By Lalnunthang Songate

Parbung, January 30, 2014: Zani zan dar 10pm vel khan Hmar Women’s Association (HWA) Parbung Unit ṭhuoituhai chun Parbung Hospital kawllai Pu Jonathan of Lungthulien in-a pick-up check-na neiin Zu ṭhahnem tawk tak Tel ṭin bur pali (4) zet an man.

Zu hi vawituk dar 7:30am vel khan khawsung mipui hmu thei dingin a rengin HWA hai chun an bunthlak vawng a nih. Hi zu phurnaa a neitu hming in ziekdan chun, “Mr. Piengruol of Lungthulien from Lilypar Senvon,” tiin an ziek.



Motor neituhai chun zu kan phur le phurnaw kan hriet nawh, tiin an hril a. HWA chun thudik ni thei dingin a ngai. Motor neituhai hin zu an phur hi hre hai sien chu, Parbung mi a chuong khawm an um naw leiin Parbung hraw kher loin lamtlang NH- 150/2 tieng an hraw ring a um thu an hril.

HWA chun, motor neituhai reng rengin, an thil phur hai hi hre vawng dingin ngenna an siem a. Chuong annaw chun, motor chen them/action lak dam lo ṭul sien, inbiek thiemnaw lem chun motor neituhai man ni veng an tih, tiin ngenna an siem nghal bawk.

Parbung HWA chun zu hi khap hmak thei vawngnaw sienkhawm a zuol bik hai, a zawrtu, a dawntu, zurui leia khawsunga khek vel hai chu man fai vawng tum tlat a nih.

Damdawi dinga ṭul hle a in ngai hai chu HWA ṭhuoituhai leh inbiek rawnin thawdan ṭhalem zawngpui a tih. Ram siemna dinga HWA-in thei tawpa hma a lak hi mitin thlawp seng dingin HWA president Pi Zolientling chun ngenna a siem.

Thlalak: HWA-in zu an bunthlak lai

Post a Comment

Powered by Blogger.