Sakawrdai/CCPur: Independent Church of India, Central Kristien Țhalai Pawl 31st Gen. Conference chu Feb. 5 – 8, 2015 inkar sung khan Sakawrdai, Sinlung Hills, Mizoram ah hlawtling taka hmangzo a lo ni tah. Hi hun a hin mikhuol mi sang chuong an fekhawm a nih. Thupui in "Maturity" (Puitlingna) ti chu hmanga ngaithlak a nih.


Hi hun a hlaa rawngbawltu le tulaia inlar em em, Tuithaphai a um Gospel Live Band inlar tak el, Semikah Band haiin a tawp zan tak lem chu Concert ropui tak neiin inkhawmpui simtuhai malsawmna tamtak an intlun a, kum tieng la naupang hle sienkhawm, an Vocalist Gloria Khawlhring chun Pathien-in a pek a Talent chu a hun taka hmangin, mipui sukphur dan a thiem hle leiin inpak a hlaw hle bawk. Hi huna mikhuolhai chun Sakawrdai mipui an fel zie thuhai hrilin, inpakum an ti thuhai an inzawt tawl. Conf. Hall hi 150×80 feet lai zeta lien a bawl a nih. 32nd Conference  innghatna ding chu CKTP Thuoitu tharhai la ngaituo dingin hi Conf. chun an sie a. India khawpui New Delhi ah an nghat el thei ni a hril a nih.

Hi hun a hin Lawmman chi tum tum sem a ni a, chuong lawmman latuhai chu- Pu Buonglienkung Award: 1st-New Delhi, 2nd- Assam Hill Presbytery, 3rd- Jiribam Preabytery; Rev Thangngur Award: 1st- Lalrovel Lungtau, Assam Hill presbytery, 2nd- Lalthuoizo Jiribam Presbytery, 3rd- Laltluongzeli Tuivai Presbytery; One Day for Christ- New Delhi; Birthday Gift- New Delhi; BEST ALL IN ALL ACTIVITY- Hmarphei Presbytery hai hi an nih.

Post a Comment

Powered by Blogger.