu Lunminthang Haokip, IAS, DC, CCPur chun zani 10:00AM khan Vimala Raina H/S a Govt. School haia student hai kuoma Free Textbook sem ding hai enfelna (inspection) a nei. Inspection a nei zo hin DC CCPur chun DI of Schools hai kuoma Class I-VIII textbook sample copy an hlan tawl. Free textbook hi March 17-19, 2015 inkar sungin ZEO CCPur hnuoia Govt., Aided School hai kuoma sem ning a ta, March 20- 21, 2015 sungin ADC hnuoia school hai kuoma sem ning a tih. March 17, 2015, 10AM le 1:00PM in CCPur Block le Tipaimukh Block-a mi hai sem ning a ta, March 18, 2015, 10:00AM &1PM in Samulamlan Block le Thanlon block; March 19, 2015, 10AM&1PM in Singngat le Henglep Block kuoma sem ning a ta. March 20, 2015, 10AM le 12:00 le 1:00PM haiah ADC, CCPur block, ADC Tipaimukh Block le ADC Thanlon block hai kuoma sem ning a tih. March 21, 2015, 10AM, 12:00 le 1:00PM haiah ADC Samulamlan Block; ADC Henglep le ADC Singngat block hai kuoma sem ning a tih.
NPP in Hangkhanlian ngaidam inhni dingin
IMPHAL: National People’s Party (NPP) Manipur Unit President V. Hangkhanlian inrawinaa NPP Manipur in BJP an zawmna le inzawmin NPP National Gen. Secy. Ajang Khongsai chun Minister hlui V. Hangkhanlian chu NPP Manipur active member a ninaw thu zanita Imphal hmuna media hai an hmupuina huna a hril. Mr Khongsai chun, V. Hangkhanlian chu NPP Manipur Unit President a lo ni hlak a, sienkhawm Sept. 15, 2012-a a president term a bo hnunga inthawk tuchen hin a member nina a sukthar tanaw leiin NPP member a ni tanawh tiin a hril. National NPP President P.A. Sangma in thurawn a hung pek angin chawlkar khat sunga ngaidam an hninaw chun National NPP chun a chungah defamation case a file ding a nih tiin a hril. Zani hmasa khan V. Hangkhanlian inrawinaa NPP Manipur Unit thuoitu pathum hai chun BJP an zawm a nih.(UNA)
Eastern Army Command Manipur-ah
IMPHAL: Lt Gen MMS Rai, AVSM,VSM, GOC-in-C, Eastern Command chu ni 2 sung cham dingin March 15, 2015 khan HQ IGAR(S)-a hungtlung. Lt. Gen. MMS Rai hi Lt. Gen. Bipn Rawat, AVSM, YSM, SM, VSM, GOC 3 Corps in a hung zui. Army Commander hin Maj. Gen. Rajeev Chopra, IG AR (South) chu Manipur-a security ngirhmun a hriltlangpui.
AMCTA hai an nuorna tawpsan dingin
IMPHAL: Manipur Assembly-ah zanita MLA Kh. Joykishan in tulaia All Manipur College Teacher Association (AMCTA) han nuorna an nei chungthu a indawnna a siem dawnin, Education Minister M. Okendro Singh chun, AMCTA inbiekrem pui tumin sawrkarin lampui a dap zing a nih tiin a hril a, AMCTA nuorna nei hai chun an nuorna an tawpsan naw leh an chunga action khau tak lak ning a tih tiin a hril.
Biekin suosam; mi 14 chunga case registered
HISAR: March 6, 2015 nia Haryana-a Hisar district-a Kaimri hmuna Biekin bawl lai mek suosam a ni a. Hi thua hin Williwarsh Church a Father Subhash Chand in Police-a complaint a peklut dungzuiin Haryana Police chun mi 14 chunga case an registered. Biekin suosamtu hai hin Biekin sunga kros intar chu keithlain Hanuman lim an lo tar nia hril a nih. Hi biekin bawl lai mek va suosamtu hai chun, an biekin bawl an sunzawm chun that dingin an vau bawk nia hril a nih. Hi thil tlung hi Haryana- a Christian hai chun nasa taka demin Biekin suosamtuhai chu an rang thei anga man dingin an ngen.
A suolluitu hai ta dingin a tawngtai pek
RANAGHAT/KOLKATA: West Bengal-a Nadia districta Ranaghat hmuna Jesus and Mary Convent school-a nun (sakhuo rawngbawltu) kum 71 mi suolluia um chun, a suolluitu hai ngaidam an ni theina dingin a tawngtai pek. Suolluia um Nun hi Ranaghat Hospital-ah enkawl mek a ni a, ama tuorna nekin a school le student hai himna ding a ngaipawimaw lem. Nun suolluina le inzawma CCTV camera record- a inlang mi 4 hai chu zawng mek an ni a, an hmel inangpui an man hai chu Police han thu indawnna an nei mek. Nun suolluitu hai hin laptops, mobile phones le a thil nei dang hai bakah school pawisa khawm an lak hmang a nih.
Aizawl khawpui-ah CCTV inbun tan
AIZAWL: Mizoram sawrkara Home Department chun, khawpui sung himna dingin Aizawl City Surveillance Project hnuoiah March 14, 2015 a inthawk khan Aizawl khawpui hmun thenkhat haiah Closedcircuit Television (CCTV) an bun tan. CCTV inbunna hi phase 1&II a thaw ning a ta, Phase-I ah Aizawl khawpui sung hmun 10-ah CCTV inbun ning a ta, camera 61 inbuk tum le Control room chu Aizawl SP Office-a um a tih. Phase-I hi tha tawka ngai a ni chun Phase-II nain CCTV inbunna hi sunzawm nawk ning a tih. Phase II a hin Aizawl khawpui hmun 23-a CCTV inbun tum a nih. Aizawl City Surveillance Project hi Rs. Rs. 12,64,89,500 senga thaw dinga riruong a nih
Ruosur leiin mi 17 an thi tah
JAIPUR: North India tieng chun ruo nasa taka a sur leiin mi 17 an thi ta bakah thlai tam tak a suksiet ta niin official thusuok chun a hril. Rajasthan a chun ruosur, tek tla le riel leiin darkar 36 liemta sung khan mihriem 12 in an thi pha ta bakah thlai nasa takin a suksiet a; Jammu & Kashmir a khawm ruosur leia mimkei le vur intawl nasa tak tlung leiin mi 3 an thi ta bakah mi 4 in hliemna an tuok ta bawk niin official thusuok chun a hril. Mi dang 2 thi hai chu Uttarakhand-a zani hmasaa ruosur leia lung inhlumthlain a del hlum an nih. Jammu & Kashmir-a chun mimkei nasa tak tlung leiin Srinagar-Jammu National Highway le Batote- Doda-Kishtwar lampui hai khar an ni a, Katra base camp le Mata Vaishnodevi shrine inkara Helicopter service khawm sukchawl a nih.
Swine Flu leia thi 1,731 an tling tah
NEW DELHI: Swine Flu leia thi 21 an um belsa nawk leiin India rama chun zani chen khan Swine Flu leia thi mi 1731 an tling tah. Swine Flu leia thi tamna tak chu Gujarat niin tuchena hin hi natna leiin mi 387 an thi ta a, mi 6,148 in an invawi mek. Rajasthan a chun mi 378 an thi ta a, mi 6,202 in an invawi mek. Maharashtra-a chun mi 293 an thi ta a, mi 3,483 in an invawi a, Madhya Pradesh a chun mi 239 an thi ta a, mi 1,909 in an invawi mek. Delhi- a chun mi 11 an thi ta a, mi 3,998 in an invawi mek. Health Ministry record dungzui kum 2009 khan Swine flu leiin mi 981 an thi a, mi 27,236 in an invawi a, kum 2010 khan mi 1,763Swine Flu leiin an thi a, mi 20,000 in an invawi niin a hril.
Kum 14 sungin Miz.-ah inruithei leiin mi 890 an thi
AIZAWL: Kum 2000-2014, kum 14 liemta sung khan Mizorama chun inruithei leiin mi 890 an thi niin Excise & Narcotics department record chun a hril. Hienghai laia 767 hai chu Proxyvon le
Parvon Spas thaw leia thi an ni a, 69 hai chu Heroin thaw leia thi anni bakah a dang 54 hai chu alprazolam, cataspa, corazepam, cough syrup, dendrite, diazepam, ganja, nitrosun, peptica le a dang dang thaw leia thi an nih tiin ei thu dawngna chun a hril. Hieng laizing hin March 14, 2015 nia Central YMA Executive Committee chun Mizoram state sunga inruithei dodalna hrat taka fepui dingin an rel.
Sunsilk Miss NE 2015 in Jessica
GUWAHATI: March 14, 2015 zana ITA Cultural Complex, Machkhowa, Guwahati hmuna Sunsilk Mega Miss North East, 2015 grand Finale neia chun Meghalaya mi Jessica Marbaniang chu Sunsilk Miss NE 2015 a thlang a nih. Sunsilk Mega Miss North East 2015 grand finale a hin nunghak 31 an thang a. Tripura mi Rinky Chakma chu first runner-up niin Mizoram nunghak Emily Hmingthansangi chu second runner-up a nih
Maharashtra-ah nuhmei suolluina a tam tak
MUMBAI: Union Minister of Women and Child Development Ms Maneka Gandhi in zanita Lok Sabha hmuna a hril danin, India rama state tum tum hai lai Maharashtra a chun nikum khan nuhmei suolluina case a tam tak. Kum 2014 khan Maharashtra-ah nuhmei suolluina case 13,827 a um a, a dawttu chu Madhya Pradesh niin nuhmei suolluina cases 13,323 a um a, nuhmei suollui tamna tak pathumna chu Andhra Pradesh niin nikum khan nuhmei suolluina cases 13,267 a um tiin Ms Maneka Gandhi chun Lok Sabha an hriettir.
World Youth Summit- ah a thang ding
CCPUR: March 29-April 2, 2015 sunga Imphal hmuna Club25 International Manipur le International Youth Committee hai huoihawtna hnuoia World Youth Summit 2015 nei huna thangg ve dinga thlangsuokhai lai Tv Dennis Lallienzuol Hrangchal s/o Raltawnluoi Hrangchal, Rengkai Road, Zenhang Lamka, CCPur a thang ve. World Youth Summit 2015- a hin khawvel rambung tum tum 63 haia inthawk rambung pakhatah mi pakhat pei thang dinga thlangsuok an nih. Tv. Dennis Lallienzuol Hrangchal hi North East India International Model United Nations (NEIMUN)- a Under Secretary General for Communications & Public Information sin chel lai mek le St.Edmund’s College Shillong-a BA 3rd Year (Sociology) inchuklai mek a nih. (Virthli)
Heroin gram 21 leh man
AIZAWL: Mizoram Excise & Narcotics Department, Anti-Narcotics Squad chun zani zingkar 10:30AM khan Chanmari West, Hunthar Road-ah Ms Vanlalchhungi (36) d/o (L) Lalbiakliana , Zuangtui, Aizawl chu Heroin grams 21 leh an man a, The Narcotics Drugs & Psychotropic Substances Act ‘85 (ND&PS Act ‘85) hnuoia thubuoi an siem khum. Heroin mana um hi Khawmawi (|iau), Myanmar-a inthawka a laklut niin a hril.
AMEF Fin. Secy. an pe
TURA: A’Chik Matgrik Elite Force (AMEF) a senior leader le Finance Secretary ni bawk Cheliash K. Marak (22) chu March 15, 2015 zan khan Mendipathar hmuna North Garo Hills district Police chief JFK Marak hmaah carbine silai pakhat le a mu 5 leh an pe. K. Marak hi Jojo ti le Kimbiksa Matgrik ti khawma ko a ni a, an peklut huna hin overground cadre dang pakhat John B. Marak @ Gamchak (20) khawm 12bore Pistol 1 le a mu 9 leh an pelut ve. AMEF hai hi GNLA a inthawka suokdawk ASAK helpawl indin, chu pawla inthawka suokdawk nawk an nih.
Phensedyl Rs. 1 crore manhu an man
AGARTALA: BSF le Central Excise Department personnel hai chun March 15, 2015 (Pathienni) zan khan Agartala-a Bodhjungnagar hmuna Truck pakhat an dapnaah hritlang damdawi Phensedyl bur 65,000 Rs. 1 crore manhu ding dapdawkin an man. Phensedyl hai hi Thei phurna cartons sunga an thupruk a nih tiin custom official thusuok chun a hril. Phensedyl hi Bangladesh tienga phur tum a nih. Truck driver le handyman hai chu an inbihmang leiin Police chun man tumin an zawng mek.
Editorial
Ei hun tawng zir-a thiemna nei a pawimaw
Tulai Khawvel a kawng tin renga thil thar, ngaituona thar, thuom tha le changkang nei tum le, a laluttu ni neka a thawndawktu ni tuma khawvel rambung tum tum han economic war an fepui mek lai hin, degree nei naran hai ta ding chun dam khawsuokna ding a tlawm deu deu ding a nih ti hi nu le pa le inchuklai han a thar taka hriet a pawimaw a. Khawvelin iengang hun am a tawng a, iengang thiemna am a mamaw a ti ngaichang zing puma ei intat hriem a, hmang tlak ni dingin ei hun tawng izira ei insingsat a tul tah. Chem nazawng hmang tlak a ninaw ang bawkin degree ringawt hi tulai khawvela ding chun umzie a nei tanawh ti ei hriet thar a tul.
Khawvela mihriem ei pung pei leiin fak le dawn khawsakna kawnga harsatna a pung tuol tuol a, sin zawngna kawnga khawm thalai han harsatna namen lo ei tuok a, ‘unemployment’ problem hi sungkuo problem chau ni lovin national problem khawm a ni a. Hi lei hin sawrkar chun theitawp suoin ei rama unemployment problem sukbona dingin kawng tum tuma hma lain theitawp a zuo zing a nih. Hieng laizing hin India rama Godrej private company-a Adi Godrej chun, ‘there is no unemployment in India. It’s only unemployability,’ tiin a hril. Adi Godrej thuhril hi chik taka ei ngaituo chun, ei lohma dawm dan ei thlakthleng thil tul tak a nih ti an hriet thei. Asan iem ei ti chun, Thiemna le varna an sang a, ei hmangruo hmang le thil nei hai khawm a changkang tawl ta hle ti ei hriet. Ei thil dit hai khawm a tha, changkang le a tulai lai a nitah. Sin a vang ei ti a, sienkhawm a bik takin eini Zohnathlak hai lem chun Central le state sawrkar hnuoia ei quota khawm ei hluobit zonaw a nih. Chu um zie chu sin thaw dinga ‘skilled’ ei tlawm tina a nih. Tulai khawvelin a mamaw chu thil dang danga ‘skilled le professional’ a nitah. Hi lei hin hmang tlak ni dinga training le professional line-a lut ei uor zuol a tul a nih.
India PM Narendra Modi chun ‘Make in India’ campaign a tlangzar ta a, Development of North Eastern Region (DoNER) chun ‘Make in North-East’ ti project fepui a tum thu DoNER Minister Dr Jitendra Singh chun Parliamentary Consultative Committee meeting huna a hril a. Union Minister of state for Home Kiren Rijiju chun December 6, 2014 khan Narendra Modi PM nina hnuoia central sawrkar chun India hmarsak biel chu South East Asia sumdawngna annawleh insumdawngtuona hmunpuia siem a tum leiin ‘Look-East Policy’ chu ‘Act East Policy’-a a thlakthleng thu a lo hril ta bawk.
Hienganga Pu Narendra Modi sawrkarin kawng tum tuma India hmarsakbiel states 8 - Assam, Tripura, Meghalaya, Mizoram, Manipur, Nagaland, Arunachal Pradesh le Sikkim hai sukhmasawn le dawmsang tumna hai hi India hmarsak biel-a cheng hai ta ding chun thil lawmum takel a nih. Chuonglai zing chun India hmarsak state haia hin hmasawnna thlungpui indik tak ei hmu le chang theina ding chun ei ram ralmuong taka ei siem a tul a. Project um haia a ram mi hai ngeiin sin ei thaw theina dingin ‘skilled’ ei ni a tul.
Pu Modi chun India rama unemployment thua harsatna tam tak chingfelna ding hmathlir neia India mi tamlem han sin an hung hmu theina ding ditnaa ‘Make in India’ campaign hi a hung tan a nih. Chu ding chun India sawrkar khawmin skilled labour nasa takin a tlasam a nih. India ram hmanin a tlasam chun NE biela hin sawr tlak le sawr thei ding mihriem iengzam um ei ta? Sawrkar hin a ram mi sawr tlak a hmu dai dim? ti khawm ngaituo tham tak a hung nita a nih. Sawrkar hin ienganga scheme le project tha khawm hung induong sienla, a ram mi han ei zir naw a ni chun umzie nei chuongnaw ni a, Vawk kuoma rangkachak pek an hril angin, thil hlu le thiltha tak khawm hi a hmang dan ei hriet naw tlat chun a ram mi hai ham thatna ding popo mi dangin an hung chang nawk vawng thei tlat a nih. Hieng a ni lei hin a bik takin thalai le inchuklai han a degree insang zawng ringawt hnawt lova professional line dang danga thiem bikna ei nei a hung pawimaw ta a nih. Khawvela thil siemsuokna tienga thaw hlawk tak China chun secondary school student haia inthawk formal skilled training programmes a siem a, hi lei hin skill labour tiengpanga chun a hausa hle a, khawvela a thil siemsuok thawndawk rawn pawl tak lai a thang phak a nih.
Ei lekha inchukna khelah thiembik nei dinga training lak ei uor naw a ni chun sin zawngna kawngah thalai han harsatna ei la tuok pei ding a nih. Sawrkar khawmin skill labour tamlem siemsuokna dinga programmes tha le tam lem a hung induong pei thil tul makmaw a nih. Chu ding chun ei rama Industrial Training Institutes (ITI)s hai khawm sukhmasawnin sukchangkang sienla nuom a um bawk. Chu chu ‘Make in India’, ‘Make in North-East’ campaign a hung hlawtling theina ding lampui a nih.
Hieng a ni lei hin sawrkarin ieng project khawm hung thaw sienla, ramdang mi ruoi tul lova, mani ei intodel theina dinga ei lo intathriem chu ei thaw ding makmaw a ni a, chu chu ei rama unemployment problem ei hnawthmang theina lampui umsun a ni leiin ei khawvel hun tawng mek in a mamaw
thiemna ei nei a pawimaw a nih. Ei thiemna in a tlin phawt chun sin hi vang naw ni a, General quota khawm ei chang thei a nih ti ei hriet a tul.
TAITHU/CCPUR: March 16, 2015, zing dar 3:30AM khan Taithu-a Pu Lalvengthang In chu kangmei suokin a kangfai rit. Kangmei hi Arril (Ar in) hnuoia bawng-ek tawl dumziel bawng that lova dehawnin a hung kangut- a inthawka intan ni dinga ring a nih. Kangmei suokin In a kang hi bawl that tum lai mek, In pakhat dai ding thing sie a ni leiin kangmei suokin thil a kanghi Rs. 5 lakh manhu vel ni dinga hisap a nih tiin ei thu dawngna chun a hril. Thuomhnaw pakhat khawm lakdawk hman um lova In hi a kang fai vawng a nih.
Taithu khaw mipui le tlawmngai pawl dang dang hai chun zanikhan In kang sungkuo hai chu an umna ding In an bawl pek nghal a. ICDP (RPC) Parbung Area khawmin kangmei leia harsatna tuok sungkuo hai hi Blanket le sumfaiin a thei ang angin thangpuina a pek ve a, bieltu MDC Pu Lalhmangpui khawmin emergency light, rangva pein a thei ang angin thangpuina a pek ve bakah tlawmngai Pawl dang dang khawmin an thei ang angin an thangpui bawk.
Input: Lalnunthang Songate
N. Lamka Bethel Veng-ah In a kang
CCPUR: Zani sun dar 11:00 vel khan New Lamka Bethel veng-a Ms T. Chingliankim w/o (L) Damkhanpau in a hluo In a inthawk kangmei a suok a, insunga um Television, Holy Bible le naupang lekhabu iemanizat a kangsiet. Kangmei suok huna hin insunga tukhawm um lo, chabi-a inkal a ni a, kangmei suok an hriet le inruolin Fire Brigade hai inhriettir an na, sienkhawm fire brigade hai tlung hmain thenum khawveng han In kalna tala suksiein kangmei hi an thelmit hman. Kangmei suok intanna tak hriet ninaw sienkhawm electric a inthawka intan ni dinga ringhla a nih. In neitu tak chu Imphal tienga um niin Ms T. Chinliankim hin a hluo a nih.
HI hotu han Aizawl an pan ding
CCPUR: Hmar Inpui GHQ President Dr John H. Pulamte chun vawisun hin Aizawl pan a ta, HI Gen. Secretary Pu David Buhril chun March 19, 2015 khin Aizawl pan veng a tih. HI Gen. President hin March 18, 2915 khin MHWA Fin. Secy. Remruata Varte nuhmei nei uop a ta, Aizawl a cham sungin HMWA, HSA, HPC hai leh joint meeting nei an ta, tha an ti tlang a ni chun Mizoram Governor khawm inhmupui ning a tih. HI Barak Region Election April 9, 2015 a nei ding le April 11, 2015 in Shillong Region HI Election nei ning a tih tiin Hmar Inpui thusuok chun a hril.
UZO Hq. Election nei
CCPUR: Zani zingkar khan Zogal Memorial Hall Complex- ah United Zou Organisation (UZO) GHQ 59th Annual Assembly-cum HQ Election (Mid Term Poll) 2015-2017 nei a nih. Kum 2015-17 sunga ZWC member thar dingin mi 15 thlang an ni a, March 19, 2015, 10:30AM khin Zogal Memorial Hall Complex-ah ZWC member 15 han President ding thlangna nei an tih. Hi huna hin thuoitu hlui lo thi ta hai sunna nei a ni bawk. ZWC member a thlang thar hai chu- Tongthang Zou;
Chinlunthang; Gouzalal Tungnung; Amchinpau; Thangzamang; Ginthang; Khaizamang Taithul; Jamgenthang; Chinsuanlam; Kamkhanlian; John Haulamlian;Dominic Khammeng; Hausuanthang; Chinkhanmang le Khupzagin hai an ni a, thlang thar hai hi Peter Thangmang, Zou Zumpi in intiemkamna an nei tir a, Rev. Hangpi Manlun, Executive Secy., ZPCS in tawngtaipekna a nei.
Organising Board hai bu a fakpui
CCPUR: March 15, 2015 khan Hmar Martyrs Trophy Organising Board chun Pu Samson Hrangchal, Social Worker chengnain, Rengkaiah meeting an nei a, hi huna hin Pu Samson chun Organising Board meeting- a thang hai po po Hotel booked lawkin bu a fakpui.
Mi 58 document
CCPUR: National Foundation for Communal Harmony (NFCH) hnuoia CCPur District-a inthawk stutudent 100 in thangpuina hmu hlak hai chu document pelut dinga inhriettir an ni a, tuchena hin mi 58 chauvin document an la peklut. Document la pelut lo hai chun an hmatienga BO Hq. DC Office-a pelut dinga inhriettir an nih.
MANIPEX 2015
CCPUR: March 17, 2015 hin YPA Hall, Hiangtam Lamka hmuna MANIPEX 2015, CCPur opening ceremony um a tih. Hi huna hin Pu Lunminthang, IAS, DC, CCPur khuolliena thangin MANIPEX, 2015 exhibition hawng a tih. March 20, 2015 closing ceremony huna P. Rajmani Singh, Retd. Associate Professor and Sr. Philatelist chu chief guest le Heera Kamei, Sr. Philatelist chu guest of honour in thang a tih.
Manipur Assembly in MRVTMW Bill an passed: MRVTMV Bill dodalnain CM le MLA hai lim an raw
IMPHAL: Manipur Chief Minister le House leader O.Ibobi Singh in March 13, 2015 nia Manipur Assemblya a putlut Manipur Regulation of Visitors, tenants and Migrant Workers (MRVT&MW) Bill, 2015 chu Manipur Assembly Budget session tawpni tak zanikhan hriltlang a ni a, darkar hni sung zet hriltlang a ni hnungin Opposition Trinamool MLAs 4 hai inpuia inthawk suoktau hai sienkhawm Manipur Assembly chun an passed. MRVTMW Bill zanita Manipur Assembly-a hriltlangna huna Opposition MLA L. Ibomcha chun, Bill a hin thil thar a um nawh tia sawiselin la ennawn tha a ti thu a hril a. Bill-a hin illegal migrants hai enfelna ding transit points zieklang a ninaw bakah implementing agency ding suklang a ninaw thu hrilin hotel neitu le In neitu hai maw inphurtir thei an ninaw ding thu a hril. MLA I.Ibohalbi chun, Bill hi All party recommendation an thaw hai laia point pakhat chau ti lo all political parties in an recommended hai inchuon an ni nawh tiin a hril a. MLA Th. Shyamkumar chun, illegal migrants dangna ding points a kim tawknaw leiin ennawn ni raw seh tiin a hril ve. Manipur CM chun MLAs han hi Bill thua ngaidan an thawlawm hai chu lawmum a ti thu, tu le tua a tul leia Bill hi siem a ni thu hrilin MLAs han Bill-a kim lo nia an hril hai chu a hnunga siemthat
(amended) thei an ni thu hrilin pass dinga inpui a ngen angin Bill hi passed a hung nita a nih.
Hieng laizing hin Joint Committee on Inner Line Permit System (JCILPS) hi Bill passed a ni zo minutes tlawmte hnungah Bill passed a ni dodalnain zanikhan AMSU Headqarter tuolah CM
O.Ibobi Singh, Home Minister Gaikhanbam le MLAs hai lim (effigy) an raw. JCILPS volunteers hai chun, Bill a hin a ram mi hai himna ding iengkhawm a thangnaw leiin an pawm theinaw thu an hril. JCILPS in March 15, 2015 zanrila inthawk darkar 18 hi bill dodalnaa bandh an thaw chun Imphal khawpui sunga nundan pangai a sukbuoi hle a. Imphal khawpui sunga chun dawr, bazaar le inchukna
in hai bakah govt. Institutions hai khawm an in khar vawng.
Assembly in bomb puok an dem
IMPHAL: Manipur Assembly chun March 11, 2015 zantienga mi 3 in an thi pha le midang 23 in hliemna an tuok phana Khwairamband bazar-a bomb puok chu nasa takin an dem. MLA N. Biren chun, tuchena bomb sukpuoktuhai man an la ninawna thuah state sawrkar chun hi thil hi a ngaitha a nih tiin an tum. Home Minister Gaikhangam chun, ringhla iemanizat man an nit a a, sienkhawm investigation fe lai mek a suk sukhuk ringhla leiin sawrkarin a la puonglang naw a nih tiin a hril.
Swine flu ngirhmun ennawn
IMPHAL: Health and Family Welfare Minister Phungzathang Tonsing inrawinain Health Department chun zanikhan Old Secretariat Conference Hall, Imphal- ah Manipur-a Swine Flu (H1N1) ngirhmun an ennawn. Hi meeting a hin Pollution Control Board Chairman (MPCB) Dr Ng. Bijoy, MLA; MLA Dr Ibohanbi, Minister hlui Dr M Nara; Principal Secretary (Health & FW) Dr Suresh Babu, DCs le health officials hai an thang. AYUSH khawmin H1N1 thuah district level monitoring committee indin a tum
DC in Free Textbook inspection a thaw
CCPUR: Pu Lunminthang Haokip, IAS, DC, CCPur chun zani 10:00AM khan Vimala Raina H/S a Govt. School haia student hai kuoma Free Textbook sem ding hai enfelna (inspection) a nei. Inspection a nei zo hin DC CCPur chun DI of Schools hai kuoma Class I-VIII textbook sample copy an hlan tawl. Free textbook hi March 17-19, 2015 inkar sungin ZEO CCPur hnuoia Govt., Aided School hai kuoma sem ning a ta, March 20- 21, 2015 sungin ADC hnuoia school hai kuoma sem ning a tih. March 17, 2015, 10AM le 1:00PM in CCPur Block le Tipaimukh Block-a mi hai sem ning a ta, March 18, 2015, 10:00AM &1PM in Samulamlan Block le Thanlon block; March 19, 2015, 10AM&1PM in Singngat le Henglep Block kuoma sem ning a ta. March 20, 2015, 10AM le 12:00 le 1:00PM haiah ADC, CCPur block, ADC Tipaimukh Block le ADC Thanlon block hai kuoma sem ning a tih. March 21, 2015, 10AM, 12:00 le 1:00PM haiah ADC Samulamlan Block; ADC Henglep le ADC Singngat block hai kuoma sem ning a tih.
NPP in Hangkhanlian ngaidam inhni dingin
IMPHAL: National People’s Party (NPP) Manipur Unit President V. Hangkhanlian inrawinaa NPP Manipur in BJP an zawmna le inzawmin NPP National Gen. Secy. Ajang Khongsai chun Minister hlui V. Hangkhanlian chu NPP Manipur active member a ninaw thu zanita Imphal hmuna media hai an hmupuina huna a hril. Mr Khongsai chun, V. Hangkhanlian chu NPP Manipur Unit President a lo ni hlak a, sienkhawm Sept. 15, 2012-a a president term a bo hnunga inthawk tuchen hin a member nina a sukthar tanaw leiin NPP member a ni tanawh tiin a hril. National NPP President P.A. Sangma in thurawn a hung pek angin chawlkar khat sunga ngaidam an hninaw chun National NPP chun a chungah defamation case a file ding a nih tiin a hril. Zani hmasa khan V. Hangkhanlian inrawinaa NPP Manipur Unit thuoitu pathum hai chun BJP an zawm a nih.(UNA)
Eastern Army Command Manipur-ah
IMPHAL: Lt Gen MMS Rai, AVSM,VSM, GOC-in-C, Eastern Command chu ni 2 sung cham dingin March 15, 2015 khan HQ IGAR(S)-a hungtlung. Lt. Gen. MMS Rai hi Lt. Gen. Bipn Rawat, AVSM, YSM, SM, VSM, GOC 3 Corps in a hung zui. Army Commander hin Maj. Gen. Rajeev Chopra, IG AR (South) chu Manipur-a security ngirhmun a hriltlangpui.
AMCTA hai an nuorna tawpsan dingin
IMPHAL: Manipur Assembly-ah zanita MLA Kh. Joykishan in tulaia All Manipur College Teacher Association (AMCTA) han nuorna an nei chungthu a indawnna a siem dawnin, Education Minister M. Okendro Singh chun, AMCTA inbiekrem pui tumin sawrkarin lampui a dap zing a nih tiin a hril a, AMCTA nuorna nei hai chun an nuorna an tawpsan naw leh an chunga action khau tak lak ning a tih tiin a hril.
Biekin suosam; mi 14 chunga case registered
HISAR: March 6, 2015 nia Haryana-a Hisar district-a Kaimri hmuna Biekin bawl lai mek suosam a ni a. Hi thua hin Williwarsh Church a Father Subhash Chand in Police-a complaint a peklut dungzuiin Haryana Police chun mi 14 chunga case an registered. Biekin suosamtu hai hin Biekin sunga kros intar chu keithlain Hanuman lim an lo tar nia hril a nih. Hi biekin bawl lai mek va suosamtu hai chun, an biekin bawl an sunzawm chun that dingin an vau bawk nia hril a nih. Hi thil tlung hi Haryana- a Christian hai chun nasa taka demin Biekin suosamtuhai chu an rang thei anga man dingin an ngen.
A suolluitu hai ta dingin a tawngtai pek
RANAGHAT/KOLKATA: West Bengal-a Nadia districta Ranaghat hmuna Jesus and Mary Convent school-a nun (sakhuo rawngbawltu) kum 71 mi suolluia um chun, a suolluitu hai ngaidam an ni theina dingin a tawngtai pek. Suolluia um Nun hi Ranaghat Hospital-ah enkawl mek a ni a, ama tuorna nekin a school le student hai himna ding a ngaipawimaw lem. Nun suolluina le inzawma CCTV camera record- a inlang mi 4 hai chu zawng mek an ni a, an hmel inangpui an man hai chu Police han thu indawnna an nei mek. Nun suolluitu hai hin laptops, mobile phones le a thil nei dang hai bakah school pawisa khawm an lak hmang a nih.
Aizawl khawpui-ah CCTV inbun tan
AIZAWL: Mizoram sawrkara Home Department chun, khawpui sung himna dingin Aizawl City Surveillance Project hnuoiah March 14, 2015 a inthawk khan Aizawl khawpui hmun thenkhat haiah Closedcircuit Television (CCTV) an bun tan. CCTV inbunna hi phase 1&II a thaw ning a ta, Phase-I ah Aizawl khawpui sung hmun 10-ah CCTV inbun ning a ta, camera 61 inbuk tum le Control room chu Aizawl SP Office-a um a tih. Phase-I hi tha tawka ngai a ni chun Phase-II nain CCTV inbunna hi sunzawm nawk ning a tih. Phase II a hin Aizawl khawpui hmun 23-a CCTV inbun tum a nih. Aizawl City Surveillance Project hi Rs. Rs. 12,64,89,500 senga thaw dinga riruong a nih
Ruosur leiin mi 17 an thi tah
JAIPUR: North India tieng chun ruo nasa taka a sur leiin mi 17 an thi ta bakah thlai tam tak a suksiet ta niin official thusuok chun a hril. Rajasthan a chun ruosur, tek tla le riel leiin darkar 36 liemta sung khan mihriem 12 in an thi pha ta bakah thlai nasa takin a suksiet a; Jammu & Kashmir a khawm ruosur leia mimkei le vur intawl nasa tak tlung leiin mi 3 an thi ta bakah mi 4 in hliemna an tuok ta bawk niin official thusuok chun a hril. Mi dang 2 thi hai chu Uttarakhand-a zani hmasaa ruosur leia lung inhlumthlain a del hlum an nih. Jammu & Kashmir-a chun mimkei nasa tak tlung leiin Srinagar-Jammu National Highway le Batote- Doda-Kishtwar lampui hai khar an ni a, Katra base camp le Mata Vaishnodevi shrine inkara Helicopter service khawm sukchawl a nih.
Swine Flu leia thi 1,731 an tling tah
NEW DELHI: Swine Flu leia thi 21 an um belsa nawk leiin India rama chun zani chen khan Swine Flu leia thi mi 1731 an tling tah. Swine Flu leia thi tamna tak chu Gujarat niin tuchena hin hi natna leiin mi 387 an thi ta a, mi 6,148 in an invawi mek. Rajasthan a chun mi 378 an thi ta a, mi 6,202 in an invawi mek. Maharashtra-a chun mi 293 an thi ta a, mi 3,483 in an invawi a, Madhya Pradesh a chun mi 239 an thi ta a, mi 1,909 in an invawi mek. Delhi- a chun mi 11 an thi ta a, mi 3,998 in an invawi mek. Health Ministry record dungzui kum 2009 khan Swine flu leiin mi 981 an thi a, mi 27,236 in an invawi a, kum 2010 khan mi 1,763Swine Flu leiin an thi a, mi 20,000 in an invawi niin a hril.
Kum 14 sungin Miz.-ah inruithei leiin mi 890 an thi
AIZAWL: Kum 2000-2014, kum 14 liemta sung khan Mizorama chun inruithei leiin mi 890 an thi niin Excise & Narcotics department record chun a hril. Hienghai laia 767 hai chu Proxyvon le
Parvon Spas thaw leia thi an ni a, 69 hai chu Heroin thaw leia thi anni bakah a dang 54 hai chu alprazolam, cataspa, corazepam, cough syrup, dendrite, diazepam, ganja, nitrosun, peptica le a dang dang thaw leia thi an nih tiin ei thu dawngna chun a hril. Hieng laizing hin March 14, 2015 nia Central YMA Executive Committee chun Mizoram state sunga inruithei dodalna hrat taka fepui dingin an rel.
Sunsilk Miss NE 2015 in Jessica
GUWAHATI: March 14, 2015 zana ITA Cultural Complex, Machkhowa, Guwahati hmuna Sunsilk Mega Miss North East, 2015 grand Finale neia chun Meghalaya mi Jessica Marbaniang chu Sunsilk Miss NE 2015 a thlang a nih. Sunsilk Mega Miss North East 2015 grand finale a hin nunghak 31 an thang a. Tripura mi Rinky Chakma chu first runner-up niin Mizoram nunghak Emily Hmingthansangi chu second runner-up a nih
Maharashtra-ah nuhmei suolluina a tam tak
MUMBAI: Union Minister of Women and Child Development Ms Maneka Gandhi in zanita Lok Sabha hmuna a hril danin, India rama state tum tum hai lai Maharashtra a chun nikum khan nuhmei suolluina case a tam tak. Kum 2014 khan Maharashtra-ah nuhmei suolluina case 13,827 a um a, a dawttu chu Madhya Pradesh niin nuhmei suolluina cases 13,323 a um a, nuhmei suollui tamna tak pathumna chu Andhra Pradesh niin nikum khan nuhmei suolluina cases 13,267 a um tiin Ms Maneka Gandhi chun Lok Sabha an hriettir.
World Youth Summit- ah a thang ding
CCPUR: March 29-April 2, 2015 sunga Imphal hmuna Club25 International Manipur le International Youth Committee hai huoihawtna hnuoia World Youth Summit 2015 nei huna thangg ve dinga thlangsuokhai lai Tv Dennis Lallienzuol Hrangchal s/o Raltawnluoi Hrangchal, Rengkai Road, Zenhang Lamka, CCPur a thang ve. World Youth Summit 2015- a hin khawvel rambung tum tum 63 haia inthawk rambung pakhatah mi pakhat pei thang dinga thlangsuok an nih. Tv. Dennis Lallienzuol Hrangchal hi North East India International Model United Nations (NEIMUN)- a Under Secretary General for Communications & Public Information sin chel lai mek le St.Edmund’s College Shillong-a BA 3rd Year (Sociology) inchuklai mek a nih. (Virthli)
Heroin gram 21 leh man
AIZAWL: Mizoram Excise & Narcotics Department, Anti-Narcotics Squad chun zani zingkar 10:30AM khan Chanmari West, Hunthar Road-ah Ms Vanlalchhungi (36) d/o (L) Lalbiakliana , Zuangtui, Aizawl chu Heroin grams 21 leh an man a, The Narcotics Drugs & Psychotropic Substances Act ‘85 (ND&PS Act ‘85) hnuoia thubuoi an siem khum. Heroin mana um hi Khawmawi (|iau), Myanmar-a inthawka a laklut niin a hril.
AMEF Fin. Secy. an pe
TURA: A’Chik Matgrik Elite Force (AMEF) a senior leader le Finance Secretary ni bawk Cheliash K. Marak (22) chu March 15, 2015 zan khan Mendipathar hmuna North Garo Hills district Police chief JFK Marak hmaah carbine silai pakhat le a mu 5 leh an pe. K. Marak hi Jojo ti le Kimbiksa Matgrik ti khawma ko a ni a, an peklut huna hin overground cadre dang pakhat John B. Marak @ Gamchak (20) khawm 12bore Pistol 1 le a mu 9 leh an pelut ve. AMEF hai hi GNLA a inthawka suokdawk ASAK helpawl indin, chu pawla inthawka suokdawk nawk an nih.
Phensedyl Rs. 1 crore manhu an man
AGARTALA: BSF le Central Excise Department personnel hai chun March 15, 2015 (Pathienni) zan khan Agartala-a Bodhjungnagar hmuna Truck pakhat an dapnaah hritlang damdawi Phensedyl bur 65,000 Rs. 1 crore manhu ding dapdawkin an man. Phensedyl hai hi Thei phurna cartons sunga an thupruk a nih tiin custom official thusuok chun a hril. Phensedyl hi Bangladesh tienga phur tum a nih. Truck driver le handyman hai chu an inbihmang leiin Police chun man tumin an zawng mek.
Editorial
Ei hun tawng zir-a thiemna nei a pawimaw
Tulai Khawvel a kawng tin renga thil thar, ngaituona thar, thuom tha le changkang nei tum le, a laluttu ni neka a thawndawktu ni tuma khawvel rambung tum tum han economic war an fepui mek lai hin, degree nei naran hai ta ding chun dam khawsuokna ding a tlawm deu deu ding a nih ti hi nu le pa le inchuklai han a thar taka hriet a pawimaw a. Khawvelin iengang hun am a tawng a, iengang thiemna am a mamaw a ti ngaichang zing puma ei intat hriem a, hmang tlak ni dingin ei hun tawng izira ei insingsat a tul tah. Chem nazawng hmang tlak a ninaw ang bawkin degree ringawt hi tulai khawvela ding chun umzie a nei tanawh ti ei hriet thar a tul.
Khawvela mihriem ei pung pei leiin fak le dawn khawsakna kawnga harsatna a pung tuol tuol a, sin zawngna kawnga khawm thalai han harsatna namen lo ei tuok a, ‘unemployment’ problem hi sungkuo problem chau ni lovin national problem khawm a ni a. Hi lei hin sawrkar chun theitawp suoin ei rama unemployment problem sukbona dingin kawng tum tuma hma lain theitawp a zuo zing a nih. Hieng laizing hin India rama Godrej private company-a Adi Godrej chun, ‘there is no unemployment in India. It’s only unemployability,’ tiin a hril. Adi Godrej thuhril hi chik taka ei ngaituo chun, ei lohma dawm dan ei thlakthleng thil tul tak a nih ti an hriet thei. Asan iem ei ti chun, Thiemna le varna an sang a, ei hmangruo hmang le thil nei hai khawm a changkang tawl ta hle ti ei hriet. Ei thil dit hai khawm a tha, changkang le a tulai lai a nitah. Sin a vang ei ti a, sienkhawm a bik takin eini Zohnathlak hai lem chun Central le state sawrkar hnuoia ei quota khawm ei hluobit zonaw a nih. Chu um zie chu sin thaw dinga ‘skilled’ ei tlawm tina a nih. Tulai khawvelin a mamaw chu thil dang danga ‘skilled le professional’ a nitah. Hi lei hin hmang tlak ni dinga training le professional line-a lut ei uor zuol a tul a nih.
India PM Narendra Modi chun ‘Make in India’ campaign a tlangzar ta a, Development of North Eastern Region (DoNER) chun ‘Make in North-East’ ti project fepui a tum thu DoNER Minister Dr Jitendra Singh chun Parliamentary Consultative Committee meeting huna a hril a. Union Minister of state for Home Kiren Rijiju chun December 6, 2014 khan Narendra Modi PM nina hnuoia central sawrkar chun India hmarsak biel chu South East Asia sumdawngna annawleh insumdawngtuona hmunpuia siem a tum leiin ‘Look-East Policy’ chu ‘Act East Policy’-a a thlakthleng thu a lo hril ta bawk.
Hienganga Pu Narendra Modi sawrkarin kawng tum tuma India hmarsakbiel states 8 - Assam, Tripura, Meghalaya, Mizoram, Manipur, Nagaland, Arunachal Pradesh le Sikkim hai sukhmasawn le dawmsang tumna hai hi India hmarsak biel-a cheng hai ta ding chun thil lawmum takel a nih. Chuonglai zing chun India hmarsak state haia hin hmasawnna thlungpui indik tak ei hmu le chang theina ding chun ei ram ralmuong taka ei siem a tul a. Project um haia a ram mi hai ngeiin sin ei thaw theina dingin ‘skilled’ ei ni a tul.
Pu Modi chun India rama unemployment thua harsatna tam tak chingfelna ding hmathlir neia India mi tamlem han sin an hung hmu theina ding ditnaa ‘Make in India’ campaign hi a hung tan a nih. Chu ding chun India sawrkar khawmin skilled labour nasa takin a tlasam a nih. India ram hmanin a tlasam chun NE biela hin sawr tlak le sawr thei ding mihriem iengzam um ei ta? Sawrkar hin a ram mi sawr tlak a hmu dai dim? ti khawm ngaituo tham tak a hung nita a nih. Sawrkar hin ienganga scheme le project tha khawm hung induong sienla, a ram mi han ei zir naw a ni chun umzie nei chuongnaw ni a, Vawk kuoma rangkachak pek an hril angin, thil hlu le thiltha tak khawm hi a hmang dan ei hriet naw tlat chun a ram mi hai ham thatna ding popo mi dangin an hung chang nawk vawng thei tlat a nih. Hieng a ni lei hin a bik takin thalai le inchuklai han a degree insang zawng ringawt hnawt lova professional line dang danga thiem bikna ei nei a hung pawimaw ta a nih. Khawvela thil siemsuokna tienga thaw hlawk tak China chun secondary school student haia inthawk formal skilled training programmes a siem a, hi lei hin skill labour tiengpanga chun a hausa hle a, khawvela a thil siemsuok thawndawk rawn pawl tak lai a thang phak a nih.
Ei lekha inchukna khelah thiembik nei dinga training lak ei uor naw a ni chun sin zawngna kawngah thalai han harsatna ei la tuok pei ding a nih. Sawrkar khawmin skill labour tamlem siemsuokna dinga programmes tha le tam lem a hung induong pei thil tul makmaw a nih. Chu ding chun ei rama Industrial Training Institutes (ITI)s hai khawm sukhmasawnin sukchangkang sienla nuom a um bawk. Chu chu ‘Make in India’, ‘Make in North-East’ campaign a hung hlawtling theina ding lampui a nih.
Hieng a ni lei hin sawrkarin ieng project khawm hung thaw sienla, ramdang mi ruoi tul lova, mani ei intodel theina dinga ei lo intathriem chu ei thaw ding makmaw a ni a, chu chu ei rama unemployment problem ei hnawthmang theina lampui umsun a ni leiin ei khawvel hun tawng mek in a mamaw
thiemna ei nei a pawimaw a nih. Ei thiemna in a tlin phawt chun sin hi vang naw ni a, General quota khawm ei chang thei a nih ti ei hriet a tul.
