Tuithaphai: Jan. 7, 2015 2:00PM a inthawk khan darkar hni sung Hmar Secretariat, HSA Campus, Rengkai, Churachandpur hmun ah Hmar hnam sunga Hmar Inpui hnuoia um Pawl tum tum HI, HSA, HYA, HWA a OB’s hai chun Pu John H. Pulamte President le Pu David Buhril Gen. Secy., Hmar Inpui GHQ hai inrawina hnuoia Joint Meeting an nei a. Hi hun a hin Hmar Inpui hrietpui le a hnuoia Pawl um haiin hnam thil le inzawma hmatieng peia fe pei dan ding le hnam thil le inzawm haia hmalak pei dan dinghai chipchier taka hriltlangna an nei a. Hi thil bawzuinain hiengang hun hi hungtlung ding Jan. 25, 2015 hma ngei a Hmar Inpui inrawina hnuoia bawk nei nawk ngei dingin an rel. '

Chun, Hi hun a hin Hmar Inpui hnuoia um Tripura Hmar Welfare Society (THWS) hmalaknaa “Manmasi Suopui Inkhawmpui 2015” Jan. 21-22, 2015 a Janthum Bawng Colony, Kamalpur, Dalai District, Tripura hmun a nei dinga rawta um khawm huoihawttu THWS thei ang anga sum-le-pai thangsa a thangpui an rem ti tlang bawk. Hi Meeting zo hin Upa Pu Laldawnlien Varte President, HYA, GHQ in Pathien kuoma tawngtaina neiin hun suk tawp a nih.  

– LRS Puruolte, Chief Admin, Virthli | Spl. Correspondent, HT Daily. Photo: Alan Famhoite

Post a Comment

Powered by Blogger.