Responsive Ad Slot

Hmar hnam thuoituha’n Mizoram Governor an inhmupui

Thursday, March 19, 2015

/ Published by VIRTHLI
AIZAWL/CCPUR: March 19, 2015 chawhnung dar 3:30 PM khan Hmar hnam thuoitu mi 7 haiin Mizoram Governor an inhmupuia, Mizoram-a Hmar haiin India danpui, Sixth Scheduled provision hnuoia Autonomous Council an demand le inzawmin Memorandum an peklut nawk. Governor, Pu Aziz Qureshi chun hi hun a hin Mizoram a Hmarhai Socio-Political ngirhmun chu chipchier takin a’ndawn zovin a APS a ko nghala (amanu Miss Ruth hin a pu kuoma hin 'kei khom hi Hmar tawng ka hmang thiem nawa chu Hmar ka nih' tiin hi hun a hin a hril), Mizoram Chief Secretary kuomah lekha a thawn ding thu an zawt (dictate) pek nghala, Hmar hai memorandum chu chipchier taka hung suichieng (study) a, April 15, 2015 bo hma ngeia report hung pe dingin an hriettir nghal.


Hi hun a Hmar hnam thuoitu hnam aiaw a Governor inhmupuituhai chu Dr. John Pulamte, President, Hmar Inpui (HI); Mr. David Buhril, Gen. Secy., HI;  Mr. J. Laldinliana, Chairman, Mizoram Hmar Welfare Committee (MHWA); Mr. Thangliensung, President, Hmar People's Convention (HPC); Mr. L. Rothanglien Khawbung, Gen. Secy., HSA GHQ; Mr. Lalmuanpuia Punte, Vice Chairman, MHWC le Mr. Lalbieksang Hmar, Secretary, MHWC hai an nih.

LRS Puruolte| Photo: File Pictures


Don't Miss
© all rights reserved
made with by Simon L Infimate