CCPur, February 18,2015(HT) : Kum 52 neka tam liemtaa Upa Lalrochunga ruong vui liem a ni hnungin a ru tawl la um hai chu chodawk nawkin zani zantieng dar 3:30 vel khan a naupa Rev. Ruolneikhum Pakhuongte In, Sielmat tuolah a nuhmei thlanah a sung le kuo han ropui takin vuiliemna hunser an hmang. Upa Lalrochunga (72) hi damnawna leiin Alipoor Hospital, Cachar district, Assam-ah operation thaw a ni a, sienkhawm a damzo naw leiin May 31, 1962 khan Alipoor Hospital Cemetry ah a ruong vui liema lo um ta a nih. A ru tawl la um hai hi ni 2 sung cho a zawng a ni hnungin a luru, a malpui ru, a sam le a tuomna puon hai hmu a ni a, Feb. 17, 2015 khan a naupa Rev. Ruolneikhum Pakhuongte In, Sielmat phurtlung le zanita vuiliem nawk a nih. A thlan chona le hung phurna dinga phalna lakna ringawta khawm Rs. 7,000/- lai zet seng a nih. A Bible chang dit Thilthawhai 20:23 a ru tawl vui liemna hunsera hin tiemlang a nih.

Post a Comment

Powered by Blogger.