VIRTHLI Android App Google Play Store ah; Pu Dr Chalton Lien Amo Kuomah Lawmthu ei hril

VIRTHLI Android App Janaury 2, 2015 nia tlangzar a lo um ta kha Google Android Market Play Store ah vawisun (Jan. 14, 2015) khan awlsam deu a mitin Download thei dingin sie lut a lo ni tah. Sum tieng harsatna leiin VIRTHLI Android Apps hi Play Store ah sie el thei lovin a um a. Site danga host a ni leiin a download nuomtu hai tadingin harsatna a um hlak a, tuhin chu buoina um ta der lo dingin Apps changkang tak tak dang hai ang bawkin Play Store a inthawka awlsam taka download el thei ani tah. Ei Apps hi tuchena hin mi 1,500 chuong laiin download tah-in an hmang mek ta a nih.

Hi thil a harsatna ei tuok hi Pu, Dr. Chalton Lien Amo, Chairman, HAC le MLA, Tipaimukh A/C nilai zing chun lo hrein Google Play Store a Registration Fee le sie theina dinga sengso hai tlawmngai insuoin ami hung tum pek vawng a nih. Hieng anga hnam hmangaitu le Media tieng pang invawi mi, Hmar haiin Politician inpezo le fel tak ei nei hi ei vangnei hle a, VIRTHLI Team chun Pu Dr. Chalton Lien Amo kuoma lawmthu ei hril mawl mawl a nih.

Chun, Virthli hi mimal le mi thahnemngai thenkhathai zara dam a ni a. Suk hring le suk hmasawnna dingin thangpui nuomhai tadingin kawt lien tak hawng zing a ni a. Sponsor tuhai chu Wall ah suklang pei ni ta hlak an tih.

Ahmaa lo download ta hai khan Uninstall thawa Google Play Store (https://play.google.com/store/apps/details?id=com.Virthli_in&hl=en) a inthawk ngei hin download tha seng dingin eiin ngen a nih. Play Store a inthawka download hai chun Upgrade ei thaw huna khawm Automatic in Notification an hmu pei ding an tah Chun a features pakhat News le dang dang hai bak a khan hunawl a tiem ding Hmar Folk Tales ei belsa bawk a nih.