Aizawl, March 7, 2015: Mizoram Home Minister, Pu R. Lalzirliana chun hel haiin Mizoram sawrkar ainthawkin iengkhawm kapdawk naw'ng an tih tiin a hril. Vawisuna ZONET Correspondent in a Ina a hohlimpuina-ah Pu R. Lalzirliana chun, hel haiin Mizoram an hung kap vet ani chun sawrkar in zaidaw mei mei naw ni a, sawrkarin Mizoram thedar a rem ti nawa,  Autonomous District Council siem thar khawm a remti naw a, hi hi an sawrkar chauh ni lo, sawrkar thar khawm um sien remti a ring naw thu hrilin hel ha'n Mizoram satthla tum zawng amanih, Autonomous District Council phut zawnga Mizoram sawrkar an kap a ni khawma iengkhawm kapdawk naw ni hai a tih.

Home Minister chun, HPC(D)-ha'n Hmar mipuihai an hmangai tak tak a ni chun silai leh ralkhata inhrosa lovin, nunphung pangngaia khawsa dingin hung kir hai sien, sawrkar khawmin an hamthatna ding ngaituo in Hmar tlangdung hmasawnna ding khawmin thawtlang dinga inpei a, chuong an naw chun ralkhata silai leh inhrosa a, Mizoram an lo kap vet a ni chun sawrkar chun azai a daw mei mei naw ding niin a hril. Khawliena hin sipai tam lem thawn lut nghal an ni thu a hrilsa bawk.

Post a Comment

Powered by Blogger.