~  Henry L Khawzawl

Aizawl, 9th January, 2015: Mizoram a khuokhirna khautak hnuoia zu zawr phalna dan thar ‘The Mizoram Liquor (Prohibition & Control) Act, 2014 chu January ni 15, 2015 a inthawkin hmang tan a ni ta ding thu sawrkar inhriettirna (notification) chun a tarlang.

Mizoram sawkar chun January ni 7 khan notification suksuokin hi dungzui hin MLPC Act, 2014 chu January ni 15, 2015 a inthawkin Mizoram pumpuiah hmang tan a ni ding thu a tarlang a. Hi lai zing hin, ADC 3- Lai Autonomous District Council (LADC), Mara Autonomous District Council (MADC) le Chakma Autonomous District Council (CADC) a hai chun MLPC hi hmang a ninaw ding thu sawrkar notification chun a tarlang bawk.

Kha hma a Mizoram Excise & Narcotics Minister R. Lalzirliana in a lo hril ta angin ‘notification’ hi tuta January thla sung hin sawrkar Gazette ah insuo ning a tih.

January ni 15 anthawka hmang tan ding nisienkhawm, zu zawr nghal ding tina annaw a. “Zu zawrtu dinghai hi thlangfel an la ninawa, January ni 15 hma hin thlangfel ni’ng an tih”, tiin R. Lalzirliana chun chanchinbumihai a hril.

Zu ânthawka sie (tax) lak ding khawm MLPC Act hmang a ni hnungah siemfel/bituk dinga ti a nih.
Mizoram sawrkar chun zu hi mimal ni loin sawrkar hnuoia corporation hai inzawrtir a tuma, state sawrkar hnuoia corporation hai lai MIFCO le ZIDCO hai chun zu zawr phalna (zu dawr siem) license an hni a. Anni baka hin mimal iemanizat khawmin license hi an hni ve a nih.

MLPC Act hnuoia hin tuolsung zu (local made) zawr tum a ninaw a, sienkhawm MLPC Act a ‘Special Provision’ a chun tuolsung zu hi inchuonsa a ni a, a tul hun hunah zawr suok thei dinga ngai a nih.

Post a Comment

Powered by Blogger.