Tuithaphai, 19/02/2015: Hung tlung ding March 4-8, 2015 sung hin Rengkai, Churachandpur hmunah “Krista Lungril” ti thupuia hmangin Evangelical Assembly Church (EAC) chun 67th General Assembly nei an tih. March 5-7 sung hin suna rorelna nei ning a ta, zan huna hai chun inkhawm programmee hmang ni pei a tih.

Worship Service huna hai hin Conference thupui hmangin Pastor Zakapthuom, Pastor Zawllienmawi, Rev. Darziding, Rev. Laldinglien, Rev. Lalkhamlien, Rev. Dr. Lalhmuoklien le Rev. Challienkung haia inthawk Pathien thu ngaithlakna nei ning a ta; Assembly Choir, Pastorate Choir le Unit dang danga inthawk inpakna hla ngaithlak ni bawk a tih.

Hi programmee a thang ding hin Hmarbiel, Vangaitlang, Tuiruongdung, Tripura le hmun dang danga inthawk palai le mipui fekhawm an tih. Programmee hlawtling taka an hmang theina dingin lo tawngtaipui ei tiu.

~ Ramditum Ralsun

Post a Comment

Powered by Blogger.