Tuithaphai: 9 March, 2015; 9AM khan Friendship Athletic Sporting Team (FAST) hai hmalakna hnuoia ‘FAST Players Fitness Camp’ chu Rengkai Playground saka Pu Hrilsawmlien a in bawl zo hlim, Muolhlum ah Pi  Elwin(Lun) Tombing, Social Worker d/o Shri. Twalchin Tombing & Mrs.Sumtuozo Hmar, Ex.MLA Senvon Constituency) chun a hawng. Hi hun hi Pi Elwin a pasal Dr. Niangngaihlian; Pu Jofawnlien, Chief of Rengkai; Pu Songneilien Songate, V/A, Gen. Secretary, HYA haiin an uop. Pu Lien Shakum (Biethu D) le Slight Change haiin thiem takin mipui hla’n anin awi a. Pi Elwin in thuhril tawi a nei huna chun Rengkai a hin mikhuol ah kan ngai naw a, Hmar hai po po hi ka pu hai in nih. Hmabaka MDC election dinga hin New Lamka West biela MDC in Candidate a tum thu hai hrilin Rengkai mipui haiin support pea thlang tling ani chun MDC huom suonga a thaw ding le a thaw thei hai mipui in hrilin a thei tawpa mipui hai tadingin sin a thaw nuom thu hai a hril. MDC hi One Man Army sin ani naw a, mipui le thangruol a pawimaw thu hai hrilin, Khawvel si tak kara FAST haiin hienga thalai lai taka taksa insawizawina ngai pawimaw a “Fitness Camp” an huoihawt hi lawmum a ti thu hai a hrilsa bawk .


Hi hun hi Nk Lalhlimum Joute in a keithuoi a, Rev.Thangsuolien, Vice Chairman, GHQ Unity Church in hun hawng tawngtaina le Pastor Lalthlamuong, Local Pastor, Local Church in hun khar tawngtaina a nei.

FAST hi 1997 kuma indin niin a members hai lai hin hlawtlingna chang, Sawrkar le Sports tieng tamtak an um ta a. Tuipuiral, National le State sunga inkhel phak iemanizat khawm anlo um ta a. Tuta April-May, 2015 sunga um ding, Hmar Martyrs Football Trophy ah Rengkai thangsana thang ve a hlawtlingna chang ngei tuma hi Fitness Camp hi an buotsai ani a. Martyrs Trophy a hin pahnina a zawmin vawihni lai an lo lak ta bawk a nih.

 - Alan Famhoite (Social Watch Dogg)







Post a Comment

Powered by Blogger.