Responsive Ad Slot

LPG Direct Benefit Transfer Scheme chungchang

Monday, January 5, 2015

/ Published by VIRTHLI
Central sawrkar - Ministry of Consumer Affairs, Food and Public Distribution a inthawka State tin LPG chungchangah inhriettirna a siem chu tulai hin State tin in hma laiin LPG Distributor/Agent haiin an customer hai form an fill-up tir meka, hi le inzawm hin mipui in ngaidan chidang dang neiin an buoi mup leiin hieng ang hin hrilfiena ei hung siem a nih.

Hi hi Central Sawrkar scheme pakhat a ni a, Domestic LPG Consumer-hai ta dinga Direct Benefit Transfer Scheme for LPG (DBTL) ti a nih. Hi scheme ruohmangna a chun LPG Consumer ha'n LPG Distributor/Agent hai kuoma inthawkin Gas man tlawm a inchawk ta lovin, a man pangngai (Market Rate) in an inchawk ta ding ti a ni a, a man tlawmna po (Subsidy) chu Consumer hai Bank Account-ah sawrkar in a thunpek ta ding ti a nih.

Hi scheme hi state tin in zawma hmang ding ti ani ta leiin Consumer ha'n hi hamthatna hi an dawng ve ngei theina dingin Domestic LPG Connection neitu hai po po thaw dingin Indian Oil Corporation Limited (IOCL) in a hung  induong Form 3 le Form 4 - Mandate for Non-Aadhar based LPG Subsidy Transfer (To be submitted to LPG distributor) chu fill up a thelut seng ding ti a nih. Consumer ha'n Gas Subsidy an dawngna ding mani Bank Account Number le Mobile Phone Number hai Distributor/Agent hai kuoma thelut seng ding ti a nih. Bank Account thelut lo hai chu hi hamthatna hi an dawng ve naw ding a nih.

HRIET DING PAWIMAW
i) Hi le inzawm hin mi thenkhat chun sumdawngna a hmang pawl dam an lo uma, hi form hi a man bo a nih ti chu mipuiin ei hriet a tha. Amiruokchu Agent le Distributor thenkhat haiin a form photocopy (xerox) an thawna man charge/hni pawl an um nuol. Form hi mi ta khawm xerox phal a ni a, website ahai khawm download thei a nih.
ii) Hi form a ding hin mani Gas Connection Book /Voucher Card photocopy (xerox copy) le Bank passbook photocopy a tul.
iii) Hi form hi mani Gas Distributor/Agent kuoma thelut kher ngai lo khawmin Bank ah 'Form 3' hmangin thelut el thei a nih.
iv) Bank Account hming le Gas Connection Book ah hming inang a ngaia, alo inang naw pal chun Affidavit siem a thleng el thei a nih.
v) Hi Scheme hi April, 2015 a Central sawrkar in hmang hman ngei dinga a ti ani leiin anhma tienga ngaiven le thaw thang a tih.
Don't Miss
© all rights reserved
made with by Simon L Infimate