Haflong/Muolhoi, January 14, 2015: Zinglal Memorial Trust Talent Search Examination (ZZMTTSE) 2015 chu vawisun khan CHT Synod High School ah student tamtawk takin inelna (exam) an nei. ZZMTTSE hi famtah Pu Zinglal Zate a hrietzingna dinga a nau hai Pu Zakham Zate le a sung hai in an sponsor a nih. Exam dan khawm fel tawk tak le students hai in competitive mind an nei theina dinga siem le in duong a ni a, Question paper siemtu hai khawm Hmar nau laia mithiem tak tak insit umlo tak tak hai ibuotsai a nih. A vawikhatna ding hin Class IX le X inchuklai hai ta dinga SEBA Syllabus dungzuia riruong phawt ani a, G.K le Hmar community base in zawna siem ani bawk. Haflong/Muolhoi le a sevel el bakah Diphu tieng chen hai khawm naupang an hung thang ve a nih. 

Lawmman hi 1st Prize Rs. 10000/-, 2nd Prize Rs. 5000/- le 3rd Prize Rs. 3000/- a nih. Sumfai bak a hin thildang tha tak tak dawngsa bawk an tih. Hi Talent search lei hin tuta SEBA hnuoia Cl X exam ding hai khawm nasatakin a thangpui beisei a nih.
Source: Zothanglien Riengsete (Thanga khawbung) Exam Invigilator.

Post a Comment

Powered by Blogger.