Responsive Ad Slot

ADC Chairman rawia Delhi inzinna report an pek

Monday, January 19, 2015

/ Published by VIRTHLI
CCPUR/IMPHAL: Manipur- a ADCs 6 a members hai chun tulai hnaia New Delhi an inzin huna khan Mr Langkhanpau Guite, Chairman, ADCC inrawinain Union Minister of State (Independent Charge), Ministry of Development of North Eastern Region (DoNER), MoS PMO, Personnel Public Grievances & Pensions, Atomic Energy and Space, Dr.Jitendra Singh an van hmupui a. Indian Constitution Sixth Schedule hnuoia Manipur-a ADC hai sie dinga an ngenna, thuneina insang lem pe ding, Manipur state sunga buoina tum tum um hai sukbo dingin an ngen.


Manipur-a District Councils 6 hai Manipur Hill Areas District Autonomous Council Act, 1971 hung uma inthawk kum 40 liemta sienkhawmb State sawrkarin a thuhnuoia siein Sixth Schedule hnuoia thuneina a pek theinaw leia nuorna chi tum tum an nei hnung khawma an hlawtling naw thu Dr Jitendra kuoma an intlun. ADCs hai Sixth Schedule hnuoia um nisien Centre-a inthawk fund hung hai direct in ram hmasawnna sin thawna dinga hmang thei a ni ding thu an hril bawk. India hmarsak state dang Meghalaya, Mizoram, Assam le Tripura haia chun ADCs hai Sixth Schedule dungzuia um an ni leiin Manipur-a khawm a um ve theina dinga hma lapui dingin Dr Jitendra hi an ngen a. Manipur Hill Areas thu hi Union Govt. Agenda khawm a ni leiin hma la pui dingin an ngen bakah UPF le KNO hai le sawrkar tlungpui inkara Interlocutor hung ruot ding le an hmatienga hieng pawl pahni hai hi Peace Talk neipui dingin an ngen bawk.

ADC Member hai hin Kiren Rijiju, MoS for Home, Dr P.K. Mishra, Principal Secy to PM le Dr R. Vijaykumar, Secy. Ministry of DoNER hai khawm an inhmupui niin zanita report an pek huna ADC Chairman chun a hril. (HT)
Don't Miss
© all rights reserved
made with by Simon L Infimate