Aizawl, February 11, 2015: February 9, Thawṭanni zan dar 10:30 vel khan HPC (D) hel nia hriet mi pariet vel chu Khawpuor-ah an lut a; zirtirtu, retailer le V/C-hai kokhawmin, pawisa pe dingin an phut.

Police a inthawka thu dawng danin, HPC(D) hel nia hriet hai hin sipai commando form hakin silai an chawi senga  V/C-hai chu Rs. 50,000/- pe dingin an phut a, an nei naw leia Rs. 5,000 pek an tum chu la nuom lovin an um a, a hnunga Rs. 7,000 an pek nawka an lak a nih. Retailer kuoma Rs. 20,000 an phut a, a nei dai naw leiin a nei po a pek a nih.

Khawpuora zirtirtu hai chu an thla khat hlaw a inthawka 5% thla tin pe dingin an ti a, amiruokchu zirtirtu hai hin hlaw an la lak naw thu hrilin, pawisa hi an pek ve naw nih. HPC(D) hai hin khawsunga silai vawi iengzat amani an hmet puok a, mihriem hliem le thil suksiet ruok chu an nei naw niin thu dawng a nih.

HPC(D)-hai chetdan hriet a ni le inruol in Sakawrdai SDPO rawin Khawpuor an pan nghal a, amiruokchu an tlung hin HPC(D) hai hi an lo um ta naw nih. Khawpuora hel an um lai hin, a khaw sevel a khawm hel ṭhenkhat an um thu an hril a nih. (Vanglaini)

Post a Comment

Powered by Blogger.