Lamka - Singngat/Behiang Bus chuongman sukpung thuah buoina um
CCPUR: January 5, 2014 a inthawk Lamka to Singngat/ Behiang Bus Owners’ Association (LSBBOA) in Lamka to Singngat inkar Bus chuongman an sukpungna thua hi biela cheng mipui chu an lungawinaw hle a. Hi le inzawm hin Joint Action Committee Against Bus Fare Hike inrawinain Singngat Area (Tangpijol, Haizang, Signgat, Singngat Thahdou Veng) mipui chu zanikhan motor chi tum tum 50 vela chuongin Singngat- DC Office, CCPur chen lampui hrawna an nei bakah DC CCPur kuomah Memorandum an pek.
An memorandum a chun, India ram pumpuiah Petrol le Diesel man Rs. 2 per litre-a sukhnuoi a ni laia Bus Owners Association in Km. 32 chaua hla Lamka-Singnat inkar Bus chuongman Rs. 60 a inthawk Rs. 90 (50% hike) zeta an sukpung chu an pawm theinaw thu an ziek. Hi baka hin District Administration chu mipui harsatna hrie a, Govt. dan zawm lova Bus chuong man sukpungtu hai permit kansel pek dinga an ngenna, LSBBOA chu an Bus chuongman an sukpungna sut dinga thu pe dinga an ngenna hai an ziek. Hi le inzawm hin District Administration chun hi line-a tlan bus association thuoituhai inbiekpui dingin a zawng a, sienkhawm tukhawm an inlang naw leiin hi thu ei sut chena hin inbiekfelna iengkhawm a la um thei nawh.
Hieng laizing hin pawl thenkhat chun Association in Bus chuongman an sukpung chu zui dingin mipui kuoma inhreittirna khautak an siem nia hril a ni bawk.
Ui se han an rang thei anga Hospital pan dingin
CCPUR: Tulai hun iemanichena inthawk khan CCPur khawpui sunga chun Ui se an lar hle a. Hi le inzawm hin mi tukhawm Ui i se hai chun an rang thei anga District Hospital OPD annawleh Casualty a doctor hai pan a, treatment thaw dingin CMO, CCPur chun mipui hai an hriettir. Ui se tam le inzawmin Dr Thangchinkhup Guite, CMO, CCPur inrawinain January 9, 2014, 1:30PM khin CMO Mini Conference Hall-ah Consultative Meeting um a tih. Hi Meeting-a hin CMO hnuoia Doctor hai, District Hospital a Doctors, DFWO, PHCs haia Medical Officer in-charge hai le Nurses hai thang an tih.
NSA a dinga preliminary selection
CCPUR: Students hai ta dingin National Sports Academy, Imphal-a academic session 2015-16 a sports discipline tum tum- Archery, Boxing, Judo, Taekwondo Wrestling le Weighlifting haia training ding thlangsuokna dingin CCPur district a chun January 13, 2015, 7:30AM a inthawk khin Peace Ground, Tuibuong, CCPur-ah Preliminary Selection test nei ning a tih. Hi taka thang thei ding hai chu Class V passed nuhmei le pasal, April 1, 2015 chena kum 11-12 inkar an ni ding a nih. Inhnikna nei nu le pa/students hai chun District Youth Affairs & Sports Officer, CCPur Office-ah Rs. 100/- pein Jan. 5-12, 2015 inkar sungin form lak thei ning a ta, Jan. 12, 2015, 3:00PM chenin form
hi peklut thei ning a tih.
16th Zillai Block Annual Con. –Sports
IMPHAL: 16th Zillai Leilon Block (Vaiphei Students Association) Annual Conference –cum-Sports Meet, 2015 chu zanikhan Leimakhong Mission Veng-ah tan a nih. Hi huna hin IFCD Minister Ngamthang Haokip khuollienin a thang a, tukum sung Leilon area-ah Primary school hawng ding le play ground retaining wall semna dingin Rs. 10 lakh sanction a ni ding thu a puong.(UNA)
Editorial
Pawisa thua ei harsat zuolkai lai
Krismas le Kum Thar hun hai chu Pathien zar chauin harsatna le buoina lien taluo tuok lovin ei hmang zo thei seng a. Kum a hung thar le inruolin mani sin thawna sengah kum dang ang bawkin hma ei lak tan mek a. School Admission hun le State danga lekha inchukhai ta dingin mani lekha inchukna hmun seng pan a hung tul a. Pawisa seng le hmangna ding a tam leiin nu le pa hai ta ding chun pawisa thuah harsatna ei tuok lai a ni a. Kum tinin hieng lai hun hi nu le pahai sum le paia an harsat zuolna thla a nih ti inla ei hril suol ring a u m nawh. Thawkna neihai po po hlak chun an December, 2014 hlaw Krimas hmain advanced in an lak vawng ta leiin tangka sum hi a vangin a harsa zuol bik hlak hrim a nih. Pawisa siekhawl ding neilo hai ta dingin pawisa harsatna hi a zuolkai bik.
School Admission fee, lekhabu, exercise book le Uniform man hi cheng zali/zanga man chau a ninaw a, cheng sangtel man a ni leiin nu le pa, a bikin school kai ding nau hau hai chu midang nekin an harsain an lungril le taksa chenin a sawl thei em em el a nih. School Admision fee, thla tina tuition fee le a dang dang hai hlak chu kiem nekin a pung pei leiin, mi retheihai ta ding chun tulai hun hi sum le paia beidawngna le harsatna zuolkai hun a nih. A hausa le a pasie, mitin elin sawrkar school a mani nauhai inkaitir nekin a fee tamna Private/Mission school haiah inkaitir ngei ngei ei tum seng a. Hi thua hin indem thei ei ni nawh. Mani nauhai lekha thiem senghai sienla ei nuom a, chulei taka private/mission school-hai ei pan a nih. Sawrkar school-hai tha sienla chu a fee um nawna sawrkar school haia hin admission chang harsa hleng a tih. Hi lei hin ei rama sawrkar school-hai hi siem that an tul a nih. Sawrkar school a zirtirtuhai hi a thiemnaw bik an ni nawh. Private le Mission school hai anga taimakna le titakna thawktu han an tlasam leia sawrkar school-hai hi tha lo an nih.
State dang haia chun sawrkar school le College hai an tha leiin admission hmu an tak hle hlak. Ei ni lai ruok chu student ding an hmu zo naw ni takin an lang. Hi lei hin state sawrkarin sawrkar school-hai siem thatna ding kawnga hin titakzeta hma a lak nuom a um. Sawrkar school hai hi mi han kaina tlaka an ngai pha pha leh sawrkarin Education tiengpanga dinga a hmalakna annawleh a policy hi a hung puitling thei ding chau a nih. A thu chauva quality education hril hi a hun ta naw a, a tak taka haw a hun ta hle a nih. Ei state sawrkar officers le minister hai khawmin an nauhai, an tu le tehai chu sawrkar school-a an kai ding an phal bik naw a, school fee tamna le school thaa hriet private le Mission school-hai thova an tir ve tawl. Mitinin school tha le nau lekhathiem ei dit seng. Chulei taka chu mi rethei, nitina inhlawfaa fakfawm zawngtuhai khawmin private le mission school haiah thei le thei lovin ei inkaitir hram hram a nih. Ei ram le a mipui han sawrkar school tha an mamaw takzet a nih.
School admission thawna dingin nu le pa han pawisa thuah harsatna nasa tak an tuok. Amiruokchu, an nau le tehai chu an damsunga dinga an beiseina le an innghatna an ni leiin, private le mission school haia admission an thaw theina dingin a pung um khawmin pawisa an puk ngam a nih. Nau le tehai hmangaina hi chu an thukin a nasa a nih. Milien le milal, mi hausa le khawsa thei hai ta dingin school admission hi harsatna ninaw sienlakhawm, ei state a cheng mihriem umhai laia 100 ah 70 vel hai chu mi naran le mirethei ei ni leiin school Admission thawna dinga buoi le harsa chu ei tam hle a nih. Hausa vawng inla nuom a um ngei el.
CCPUR: January 5, 2014 a inthawk Lamka to Singngat/ Behiang Bus Owners’ Association (LSBBOA) in Lamka to Singngat inkar Bus chuongman an sukpungna thua hi biela cheng mipui chu an lungawinaw hle a. Hi le inzawm hin Joint Action Committee Against Bus Fare Hike inrawinain Singngat Area (Tangpijol, Haizang, Signgat, Singngat Thahdou Veng) mipui chu zanikhan motor chi tum tum 50 vela chuongin Singngat- DC Office, CCPur chen lampui hrawna an nei bakah DC CCPur kuomah Memorandum an pek.
An memorandum a chun, India ram pumpuiah Petrol le Diesel man Rs. 2 per litre-a sukhnuoi a ni laia Bus Owners Association in Km. 32 chaua hla Lamka-Singnat inkar Bus chuongman Rs. 60 a inthawk Rs. 90 (50% hike) zeta an sukpung chu an pawm theinaw thu an ziek. Hi baka hin District Administration chu mipui harsatna hrie a, Govt. dan zawm lova Bus chuong man sukpungtu hai permit kansel pek dinga an ngenna, LSBBOA chu an Bus chuongman an sukpungna sut dinga thu pe dinga an ngenna hai an ziek. Hi le inzawm hin District Administration chun hi line-a tlan bus association thuoituhai inbiekpui dingin a zawng a, sienkhawm tukhawm an inlang naw leiin hi thu ei sut chena hin inbiekfelna iengkhawm a la um thei nawh.
Hieng laizing hin pawl thenkhat chun Association in Bus chuongman an sukpung chu zui dingin mipui kuoma inhreittirna khautak an siem nia hril a ni bawk.
Ui se han an rang thei anga Hospital pan dingin
CCPUR: Tulai hun iemanichena inthawk khan CCPur khawpui sunga chun Ui se an lar hle a. Hi le inzawm hin mi tukhawm Ui i se hai chun an rang thei anga District Hospital OPD annawleh Casualty a doctor hai pan a, treatment thaw dingin CMO, CCPur chun mipui hai an hriettir. Ui se tam le inzawmin Dr Thangchinkhup Guite, CMO, CCPur inrawinain January 9, 2014, 1:30PM khin CMO Mini Conference Hall-ah Consultative Meeting um a tih. Hi Meeting-a hin CMO hnuoia Doctor hai, District Hospital a Doctors, DFWO, PHCs haia Medical Officer in-charge hai le Nurses hai thang an tih.
NSA a dinga preliminary selection
CCPUR: Students hai ta dingin National Sports Academy, Imphal-a academic session 2015-16 a sports discipline tum tum- Archery, Boxing, Judo, Taekwondo Wrestling le Weighlifting haia training ding thlangsuokna dingin CCPur district a chun January 13, 2015, 7:30AM a inthawk khin Peace Ground, Tuibuong, CCPur-ah Preliminary Selection test nei ning a tih. Hi taka thang thei ding hai chu Class V passed nuhmei le pasal, April 1, 2015 chena kum 11-12 inkar an ni ding a nih. Inhnikna nei nu le pa/students hai chun District Youth Affairs & Sports Officer, CCPur Office-ah Rs. 100/- pein Jan. 5-12, 2015 inkar sungin form lak thei ning a ta, Jan. 12, 2015, 3:00PM chenin form
hi peklut thei ning a tih.
16th Zillai Block Annual Con. –Sports
IMPHAL: 16th Zillai Leilon Block (Vaiphei Students Association) Annual Conference –cum-Sports Meet, 2015 chu zanikhan Leimakhong Mission Veng-ah tan a nih. Hi huna hin IFCD Minister Ngamthang Haokip khuollienin a thang a, tukum sung Leilon area-ah Primary school hawng ding le play ground retaining wall semna dingin Rs. 10 lakh sanction a ni ding thu a puong.(UNA)
Editorial
Pawisa thua ei harsat zuolkai lai
Krismas le Kum Thar hun hai chu Pathien zar chauin harsatna le buoina lien taluo tuok lovin ei hmang zo thei seng a. Kum a hung thar le inruolin mani sin thawna sengah kum dang ang bawkin hma ei lak tan mek a. School Admission hun le State danga lekha inchukhai ta dingin mani lekha inchukna hmun seng pan a hung tul a. Pawisa seng le hmangna ding a tam leiin nu le pa hai ta ding chun pawisa thuah harsatna ei tuok lai a ni a. Kum tinin hieng lai hun hi nu le pahai sum le paia an harsat zuolna thla a nih ti inla ei hril suol ring a u m nawh. Thawkna neihai po po hlak chun an December, 2014 hlaw Krimas hmain advanced in an lak vawng ta leiin tangka sum hi a vangin a harsa zuol bik hlak hrim a nih. Pawisa siekhawl ding neilo hai ta dingin pawisa harsatna hi a zuolkai bik.
School Admission fee, lekhabu, exercise book le Uniform man hi cheng zali/zanga man chau a ninaw a, cheng sangtel man a ni leiin nu le pa, a bikin school kai ding nau hau hai chu midang nekin an harsain an lungril le taksa chenin a sawl thei em em el a nih. School Admision fee, thla tina tuition fee le a dang dang hai hlak chu kiem nekin a pung pei leiin, mi retheihai ta ding chun tulai hun hi sum le paia beidawngna le harsatna zuolkai hun a nih. A hausa le a pasie, mitin elin sawrkar school a mani nauhai inkaitir nekin a fee tamna Private/Mission school haiah inkaitir ngei ngei ei tum seng a. Hi thua hin indem thei ei ni nawh. Mani nauhai lekha thiem senghai sienla ei nuom a, chulei taka private/mission school-hai ei pan a nih. Sawrkar school-hai tha sienla chu a fee um nawna sawrkar school haia hin admission chang harsa hleng a tih. Hi lei hin ei rama sawrkar school-hai hi siem that an tul a nih. Sawrkar school a zirtirtuhai hi a thiemnaw bik an ni nawh. Private le Mission school hai anga taimakna le titakna thawktu han an tlasam leia sawrkar school-hai hi tha lo an nih.
State dang haia chun sawrkar school le College hai an tha leiin admission hmu an tak hle hlak. Ei ni lai ruok chu student ding an hmu zo naw ni takin an lang. Hi lei hin state sawrkarin sawrkar school-hai siem thatna ding kawnga hin titakzeta hma a lak nuom a um. Sawrkar school hai hi mi han kaina tlaka an ngai pha pha leh sawrkarin Education tiengpanga dinga a hmalakna annawleh a policy hi a hung puitling thei ding chau a nih. A thu chauva quality education hril hi a hun ta naw a, a tak taka haw a hun ta hle a nih. Ei state sawrkar officers le minister hai khawmin an nauhai, an tu le tehai chu sawrkar school-a an kai ding an phal bik naw a, school fee tamna le school thaa hriet private le Mission school-hai thova an tir ve tawl. Mitinin school tha le nau lekhathiem ei dit seng. Chulei taka chu mi rethei, nitina inhlawfaa fakfawm zawngtuhai khawmin private le mission school haiah thei le thei lovin ei inkaitir hram hram a nih. Ei ram le a mipui han sawrkar school tha an mamaw takzet a nih.
School admission thawna dingin nu le pa han pawisa thuah harsatna nasa tak an tuok. Amiruokchu, an nau le tehai chu an damsunga dinga an beiseina le an innghatna an ni leiin, private le mission school haia admission an thaw theina dingin a pung um khawmin pawisa an puk ngam a nih. Nau le tehai hmangaina hi chu an thukin a nasa a nih. Milien le milal, mi hausa le khawsa thei hai ta dingin school admission hi harsatna ninaw sienlakhawm, ei state a cheng mihriem umhai laia 100 ah 70 vel hai chu mi naran le mirethei ei ni leiin school Admission thawna dinga buoi le harsa chu ei tam hle a nih. Hausa vawng inla nuom a um ngei el.
