A hmasatakin, Hmar hnam khawvel hmuntina chenghai in rengin kumthar chibai HNA’n a buk cheu!

Awleh, Silai-nuna ei chengna kum 26 a tling kum, 2015 kum chu ei lo chuongkai der el ta chu a ni a. Kum 26 sunga ei hun tawng, mi thenkhat ta dinga, fahra, hmeithai, piengsuol niphana, mani rila ra rochan hlu tak tak hai sun phana, Jail runthim nghak phana le kawng hran hrana harsatna hrilseng ruol lo ei tuok mek hai hi ei tuor muolsuona kum ni ta ngei sien, ti chu HNA tawngtaina a nih.
Hieng ei chunga thiltlung, Pathien hremna nia ngaitu um hiel el tah ‘hremna nasatak, inzawt seng lo beidawng mangangna hai hi a sukkieng tanna bulpui ni dinga ngai pakhat chu, hi a hnuoia ei tarlanghai hi a nih.

HNA le HPC (D) hai hi state, central sawrkar-hai leh hin inkapchawl (suspension of operation-SoO agreement/thuthlung) nei mek an ni a. SoO hin dan (ground rule) khau tak a nei a, ralthuom hmanga pawitawk lo hai chunga inlekphek, invau le kawng dang danga mawi lo taka chetnahai chu khap tlat a nih. Hieng ang thilthawtu chu man suok an ni chun hremna insangtak, Jail chena khum thei an nih. Chuleiin, Hmar hnam chengna ram taphawthai ah HNA amanih HPC (D) amaniha inthawk le hel dang atu pawla inthawk khawma mimal pawitawk lo chungah harsatna a siem chun, 08014978660/08732097888 hai a hin SMS le thuin inpaw thei zing ninga ta, thu intluntu hming le veng chu thup tlat ning a tih.

Arrarat tlang insang taka vathuin olive hna a vuongkaipui ngeia inthawka lak suok ‘HNA’ chu dam sawt sien, a rawng a i bawl ‘Hmar hnam’ chu khawvel hnam changkang pawl tak laia hnam pakhat (Welsh hnam) hmanga mak le danglam taka zawngsuoktu ‘Pathien’ chun, khawvel hnamtin chitinhai ta dinga malsawmna hnamah in changtir mawlh rawse.

(L. Z. CHANGSAN)
Secretary
Information & Publicity


Post a Comment

Powered by Blogger.