Responsive Ad Slot

HPC (D) mi le sa ni dinga ring mi pali man an nih

Tuesday, February 24, 2015

/ Published by VIRTHLI
Rep.Image
Aizawl, February 24, 2015: Mizoram CID haiin ni 22.2.2015 ni a report an dawng bawzuiin HPC (D) mi le sa ni a hriet mi pali -John Frencis (@ Amos-a) kum 30 S/o Lalpanliana, Mauchar, Tlangmawia (@ LT Hmar) Kum 35 S/o Huliana, Saiphai Venglai, Israel Lalthlengliana kum 28 S/o Chungneihthanga Kolasib College veng le Robert Malsawmthanga kum 30 S/o Vungkhawthanga Saiphai khuo hai chu thu indawn chieng din an man a, an kut a inthawk hin .22 Pistol (local made) pahni (2) le a mu pahni (2) man sa a ni bawk. Pathienni zan dar 10 vel khan Vairengte Police Station tlungpui an ni a, Thawtanni khan thubuoi Vairengte Police Station Case No. 9/15 dt 23.2.2015 u/s 384 IPC rw 25(1-B) (a) /27(2) Arms Act hmanga siem pek an nih. Vairengte Police Station ainthawka thudawng danin, ni 5-10, February 2015 inkar khan HPC(D) mi le sa nia inhril ha'n Saiphai le Saipum inkar a leilet enkawltuhai chu silai hmangin an vau a, hi chungchanga hin CID hai chun hma la in, hieng mi hai hi thu indawnchieng dingin an man tah a nih. Zanikhan Vairengte Police hai chun Kolasib Court ah thuoiin, Police custody a kawl phalna an hni a, zanizan vek khan Vairengte hung tlungpui nawk nghal an nih.
Don't Miss
© all rights reserved
made with by Simon L Infimate