CCPur, Janaury, 23 (HT) : For One Life Ministries, USA hmalak nain zani 1:00PM khan Rengkaiah chun Pu Langkhanpau Guite, Chairman, ADCC in “Life Café” a hawng a, Rev. Lamkhogin Khaute, Ex. Director, EOC in Pathien kuoma tawngtainain an hlan. ‘Life Cafe’ hi CCPur khawpui sunga |halai le Naupang tamtak khawvel changkangna hre phak ve tasi, hunawl hmangna ding mumal tak neilo le hlasakthiem tak tak haiin hlasakna hai neia insersuokna hmun pawimaw taka an hmang theina dinga indin ani a. Hiengang Cafe hi Mizoram le Nagaland a hai khawm an lo hawng ta a nih.


Hi restaurant a hin naupang inhnelna video games tum tum sie a ni ding bakah fak thei chi hai a man tlawm thei ang taka zar a, USA a inthawk fak le dawn siem thiem tum tum han an enkawl ding nia hril a ni a, hi restaurant-a inthawka sum hmusuok a um hai hmangin naupang inhnelna hmun ding Sports stadium, Gymnasium le Biekin bawlnaa hmang ni dinga hril a ni bawk. Zanita hawng a ni huna hin mi an tam hle a, customer hmasa 50 hai kuoma Life Café TShirt a thlawna pek an nih. CCPur Dist. ah For One Life hawng tum mek a ni a, tuhin USA a inthawk member 75 vel CCPur-ah an um mek.

Post a Comment

Powered by Blogger.