Aizawl, February 22,2015: Vawisun chawhma dar 10:30 bawr vel khan Aizawl, Rangvamual lamlien thlanga muol pakhat AH nuhmei ruong hmu a nih.

Ei thulakna in a hril danin Pi Khawsiamveli (Pi Siami) kum 42 W/o Lalsiamliana, Rangvamual-a mi in hluoa um chu ni hni sung a phakna chin hrietloa a um hnungin vawituk dar 10:30 vel khan Rangvamual lampui thlanga muol pakhat mawng tieng hmu a ni a. Ama hi a pasal kut tuora thi ni dinga ring a nih.

Pi Siami le a pasal Pu Lalsiamliana hai hi kar hmasa Zirtawpni (20 Feb) khan an nupa’n rama an fe tawm dawra an la hei lut kawi chu an venghai hin an hmua. Sienkhawm Zirtawpni zantieng hin Pi Siami hi in a hung inlawi ta naw phing leh a pasal Pu. Lalsiamliana hi thil umdan khawtlang ṭhuoitu ha’n an indawn ta a. Siamliana hin khawtlang ṭhuoituhai chu iengkhawm hril nuom lovin a nuhmei le zu ândawn thu hrilin khawlai a manih an rui taluoa a a zâk thlep ni'ng a tih, tiin a hrila.
Hienga iengkhawm a hril nuom naw phing leh police kut ah pek niin, hi taka hin police hai hma ah a nuhmei ruong umna hi a hril ta a nih.

Pi. Siami hin a tukhnungkhur le bek a hai hliem a tuora, a hnungzâng khawm a duk bawk a nih. A pasal Lalsiamliana hi tuhin police han an kawl mek.

Pi Siami ruong hi vawisun la la khan Lungleng ah a sunghai inah thawn a nih.

Post a Comment

Powered by Blogger.