- Alan Famhoite.

Tuithaphai:  January 26, 11:00AM khan Zogam Artiste’s Association(ZAA) hai huoihawtnain Dorcas Hall Mini-Auditorium Hall ah Zomi Idol India 2015 1st Audition Round chu tan ani a, Churachandpur sunga hnam tum tuma hlaksakthiem mi 56 an thang a, chuhai lai chun Nk Lawmnakim Hrangate d/o Edward T.C.Hrangate khawm hi inruolsikna a hin a thang ve.  2nd Audition Round (Level -1) chu January 31,2015 hin Zogal Hall, Zoveng ah nei nawk ning atih.  


Tukum sung bawk Zomi Music Upliftment Society (ZOMUS), Myanmar hai huoihawtna hnuoia ‘Global Zomi Idol 2015’ Kuala Lampur, Malaysia ah aum ding ana, chu huna chun ramdang danga Zomi um hai laia mi pahni pei thlangsuok ning anti a, hi ‘Zomi India 2015’ a thiemtak nina latu Top-2 Winners hai chun Global Zomi Idol a hin Zomi India a um hai aiaw(represent) in an hang thang ding anih.  Global Zomi Idol 2015 lawmman ding chu 1st in US $ 5000 (Approx. Rs 3 lakhs) + Trophy + Citation ning ata, 2nd in US $ 3000+ Trophy + Citation le 3rd in US $ 2000 + Trophy + Citation ani ding anih. 












Post a Comment

Powered by Blogger.