Responsive Ad Slot

HSA Sinlung Hills JHQ Conference Cum Platinum Jubillee hmang

No comments

Friday, October 31, 2014

Saipum, 31st October, 2014:Vawisun khan HSA Sinlung Hills JHQ Conference Cum Platinum Jubillee chu Saipum-ah hlawtling taka hmang zo a nih. Hi huna hin Sinlung Hills JHQ Hqrs huom sunga mi Block 3 le Unit 24 haia inthawk hin mikhuol 360 vel an fekhawm a nih. Kum 2014-2016 sunga thuoitu ding thlangna an nei nghal a, hieng a hnuoia hai hi thlangtling an nih;

President: Lalropieng Hmar, Vairengte
Vice- President: Joseph Lalnunsanga, Zohmun
Gen. Secretary: Lalmuonpui Ngurte, Saipum
Asst. Gen. Secretary: nVL. Khawbung, Mauchar
Fin. Secretary: Zadinlien, Saiphai
Treasurer: Lalfakawma Hmar, Zohmun.






KUT 2014 Programme

No comments

MORNING SESSION
Chief Guest: Pu Gaikhangam, Hon’ble Deputy Chief Minister, Manipur

Guests of Honour:
Pu Th. Debendra Singh, Hon’ble Min. Revenue, Law & Legislative Affairs Forest & Environment
Pu I. Hemochandra Singh, Hon’ble Min. PHED and Labour & Employment, Manipur
Pu Govindas Konthoujam, Hon’ble Min. Commerce & Industries, Sericulture Veterinary & Animal Husbandary, Manipur
Pi A.K. Mirabai Devi, Hon’ble Min. Social Welrare and Co-Operation, Manipur
Pu Thangso Baite, Hon’ble Member of Parliament (LS

Functional President:
Pu Ngamthang Haokip, Hon’ble Min, IFCD, Printng & Stationary, Manipur

KUT Pa, 2014: Pu Thangkhup S. Kipgen
10:00AM Arrival of Public and Invitees
10:30AM Arrival of VVIPs & Dignitaries
10:40AM Arrival of Chief Guest, Declaration of Opening of “KUT 2014” & release of “ KUT SOUVENIR”
10:45AM Welcome Address by Pu G.S. Haopu, Hon’ble MLA& Chairman, State Level Kut Committee, Manipur
10:55AM Opening song by KBC Center Choir Opening prayer by Pu Ginmalsawm, Div. Supt. EBC, Imphal
11:05AM One Minute Silence in Memory of Departed leaders
11:10AM Cultural Dance Begins Presentation to KUT PA 2014 Followed by his Speech
Traditonal Dress Round of Miss KUT Contest, 2014, Beauty Pageant
Speech by Functional President
Speech by Guest of Honour
Speech by Chief Guest
Cultural Programme Contnuies
Miss Kut Contest, 2014, Beauty Pageant continues
Special Number
Cultural programme continues
03:00PM Vote of Thanks By Pu Vungzagin Valte, Hon’ble Parliamentary Secretary, Manipur & Member, SLKC
Closing prayer by Rev. M. Asong, Pastor Komrem Baptist Fellowship Church, NGV


EVENING SESSION
Chief Guest: Pu O.Ibobi Singh, Hon’ble Chief Minister, Manipur

Guests of Honour:
Pu Th. Lokeshwor Singh, Hon’ble Speaker, Manipur

Pu M. Okendro Singh, Hon’ble Min. Education and CAF&PD, Manipur

Pu Francis Ngajokpa, Hon’ble RD&PR and Economics & Statistics, Manipur

Pu Dr Ratankumar Singh, Hon’ble Min. Works & Transport, Manipur

Pu Md. Abdul Nasir, Hon’ble Min. Agriculture & Fisheries, Manipur

Functional President: Pu Phungzathang Tonsing, Hon’ble Min. Health & FW, GAD, CADA, Manipur

05:00PM Arrival of public and invitees
05:10PM Arrival of VVIPs & Dignitaries
05:30PM Arrival of Chief Guest
05:35PM Welcome Address By Pu P. Doungel, IPS Secretary, SLKC
05:35PM Opening prayer by Pastor Salem L. Hmar
05:45PM Special Number
05:50PM “MISS KUT” Beauty Pageant Begins
06:25PM Presentation to Chief Guest & Other VVIPs
06:40PM Speech by Chief Guest
07:15PM MISS KUT Beauty Pageant continues
07:25PM Special Number
07:30PM Speech by Guests of Honour
07:50PM MISS KUT Beauty Pageant Continues
08:10PM Presidential Speech
08:15PM Final Round of MISS KUT Beauty Pageant
08:30PM Special Number
08:35PM Crowning of MISS KUT 2014
09:00PM Vote of Thanks By Pu T.N. Haokip, Hon’ble MLA

KUT BAND AND & THE MOSES
ARTISTES: LL MUANA
BENNY KHONGSAI
KENNEDY VAIPHEI
DONNY J FROM DELHI
JULIET GANGTE
And many more…

Isu Krista a thienghlim ang bawkin ei ni khawm ei thienghlim ding a nih: DC

No comments
CCPur, 31st October, 2014 (HT) : District Water and Sanitation Committee, CCPur District huoihawtnain October 30, 2014 (zani) 9:30AM a inthawk khan District Training Centre, CCPurah “Clean India Mission”/ Swachh Bharat Mission” ti thupuia hmangin CCPur District sunga Kohran tum tuma thuoituhai ta dingin ‘One Day Sensitization programme” hmang a ni a, CCPur district sunga kohran tum tuma thuoitu thahnemtawk tak an thang.

Hi programme Pu Lunminthang, IAS, DC, CCPur in a hawng zova thu a hrilna huna, Isu Krista a thienghlim ang bawkin eini ama ringtu hai khawm ei taksa, lungril le ngaituona a thienghlim ding a ni a, chuongang bawkin ei kawl le vel hai khawm ei vawngfai ding a nih. Thienghlimna hi Pathien hnaina tak a nih tiin a hril.

Programme hmang sung hin L. Swamikanta Singh, Director, Communication and Capicity Development Unit (CCDU), Manipur in Swachh Bharat Mission thua thu a hril a, H. Bigadhon, Supdt. Engineer, Rural Circle in “Rural Water Supply scheme Under NRDWP ti thupui hmangin thu a hril.


Parbung-ah suol thupha chawina

No comments
By Lalnunthang Songate
Parbung, 31st October, 2014 : Vawisun khan Parbung khawtlang huopin khawlai dung fangin hmun pali (4 centres)-ah suol thupha chawina nei a nih. Hi hun a hin Pastor, Upa, khawtlang á¹­huoitu le Parbung mipui mi 400 velin lam hraw a nih. Parbung V/A members hai khawm an kim hle. Rawngbawltuhai Rev. Lalhninglo, Rev. Lalnghillo, Upa Lalremmawi le Upa Lalhnethang han Pathien thu á¹­ha tak tak an hril bawk. Mipui fe khawm a tam lem hai hin sai-ip an sil tawl.



Mi tlawmngai falhai kuoma ngenna

No comments
MI TLAWMNGAI FALHAI KUOMA NGENNA
October 30, 2014

Hmar hnam hming chawia pawl pieng hmasa laia mi, Hmar Students’ Association (HSA) in kum 75 hmel a hmu na (Platinum Jubilee) chu Unit, Branch le Joint Headquarters hran hrana hmang a ni tah a; hmang dinga inbuotsai mup mup an um zing bawk. Hieng lawman po po vawrtawpna dingin HSA indin dinga inrawnkhawmna hmasatak, Imphal le indina le inkhawmpui neina hmasatakna hmun, Ngurte, Churachandpur, Manipur-ah hung tlung ding Dec. 11-14, 2014 hin a ropui le phuisui thei ang taka nei dinga inbuotsai a nih.


Hi ‘Grand Finale’ prokram mi uoptu dingin NC Hills tienga ei EM, Chairman le MAC hai, Barak Valley Hill Tribes Development Council Chairman, Sinlung Hills Development Council Chairman hai bakah Union Minister le Manipur Chief Minister le a Minister chanpui, MLA le MDC hai beisei an nia; hun sawtnawte sungin confirmation siem tum a nih.

Hi prokram huoihawtna ding hin poisa sum tamtak a ngaia; HSA hminga Hmar mipui laia poisa dawl umsun chu Jubilee Raffle (Lottery) deu chauh a nih. Hi Lottery khawm hi hun le ni indei tawk ta nawna leiin HSA Unit, Branch le Jt. Headquarters po po khawm thawn kim a ni ta naw ding a nih.
Chuong lai zing chun HSA le Hmar hnam ta dinga mi inphal le tiktlai tamtak an um hriet a ni bawk a. Chuleiin, hieng ang mihai ta dinga kawt hawng chu thaw makmaw nia ngaina a um leiin HSA Jubilee Lottery Serial No. 40001 anthawka 41000 chen hi ONLINE SALE dinga siesuok a nih. Lottery ticket hi pakhatah INR 50/- pei a ni a; tu hri hin chu ticket 20 (INR 1000 man) le a chungtieng inchaw ngam hai ta dinga kawt hawng phawt a nih. A prize le thu pawimaw danghai chu HSA website le Facebook page a hai hmu thei a nih. Hmun dang or ramdanga um hai chun prize hai hi a sumfai khawm a claim thei ning a tih.

Hi thu le inzawma tlawmngai insuo nuomhai chun HSA GHQ Asst. General Secretary, Mr. Simon L. Infimate (Mobile No. +91 9436729100, +91 8974496965; e-mail: infimate30@gmail.com) iengtik lai khawm contact thei zing a nih. Online payment thawn dan ding/Poisa pekdan ding hai khawm ama kuoma indawn el thei a nih.

HSA General Headquarters aiin,


Sd/-
(Lalthlamuana Hmar)
President
Sd/-
(Mawii Darngawn)
Finance Secretary
Sd/-
(L. Rothanglien Khawbung)
General Secretary                          

                                           

Hmel danglamna tlang

No comments
~Lala Khobung

Mitin hin dam hih ei thlakhla. Dam ka pei ta nawh, ti hai khawm hih natna khir an hei nei meu chun Daktor thiem le hmun pui hai, nei le neilovin ei pan vel el. An ti an naw’m pitar pakhat khawm hih sumphuka an thunga, ‘dam ka pei ta nawh ie’ a ti lai zing in fahrel a hung tlu chuh, thei le thei lovin ‘hlak pui chuh a mi del hlum vang an naw’m ti in a tlan sie an ti chuh. Ral in an man hai kuomah ‘tlang a khin kan that tho tho ding cheu a na, tlang lawn sawl ngai loin hi taka hin that el kan ti cheu’ an ti khawma , minit tlawmte la dam thlak hla in‘tlanga law law leh’ an la ti ta fan fan.

Ei Lal Isu meu khawm khah a pa thu awi a hnuoi a mihriemhai intlan dinga a sar thi ding hrelawk zing puma a hung meu khawm khah a hun a hung tlung ding meu khan chuh a huphur in a buoi se nasa. Getsimani huon a ka um lai a ka ngaituo chuh, Isu khah a thlan thisen far ang khawpa suok puma a pa kuoma thi pumpel na ding a hni el bakah a rawihai kuoma chen khawm hni pui dingin a hril a.“Ka thla a phang ngawt el, thipui khawp hiel a nih” a ti hiel. Hmeldanglamna tlang a a rawihai le an hang fe tuma Mosie le Eliza an hung a an thu ngaituo (agenda) kha “Isu Jerusalem khuo a a thi ding thleithlakna” ti bak Bible ah an lang nawh. An hriltlang (Proceedings) khah hieng ang hin ka zuk ngairuot chu tie. Isu khan a sar thi ding thu khah a huphur zie a hei hril a. Mosie le Eliza chuh an to ta tawk tawk el a. Chuphingleh Isu chuh Mosie tieng ngha in “Mosie, nang dan tieng hre mi i nih a, lampui mi hei dap pek ta, sar thi hi chuh a rapthlak taluo,ka ngam hlawl naw a nih” a hei tih a. Mosie chuh iemanichen a hei in ngaituo hnung chun rin deu pum hin “ Pathien in Sinai tlanga ka um lai a dan a hung peka inthawk a tuchena mi hai ka hei ngai tuo a, khawvel mihriem hai in tlan na ding chun ieng khawm ka hrietsuok thei nawh, i hringna chau naw hi chuh. Eliza, nang thi na pumpela vantienga lawn le puithiem i ni bawk a, lampui i hriet lem naw maw ?” ti in Eliza tieng chuh a hei nghah a. Chuphingleh Eliza chun, ni e, kei chuh vannei thlak takin thina pumpel in vantieng lakin ka uma. Tiena tlanga inthok, maichama hai ran thisen tam tak lo luong tah in ran hringna a sanga sang tel lak in alo um tah a. Amiruokchuh Eden houna inthawk tah hnuoi mihriemhai suolna hi alo inthuk ta em lei in an tlan na ding dang reng ka hriet suok thei nawh, Isu thisen chau naw hi chuh. Chulei in Isu hih a thi mama chuh a tul a nih” a hung ti ve el tah a. An bei chuh a dawng tlang vieu ding in ka ngai.

Thil nuizat um ang reng chu, Bethlehem khuo fe pel in Isu pieng lai vela berampu hai riekna hmun khan kan fe hmasa a. A hmun kan hei tlung chun ami thuoitu (Guide) khan a hmun le a pawimaw na hai khah mi hril a tum lai kei hlak khah berampu hai lo riekna hmun ngei khah va sir vatvat ka chak lei khan a thuhril ngai lovin inrang deu khan ka hei fe el a, ami hung kova, ka ngaisak naw lei kha in ring deu hin “I say, come here” a mi hung ti chuh kei hlak khan “hi hmuna hin i thuhril ngaithla dinga hung ka’n nawh, a hmun sir dinga hung ka nih, tuta i hril ding hai khah naupang Sunday skula ka kai lai a ka hriet sa vawng a nih” ka ti pek a. Berampuhai lo riekna hmun a inthawk chun van mipui hai in hlapawl an hungsak lai a, an umna ding awm van tieng hei thlir ka tum leh far thing insang taktak a ngir khup el lei in lungleng taka hei thlier thei khawm an nawh. Hi lai hmuna inthawk hin Isu piengna hmun khah a hei in langa. A hmun kan hei tlung chuh bawng in le ranbupekna thleng, Isu a nu’n an zal tirna khah inrieng ngawi a hei hmu ka lungril lai, chuong ang rengreng chuh lo ni lo. Khalai hmun vel khah In ropui eltieng in an lo bawl khum vawng a, ranthleng umna hmun hai hlak chuh rangkachak le silver tui in nal takin an lo in luon vawng el a.Chu ang bawkin Kalvari khawm In ropui deuhin an lo bawl khum vawng ta bawk si. Isu thlan khawm hmun hni lai alo uma, a pahni sunga chun ka zu lut ve a. A pakhat lem lem chuh in dik awm tak. Jordan vadung khawm ka ring nekin a lo lien naw vieu, Tuithapui nek hman in a china, a fawn ding awm khawm ka hmu nawh. Tienlai khan ieng ang a lien am alo ni ding. Isu Baptis na hmun a khan kan hei tlung chuh inrangdeu in kan hlip ruok vawnga, puonte ka dierkei a,vawithum lai chuh ka hei lilut ve. Nga an tam khawp el a, ngavawk khawm an tam. An man ngainaw chuh ni chek a ta. Len a hei man ding in dit a um, bomb hei deng inla lem chuh hlawtling vieu ei tih. Ka lungril tawk tak chu Isu Puithiem laltak In a zankhat an siena (Lock-up) khah a nih. Lung remkuol inthuk tak anih a,I su khah bawm in an khaithlak ni awm a nih.Ka zu fe lai khan chuh step an siem a khan ka tum thla a. Isu’n a lo tawk tah, a tuong le a bang hai khah lungril inthuk tak put pum in ka kut ngei in ka hei tuoi. A tuola mei an awi lai a Peter in Isu an phat na lai hmun taka khan Peter a lem le archal khuong lai lem alo uma. Peter in mi nakawr changtieng a sat thlak tawm khan in hmatawna inselbuoi ni ngei ding anna, chulei in forensic dan a chuh Peter khah vawikawlawng anih, ka hei ti chuh awm ati vieu. Jerusalem le Bethlehem in kar vela kan umlai Boaza lo, Ruthi le an inhmuna ding awm dam khah ka hei thlir vela, thlaler vong ani lei in lo ding awm khawm chuh ka hmu nawh. Tienlai khan ieng ang am a lo ni ding ?. Hla phuoktu hai in an ngairuot dana hla an lo phuok lai le ral khata ei ngai ruot dan hih a lo tha tak awm, a hmuna zu hmu chun ralkhata inthoka ka ngairuot dan le chuh a dang dai.

Hmar Literature Society, Meghalaya Inhriettirna le Ngenna

No comments
Hmar Literature Society
Meghalaya

October 24, 2014

MIPUI KUOM A INHRIETTIRNA LE NGENNA

Hnam tinin ṬAWNG hrang ei nei seng a; ṬAWNG eiti chuh hawrawp tum tumhai thumal a siem a, chu thumal (ri le kawk hrang hrang nei) siem le  remkhawm, umzie neia ziek annawleh ei hrilsuok hlakhai chuh a nih. Hnam nunphung le rohlu mi hriet le hmu theia hnam bulá¹­hut remtu chuh á¹­awng ani leiin á¹­awng bovin hnam a um theinaw a, Ṭawng a dam chun HNAM a dam.

Meghalaya-a Hmar mipui chenghai hi hnam dang danghai kara khawsa eini leiin á¹­awng inchukna School ei nei venaw a. Sapá¹­awng School a seilien deu vawng ei ni tawl leiin inchuklaihai chau nilovin nu le pa kum 40 hnuoitieng a tamlem hi  á¹­awng le ziek thei pher-phuor, hre nelnuol, hmang mumal theilo chen khawm ei um nuolin an lang tah a. Ei hawrawp A AW B… hrelo le inchuklo nana na chun á¹­awng thiemngaina a um naw bakah ziek thiem ngaina a um naw reng a nih. Hienga ei fe pei ani chun á¹­hang hung thar nawk dinghai ngirhmun ding chuh ngaituo um tak a nih. Ei ruol haiin ei niphung/nina (Identity) an min dawn chang HMAR ka ni a, ka á¹­awng chuh Hmar á¹­awng ei tinaw thei si nawh.

Ei piengpui or Nu á¹­awng hlutzie, humhal a tulzie le a hlutzie ngaituoin á¹­awng/literature-a ei hmasawnna ding lampui dap le hma la dingin hnam tadinga mi á¹­hahnemngai iemanizat fekhawmin Tarik Ni 10, August 2014 khan Hmar Literature Society, Meghalaya alo indin tah a nih. Tarik Ni 30, August 2014 khan Shillong a hnam pumhuop a Organization hrang hranghai le inhmukhawmna neiin theitawpa hma la tlang ding le infuina thucha tha tak tak ngaithlakna nei ani bawk.

Chuleiin,hmun danga ei unau hai ei hnawtphaknaw khawm a, ei á¹­awng hlutna hrea tiem le ziek dan lampui bek kawkhmu tumin HLS, Meghalaya chun Hmar Hawrawp A AW B… tiem le inchukbu “BUHMASA” copy iemanizat zet Manipur-a mi incha thlain kum 2015-a inthawk chuh mipui sukbuoi bek lova inchuk dan ding ngaituo’n hma a lak mek a. Khawtlang Nu le Pa, Kohran tienga á¹­huoitu le Organization hrang hranghai thei ang anga mi lo tlawp ding le a á¹­ul ang a hma milo la pui dingin Pathien hmingin kan ngenin kan fiel takzet cheu a nih. Hmalak pei dan ding chuh a á¹­ul angin hung inhriettir pei ning a tih.

Hi Hmar hawrawp tiem le inchukbu “BUHMASA” hi Tv Robert Wilson Thilsong, EFCI, Center Contact No. 9612167059 le Dr Crossthang Sanate, Bawngkang Veng. Contact No.8119002750-a hmu thei ning a tih.



                 “Hnam humhalna dingin mani ṬAWNG a pawimaw ”                            ‘


Issued by Inf.& Pub.deptt., HLS-M


Manmasi Digest a suok nawk tah

No comments
Manmasi Digest, Oct - Nov., 2014 Issue chu a suok nawk ta, a sunga hin ei hnam sunga ziekmi thiem tak tak hai kuthnung tiem ding a um a, lo inchaw ve ngei rawh, a tiem a manhla viu el thei a nih. Chun, Nunghak tlangval ta ding bikin Pu Thangsawihmang a ziek 'LEM ANG DER' ti chu tiem ding a um bawk.

A dit hai chun agent hai kuomah hmu thei ning a tih, abikin Churachandpur a um hai chun zinga inthawk hmu thei ning a ta, Churachandpur puotienga mihai ruok chun, kar thar tieng inhmu phak ve ngei ei beisai.

Chun, ei hla sakthiem, Mizoram tieng a mi 'Aw Kan Sinlung Khawpui Chulhnung' tia ei hriet lar Rosy Vanlalhlani Pautu Cover ah ei sie el bakah, a chanchin hre belsa nuom tuhai chun a sungah a chanchin tawifel takin ei hung tarlang sa bawk.

A sungthu a thupui hai -
1. Mosie
2. CMC, Vellore-a MBBS
3. Miss Kut-ah Hmar Nunghak
4. Platinum Star Hunt
5. Latest Who’s Who
6. Thlanlung aruolin 15 daw
7. Local Church/Christian Fellowship hi Kohran a ni am?
8. Lem ang der
9. Lal Pahnih
10. Testimony of Rev. S.K. Hokey
11. Open Letter


Sinlung FC in DHYO 4-0 in an hneban

No comments

Thursday, October 30, 2014

CCPur, 30th October, 2014: Seikam Memorial Trophy, Kholmun Playground-a Oct. 30, 2014 ni a Football inkhel a um a chun Sinlung FC chun an khingpui District Hqtr. YO (DHYO) chu 4-0 in an hneban. Sinlung FC hin Knock-Out Stage an inkhel chen a hin goals 18 an thun tah a, goal against ruok chu 1 chau a la nih. Hi lei hin mi tamtak chun Final lutin hrattak nina an chang ngei an lo ring tah.Tuhin Pre-Quarter Final an lut tah a, Nov. 6, 2014 khin khel nawk an tih. An khingpui ding tak ruok chu hriet theina ei la nei thei hri nawh. Hienganga hnena an la chang zawm pei hi Pathien zar lieu lieu a ni thu hrilin, hmatieng peia khawm tawngtaina a lo san dingin anni ngainatuhai chu SFC chun an fiel.
- LRS Puruolte|Virthli, Mnp - Photo Courtesy: Paul Zobiakliana Zote



HSA ha'n CM Ibobi an inhmupui

No comments

Wednesday, October 29, 2014

CCPur, 29th October,2014: Vawisun khan HSA Platinum Jubilee Celebration Committee (PJCC) Hon. Chairman Dr. John Pulamte inrawina hnuoia HSA PJCC member hai chun Churachandpur DC Office ah Manipur Chief Minister O. Ibobi Singh an inhmupui. Hi huna hin HSA Platinum Jubilee chungchang hriltlangna an neipui a Ibobi chun hi Platinum Jubilee hmangpui dinga an fielna chu a pawmthu a hrila, a thei ang anga thangpui an huom thu a lo hril. Platinum le inzawm bawkin karthar khin HSA PJCC, Tipaimukh MLA le HAC Chairman Dr. Chaltonlien Amo thangsa in Ibobi inbiekpuina nei nawk an tih.


Central YMA in ZRA thil thaw dan an dem

No comments
Aizawl, 29 October, 2014:Central YMA chun, Churachandpur, Manipur-a ZRA ha'n Mizohai kuoma phutlui tax an khawn le tax khawn leia kut tuor le harsatna tuok an um chu pawi an ti thu hrilin, remna palai sin thaw a CYMA palai fehai ZRA ha'n inbiekpui an nuom naw chu vangduoithlak an ti thu an tarlang.
CYMA thusuok chun, khawvelah remna palai inbiekpui nuom lo an la um ngai nawh ni a hrilin, "Hun fe tah ahai khawm kan unauhai chau bakah hnam dang (non tribal) hai laka khawm remna thil a chun Central YMA-in inbiekpui thei naw a nei ngai nawh," a ti a; Mizohai chunga phutlui tax khawn chu YMA-in iengtik lai khawm'n hrethiem ngai naw nih tiin a hril, CYMA-inthlada loin hma la sunzawm zing dingin a hril.
Central YMA chun, tuta hnung peia Mizo hnam pêng dang dang hai inpumkhatna a um pei thei na dingin hma an lak pei ding thu an hril bawk a nih.
~ Vangalaini


Helpawl pawisa khawn hmang hai chunga action natak lak ning a tih: HM

No comments

Tuesday, October 28, 2014

Aizawl, October 28, 2014: Mizoram sawrkar chun helpawl pawisa khawn hmang hai chunga a nat thei ang action la'ng a tih tiin vawisun khan Home Minister R Lalzirliana chun a hril.

Lalzirliana chun helpawl thenkhat in Mizoram-Manipur-Assam border lai vela um sawrkar thawktu hai kuoma demand letter an pek hlak thu a hril a, Lalzirliana chun sawrkar thawktu hai kuoma hiengang thilthanaw thaw hai kuoma inpe el lova an hne thei dinga um lo dingin a hril a, hiengang a inhnel hai hi hrem ning an tih tiin a hril.

Hieng laizing hin HPC-D chun thusuok siem'n indiklo taka pawisa khawn hai hi anni mi le sa an ni naw thu hrilfiena an nei a, HPC-D hming hmanga hiengang thilthaw hai hin an pawl hming suksiet tumna leia HPC-D anga insal mei mei angin an hril.

HPC(D) chun sawrkar thawktu mipui (a bitakin Hmar mipui) ta dinga sinthawtu  hai chunga indiklo takin thil an thaw ngai naw thu an hril bawk a nih. 

Thlaphal Ni 1: Manipur State Level KUT Ka lo hmu ve dan; KUT hi ieng am a ni a?

No comments
-LRS Puruolte

Thlaphal/November ni 1-na chu Manipur Sawrkar hrietpuina ngeiin Kuki-Chin-Mizo-Zomi hnam, Manipur ram (State) a chenghai puol bik a dingin kum tin Favang Kut/Chavang Kut/Post Harvest Festival chu inser a lo ni ta hlak a. Tukum khawm hin hi Kut hi 1st Manipur Rifles Parade Ground, Imphal hmun a ursun taka inser le hmang ni nawk ngei dingin inbuotsaina a fe mek a. Hi hun a hin hnam tum tum 11 laiin an hnam lam le an hla hai, an hnam thlekzie le inzula rimawi hai leh an suklang ding a nih. Hi hun a thang ding hnam tum tum hai chu- Aimol, Koireng, Hmar, Monsang, Anal,Kom, Moyon, Thangkhal, Chiru, Lamkang, Paite, Tidim - Chin, Chothe, Maring, Simte, Vaiphei, Gangte, Mate, Tarao, Zou, Mizo, Thadou – Kuki niin hril a nih. Hi hun a hin kum tina KUT hun haia a thupui taka ngai le nei el tah, Miss Kut in Contest ding khawm mi 22 lai an um a. Hieng Miss Kut in Contest dinghai hi Manipur le Nagaland a inthawka mi an ni ding thu Mang Kipgen, Spokesperson, State Level Kut Festival Committee 2014, Manipur chun Imphal hmuna Press Conference Pathienni Oct. 26, 2014 ni a Kut le inzawma neina hun ah a hril. Hi hun hi sun le zan hun haia hmang ning a ta, zing dar 10am le zantieng dar 5pm haia program intanin sun le zan haia hmang a ni ding a ni a. Sun hun a Deputy Chief Minister of Manipur, Pu Gaikhangam in uop a ta, zan hun a chun Chief Minister of Manipur Pu O. Ibobi Singh in uop bawk a tih. Hi hun hmangna hun le hmun hi venghimna khau tak hnuoia nei a ni ding leiin Kalimai Temple tienga inthawk VIPs hai lut an ta. Chun, BSNL Bhavan tienga inthawk mipui an lut dinga ti a ni bawk. Venghimna khau tak hnuoia hi Kut hi hmang a ni ding leiin Media Person hai chen khawm thlang bik umin le hi hun a lut thei ding hai chu lo in zieklut lawk dinga thusuok siem a nih! Miss Kut 2014 in sumfaiin India pawisa cheng Nuoi 1 dawng a ta, first runner up in Rs. 75,000 le second runner up nina hautu-in Rs. 50,000 sumfaiin dawng an tih. Chun, hi hun a Cultural programs a thanghai khawmin first, second le third prizes in Rs 55,000, Rs 45,000 le Rs 35,000 an dawng bawk ding a nih.

Ka lo hmu ve dan; KUT hi ieng am a ni a?: Kut hi ei pi-le-pu haiin an lo hmang dan tak lem chun an lo hmasuokhai Pathien kuoma lawmthu an hrilna hun niin an lang. Tulaia ding chun “Thlai Thar Lawm” ti inla a awm takin ka hriet. Khawvel hung changkang peiin sawrkar hrietpui ngeiin Nov. 1 Kut (Favang Kut/Chavang Kut/Post Harvest Festival) dam Manipur Sawrkar hrietpuina hnuoi ngei ah State Holiday hai chen a puonga umin, State sawrkarin a thupui thei ang taka a hriet le a ti dan taka a mi’n serpui mek tah hi Kuki-Chin-Mizo-Zomi hnam hai tading chun lawm a um laizingin hi KUT hi a neitu bik um ang a ni leiin Manipur a Tribal-Sinlung suokhai, a biktakin Kuki-Chin-Mizo-Zomi hai chengna biel (Hill Districts/Areas) a hmang a ni ta ngai der naw le Imphal nilo, Khawm chun, 1st MR Parade Ground nilo a hmang thei a ni ta der naw el hi chuh a san um ngei a ta, buoina le venghimna thil lei chu ni ngei bawk dingin a chieng hle. Manipur a Imphal nilo District tum tum haia Kum thar 2015 a inthawk chu hi Kut hi hmang a hung ni nawk thei ngeina dingin ei MLAs, MDCs, Social Workers le Tlawmngai pawl tum tum hai hin hma hung la theihai sien nuom a um hle. Chun, hi hun hi Manipur a cheng hnam tum tum hai in unauna siemna hun le siem theitu ding chi chau item hai uor ta lem inla. Miss Kut nekin Cultural/Traditional Exchange Program le Cultural/Traditional le inzawma Exhibition/Seminar ang zawng daminin fe ta lem sien, nu-le-pa, hnam dang dang hlutsak khawm a hlaw lem ring a um. Miss Contest hi ei uor rak a Mister Contest um silovin, chun hieng hun haia hin hnam puon hlutna suklang nekin Western Style a hnampuonhai pholang ei ching ta lem bawk a, hun sawtnawte a chu ei Kut umzie thlanmuol ah ei vuiliem chauh nilovin, ei hnam nunphung le ei puonhai chen khawm iengmalovin ei la hung inchangtir lem ding niin an lang chieng hle an ta naw maw?! Hieng ringawt a Kut ei hmang el ta hi chu ei nina humhalna ding nekin ei nina suknepna ding chaua inser a ni ta leiin KUT hi Tribal haiin ei Boycott khawm a tha lem el ta naw mani?? Ka ti hlak! Manipur State Sawrkar hin Art & Culture Department khawm a neia an ni hnuoia khawm Art & Culture thil le inzawma hma an lakna khawm hmu ding a tam naw hle! Manipur Sawrkar hin Kut a ding hin indik tak le umzie um takin Sum iengzat chie am a seng hlak a?? ti hi Mipui hriet nuom tak a ni bawk.

Kut le Buoina: Kut a ni phawt phawt ta chun buoi ngei ngei ding anga ngaina khawm a um el ta hi thil pawi tak a ni a. Eini Kristien intihai tak tak khawm hi ei in enfie a hun ve ta hle. Mani Kut khawm mikhuol thei ta lo hai ei nih! Kum khat lai khan CCPur Public Ground ah Miss Kut Contest zan Stage chu mipui laia hawn khat lungsenin bottle le lungin an deng a. Kha zana Judge pakhat kha English mi [USA mi niin ka hriet (?)]. Inzak khawm a um hle a ni kha... Incheina lepler le Sexy tak taka Miss in Contest kher lem hi chuh, hun le hmun dang hienang nuomhai tadingin a tam tho a. Manipur a cheng hnam tum tum hai inpumkhatna dinga hi ni hi hmang ni ta lem sien, a mikhuoltu ding hi a District a khawm a Hnam insawk pei ta lem inla, hieng hun haia hin buoina siemtu hnam chu in unauna ditlo a khawm enin, ngai pei ta inla, a fuk lem el ta thei (?...). Hun liem ta haia Kut ni, hun le hmun haia khan Condom, Under Wear le Zu bur le bawm ni leh tam tak tak hmuin a lo um ta hlak a. Kut hun haia hin Pathien kuoma tawngtaina hai dam neiin hun hai hmang a ni hlak bawk. Hienganga pawrche taka hmang a ni nawna ding hin Kut neitu hnam Kristien hai hin ei dodal ngam khawm a ngai. Kut hlawtlingna ding hin Pathien nekin Police Commandos, Sipai a khawm Garhwal Rifles, RR Rifles... an rum deu hai dam hi ei ti lem ni ta sien a hawi bawk. In enfie chu ei ngai nasa ta hle!

Tukum a Kut hih: Tukum Nov. 1 a Kut hi Live Telecast lo en thei ning a ta. Lo en nuom hai tadingin www.statelevelkut.co.in le hi Kut le inzawma Chanchin tharlam tak chu facebook State Level Chavang Kut annawleh,www.statelevelkut.co.in haia hriet thei a ni ding a nih.

Iengpo khawm lo ni ta sienla, Kut hi hmang thiem chun thil hlu ve tak chu a ni thei.

PROF. LAL DENA : SALAM

No comments
~ Ramthienghlim Varte, VIRTHLI Columnist

 Palien nilo, hangnobei, sam dum sei tha hmek hmawk, bahrithin a inbuk deu hlek a khui hlak, inkhaithli hun tawk; mi an biekpuihai chieng deuva en veng veng hlak, tawng tam bek beklo, thu khel le bielchiengnaw thu mei mei hril ngailo, pa inngaitlawm le mi chaldel zawng a chang mawinaw ngailo i hmupha ama ngei chuh a nih Prof Lal Dena.

Pu R.Th Varte & Prof. Dena
A PIENG LE MURNA
Lal Dena hih thafel le Fimchawikim nau upatak, kum 1939, January 11, khan Pherzawl, Churachandpur, Manipur-ah a pieng a, Independent kohran vungthat lai ani bawk leiin a hming hih Independent Laldenlien tiin a pu Fimthlovung Keivom-in a phuok a, a tawi zawngin Lal Dena tia hriet a nih. NEIG Mission School a Thanmawipa kebula zirtirbu a suo hnungin  Independent School-ah an chuk zawm a. Pherzawl a H/S ala umnaw leiin an chuk zawm theinaw dinga an ngailai Pu Thanglawr-in Pherzawl High School a hung indin hlauh a, kum 1959-in pawlsawm a zo pha tah a nih. Hi kum vek hin D.M.College, Imphal-ah I.A ( Intermediate of Arts) a kai a, sum le insung harsatna leiin a sunzawm thei nawk tah naw a. Kum 1960-63 sunghin Pherzawl H/S, Sielmat IBPM School, Lamdangmei ME School, Tamenglong Distrcit le Saidan Independent ME School, Manipur-a hai inhlaw’n kum 1963 hin D.M.College, Imphal, Manipur-ah PUC ( Pre-University Course)-private a exam-in a pasi a nih.

PU THANGLAWR LEH BAWK AN INHMU :

            Kum 1963 khan B.A. D.M.College-a sunzawma chu, sum tiengpanga harsatna leiin  bawkin inchuk zawm theilo dinga an ngailai Pu Thanglawr le a ruolhai  A.Daiho le T.Kipgen  haiiin kum 1964 khan Chingmeirawng Adimjati Siksha Ashramah hmunah Adimjati H/S an hawng a, Makedoni a kona rawl ang el khan Pu Thanglawr-in  “Dena, Adimjati H/S-a hin thawk ve la, zingkar Class nei hlak i ta, sunah College kai i ta, i nuom phawt leh van tawng rak khawmin lekha inchuk pei thei i tih” ti’n a fiel a (cf. Dr Thanglawr Salam Bukna ). A ti ang ngei chun  Adimjati H/S-ah a thawk sungin Gauhati University hnuoiah B.A. Distinction-ah pawsisawn sawmna niin a pasi a, chun M.A. history khawm private bawkin G.U. hnuoiah pawsisawn pahnina hiel ni phakin a zo tah a nih. Chuleiin, Pu Dena an zinna khawvela harsatna tawpkhawk a tuok chang kalbi rempektu laia mi pawimaw tak Pu Thanglawr hi a ni rawp hlak leiin  Pathien remruot annawleh Pathien I ruot ti naw ruol an nawh.


THIEMBUK INSANG KHAWVEL : 
Kum 1972 khan Jawaharlal Nehru University-ah Fellowship hmuin a sinthawna Adimjati H/S, Imphal suoksanin J.N.University, New Delhi-ah M.Phil  thawin a hung zo nawk tah pei a. Kum 1973 November 26 khan Department of History, Centre for Post-Graduate Studies, Jawaharlal Nehru University ( Canchipur ), Imphal-ah Asst. Professor sin a zawm tah a nih. Kum 1982 khan Centre for Post-Graduate Studies, Jawaharlal Nehru University ti hlak khah Manipur University-a hlangkai a hung ni tah pei a, ama Pu Dena khawm Jawaharlal Nehru University, New Delhi-ah Doctor of Philosophy thawin nuhmei le naupanghai zamsanin kum iemani zat zet a rawl hmang veng veng nawk hnungin kum 1984-in Ph.D degree vawrthluin hnena hlado an sam thei tah a nih.

Pu Lawr-in a ti angin inchukna tienga an sangtak a zo chau nilovin thiembuk insang MU-ah sin  insangtak professor chelin kum 2003, December khan a pensawn tah a. A pensawn hnung khawmin Manipur University‘n re-employment thaw peiin, a thiemna, a ringumna, a  taimakna le a nunphung-zierangin thiembuk insang thuneituhai lung a buo leiin tuchen hin Manipur University, Canchipur, Imphal suoksan lovin a um zing a. Chuleiin, Pu Dena hih phuokchawp mei mei annawleh inditsakna le inzaderna (courtesy) leia hieng degree-hai hih a fawmkhawm ani ve naw a. Thlantui far zawi zawiin an chuk a, nuhmei-naupang hmu phak lona ramah a fienriel a, pindan sungril hmunrena ah mise-hazang tuor a kampetin harsatna tiem seng lo ner thlenga a suol dawk lieu lieu le B.A. (Distinction), M.A.,M.Phil.( JNU, Delhi),Ph.D (JNU, Delhi) degree intlar khup hih University’n a pek a nih. Hmar hawrawp A AW B Ch a bul á¹­anin  Prof. Lal Dena hih  mithiem filawr, hnam pasalá¹­ha a tling a, a ropuiin inza a um khawpel.

THIEM INZIRNA KUNGPUI
            Thiembuk insang a degree a neihai hi a thluok varna hmang tangkaina dinga University’n license a pekna ang chau lema a ngai a. A hun hlu neihai hih lekha tiemna le ziekna’n a hmang hlak leiin a ziekfung hmawr hi a ngeiin a hriem tha hle a. A awmhnawk irsuok thu le hla hi thiemna tienga phingtam-dangchar hmun hrang hrang inthawka inchuklai Thiembuk insanga fuonkhawmhai hnemtu a ni a; ama zarzo le a thiemna par tlantu an tam tah em em. A zar hnuoi M.A. degree tiem lovin M.Phil degree pek a um tah po khawm mi 7 an ni a, Ph.D degree hmu mi 15 zet an tlingphak bawk a nih.

            Kum 1982 khan a doctoral thesis le inzawmin Aberystwyth, Wales le London, U.K.-ah a fe a, kum 1997 khan Korea Foundation hmuin Visiting Fellowship-in Seoul, South Korea-ah a fe bawk a. Chun, 2001-in Indigenous people-hai harsatna (problem) le inzawmin International Workshop, Saba, Malaysia a fe ta bawk. Chuleiin, inchuklaihai Hmar arsi, thiemna a hrivawisiehai damna lampui siel pek hlaktu, thiembuk insang sukmawitu le run lumtu ani leiin thiem inzirna kungpui  ti naw ruol an nawh.

 Lekhabu English le Hmar á¹­awnga a ziek tahai :
1. Christian Missions and Colonialism: A Study of Missionary movements in Manipur and Lushai 
2. Hills,1891–1947,Vendrame Institute, Shillong, 1988;
3. History of Modern Manipur,1826-1949.(edited): Orbit Publishers, Delhi, 1991; 
4.  Hmar Folk Tales.: Scholar Publishing House, New Delhi,  1995;
5. In Search of Identity: Hmars of the North East India: Akansha Publishing House, New Delhi, 2008.
6. British Policy towards Manipur,1762 – 1947: Nongeen Publication, Imphal, 2008;
7. Dialogue on Tipaimukh Dam (edited) : Akansha Publishing House, New Delhi, 2011.         8. Bawmzo: A Study of the Kuki Tribe of Chittagong Hill Tracts, Bangladesh (edited): Akansha Publishing House, New Delhi, 2012;
9. Selected Mizo Folktales; Re-reading in the Context of Modernisation and Globalization: Lengchhawn Press, Khatla, Aizawl. 2013.
10.  Zawlkhawpui Chanchin (History of Zawlkhawpui in Hmar): Churachandpur, Manipur, 2004; 
Research paper tam tak a ziek International le national magazine/journal a insuo tah (saptawng le Hmar tawnga nitin chnchinbua insuohai á¹­hanglo khawmin) ka hei hlulut vawng chuh inphalam um khawp hielin phek tamtak a hluobit leiin a hre nuom le dit ei um chun kimchanga inthawn tuo el á¹­halem a tih.   

Thil dang dang le a sinchelhai :
 Co-ordinator, Centre for ST/SC and Minority Coaching Class, UGC NET/JRF  Examinations, Manipur University, Imphal, 1990-2006; Co-ordinator, Centre of Manipur Studies (Tribal section), Manipur University, Imphal, 2001-2003; President, North east India History Association, Shillong, 2002-2003; Foreign Visits: U.K.(1982 & 1998); Seoul, South Korea (1997); France (1998); & Malaysia  (2001); Visiting Fellowship/Professor: Visiting Fellow, Korea Foundation, Seoul, South Korea, 1997; Visiting Professor, Department of History, Dibrugarh University, Assam,2002; Member of Peer Team, National Accreditation & Assessment Council(UGC), Bangalore, 2001; Co-ordinator: Centre of Coaching for ST/SC and Minority Classes, UGC NET/JRF Examination, Manipur University, Imphal, 1999-2006.
  
Research Projects a zo ta hai:
Mizo national movement, sponsored by the Theological Research and Communication  Institute, New Delhi, 1993; Evaluation of the sectors of development under the special central assistance, Tribal Sub-Plan with special reference to Tipaimukh Sub-division – sponsored by the Ministry of Tribal Affairs, Government of India, New Delhi, 2002-2003; Selected Mizo Folk Tales : Re-reading in the Context of Modernization and Globalization sponsored by Indian Council of Social Sciences Research, New Delhi, 2011-2013.

Manipur sung le puotieng academic body hran hran 20-ah member a nih bawk. Tuhin Indian Council of Social Science Research (ICSSR) hnuoiah Senior Felow peka umin Department of History, Manipur University, Imphal-ah a um.

SUNGKUO CHANCHIN :
February 14,1964 Valentine day khan  Lungthulien khawsuok, Saidan a hungum nunghak hmeltha Pi Vanlalhlu  leh kumtluonga a thlum a hang, an hawi le rinum tuor tlang dingin Saidan ICI Biekin-ah Pastor H.Daia kut hmangin Pathien le mihriem hmaah nupa ditum tak ni dingin kut insuina  an nei tah a nih.   
Pathien thuoina zarin nupa ditum tak niin nau pasal pathum le nuhmei pakhat malsawmna an dawng a. An upat dan indawtin 1) Roland, 2) Linda Mawii, 3) Isaac Lalmalsawm le 4) Oliver Lalthansang an nih. A nau pasal pahni Roland le Isaac Lalmalsawm ruok chun khawvel rinum suoksanin Pathien angsungah an lo chawl hadam tah.

LUNGDIT INṬHENA :
Chun, kum 2014 hi a lungdumtu Pi Vanlalhlu le an innei kum 50-na Golden Jubilee ding a lo ni tah a. Sienkhawm a hun hungtlungding nghakhla taka an lo thlirlai inringlawkna um hman derlovin December 24, 2013 khan Pathien programme siem thina chun Pi Vanlalhlu  chungah tla a hungzar khum tah lem a. A ruong chuh Sielmat, Churachandpur, Manipur-ah Kristmas nipui ni tak khan ropui taka  vuiliem a nih.
Pu Dena hi khawsawt mi tak a ni leiin nauhai pahni le a kawppui lu a hei sun hi tuor thiem intak a ti em em a, a hmela an khawm an hriet. Kum 2012 khan a research project le inzawmin Shillong-ah annu leh an hung inzin a, hlim takin kan inpawl a,  sunghai dam kanin hmun dang dang a hai an leng a. Imphal tieng an kir hnung khawm a Telephone-in Shillong inhawi an ti thu le a an hung inzin nawk ding thu dam hrilin hlim takin kan inbiek hlak khah ana. Tukum 2014 hin a research project le inzawmin Pu Dena chuh a hung nawk ngei a, ka pi le an sulhnung hei fangvel chuh a lung an leng em emin ka hriet a, an pawlpui dan khawm thiem an tak. Ni dang khan chuh kan hlimin hril ding kan hriet rawn thei lawm lawm vei leh awmhnawk inthawl hak chun tu á¹­um hin chuh kan innui thei tah nawh. Nupa tangthe natzie hih tuzet hin chuh ka hrietve tah. 
Tuhin a nau laia naupangtak Oliver Lalthansang le a monu Caroline Lallawmzuol-hai leh Manipur University, Imphal-ah an khawsa mek a. Chun, a hun tamlem lusunna’n hmang sienkhawm, tiem le ziek tiengpang thei ang angin a sunzawm pei a, research project khawm iemani zat  a nei zing a, chawl hadam el thei khawm an nawh.
Thiembuk insang run a inchuklaihai hmathuoitu le ei hnam sukmawitu Prof.  Lal Dena,   Mupui anga a hratna siemthara umin a neka tamlem a thiemna le varna hnam ta dinga hmang á¹­angkai nawkzuol dingin ditsakna insangtak kan hlan.

               

CYMA remna palai hai an hlawsam

No comments

Monday, October 27, 2014

Aizawl, October 27, 2014: Churachanpur, Manipur-a Zohnathlak hnam á¹­henkhat hai inkara inhmu thiem nawna um sukre dan ngaituo ding le remna palai sin thaw dinga fe Central YMA thuoitu hai chu inrinni khan hlawsam in Mizoram an kir nawk tah.
CYMA aiaw a remna palaia fehai hril danin, Manipur group YMA, Mizo People Convention le Zomi Youth Association thuoitu hai leh tluong takin an inbiek thei a chu, an fe nasan tak le biek an tum tak hai ruok chu an biek thei nawh. Manipur YMA, MPC le MYA-ha'n inbiekna dingin lampui an siem pek a chu, an biek tumhai chu biekpaw theilo in an um leiin an fe nasan tak chu a hlawsam a nih.
CYMA palaihai hin an fe nasan le hma an hang lakdan hai chu YMA Central Executive Committee á¹­hungkhawm huna inthlun an ta, CEC-in á¹­ul le á¹­ha a ti danin bawzui at a, a á¹­ul chun Churachandpur an pan nawk ding thu an hril
Central YMA thuoitu hai chun, Manipur-a Zohnathlak unauhai inkara inhmu thiem nawna um chu re sien, Zohnathlakhai chu lungruol takin umkhawm seng hai sien an dit leiin CYMA-in theitawp suo in thang la zing a tih tiin an hril.
CYMA palaihai hi CYMA General Secretary Vanlalruata, Treasurer J Lalsailova, President hlui JH Zoremthanga le CEC member R Lalngheta hai an ni a, October 22 khan Churachandpur an pan a nih.

Manipur State level Chavang Kut Live Telecast will be available

No comments
Manipur State level Chavang Kut Live Telecast will be available on 1st November at
• www.statelevelkut.co.in
• For all the latest news and information, follow us on facebook
• State Level Chavang kut
• or log on to www.statelevelkut.co.in
Twenty-two beauties for Miss Kut contest
Twenty two beauties belonging to different tribal communities in Manipur and Nagaland will take part in this year’s Miss Kut 2014 beauty pageant to be held during the annual state level kut festival in Imphal on November 1.This was announced by Spokesperson, of the state level Kut festival committee 2014, Mang Kipgen while addressing a press conference in Imphal on Sunday.
He also informed that all are set for the state level Kut festival, the annual post harvest festival of the Kuki Chin Mizo communities settling in the state. The grand occasion will be held at 1st Manipur Rifles parade ground in Imphal. A total of 11 tribal communities will perform their respective traditional music and dance sequences this year.
There will be two sessions of the festival-morning session and evening session.The first function which is scheduled to begin at 10 am in the morning will be attended by Deputy Chief Minister of Manipur, Gaikhangam while in the evening which was scheduled to begin at 5 pom will be attended by Chief Minister of Manipur O Ibobi. Mang further added that the entry from Kalimai Temple is reserved for the VIPs and the road from BSNL Bhavan is reserved for general public.
He also said there will be tight security in this festival and hence selective media persons will be allowed and they need to do prior registration. The winner of the Miss Kut 2014 will be given a cash award of one Lakh, the first runner up will get a cash award of Rs 75,000 and the second runner up title holder will get Rs 50,000 cash award. The participants of cultural programs will also be given first, second and third prizes of Rs 55,000, Rs 45,000 and Rs 35,000 respectively.A rehearsal programme of the Miss Kut 2014 contest was also held today.

Participating Tribes
Aimol, Koireng, Hmar, Monsang, Anal,Kom, Moyon, Thangkhal, Chiru, Lamkang, Paite, Tidim - Chin, Chothe, Maring, Simte, Vaiphei, Gangte, Mate, Tarao, Zou, Mizo, Thadou - Kuki


HSA Platinum Jubilee Souvenir Inhriettirna

No comments

Sunday, October 26, 2014

INHRIETTIRNA


HSA GHQ-in HSA Platinum Jubilee Souvenir Magazine a buotsai meka article pe lut nuom hai ta dingin hung tlung ding November 10, 2014 chen khin pek lut thei a la nih. Article hai hi HSA GHQ email hsaghq@gmail.com-ah tiemchin hun chen a hin lawm lut ning a tih. E-mail thawn thei lohai chun hard copy siema hun tiemchin bo hma'n Editor kuoma thawn thei a nih.
Chun, article hung pe lut haiin an bio-data le passport-size photo hai khawm thawnsa nghal dinga inhriettir le ngen an nih.

Ringumin,

Sd/-
(Robert Wilson Thilsong)
Editor
H.S.A. Platinum Jubilee Souvenir
Evangelical Centre, Demthring
P.O. Madanriting, Shillong-21
Meghalaya

Dated: Shillong, The 25th October, 2014

2nd IEM NE India Women Convention

No comments
Mrs. Lienkhawtling Thriek Missionary,IEM Pathien Thucha hriltu dinghai lai a thrang ve.
Tuithraphai: Oct. 25-26, 2014 sung hin 2nd Indian Evangelical Mission (IEM) North East India Women Convention -cum- Golden Jubilee Celebration chu GBA Centre Church, Chiengkongpang, CCPur hmun a nei mek a nih. Hi hun a hin Mrs. Victoria Vijay Kumar Secy. for Women's Ministry, Mrs. Lienkhawtling Thriek Missionary, IEM le Mrs. Lois Ngailhing Haokip Missionary, IEM haiin Pathien thucha hril an tih. Vawisun dar 10AM a Golden Jubilee Celebration hun a Golden Jubilee Lungdaw hawngna Rev. Dr. Th. Lamboi Vaiphei Dir, FMS chun a nei.

BJP CCPur Dist President J. haokip lamlutna hun hmang

No comments
Sakhuo ei ti hi Politics intranna bulpui a nih, Isu khawm Politician a nih.- Pastor Letpu
CCPur: Oct. 25, 2014 zing dar 8:00AM – 9:20AM inkar sung khan Bharatya Janata Party (BJP), Churachandpur chun an President dinga ruot thar Mr. J. Haokip Lawmlutna (Wel Come) Programme chu BJP CCPur Dist. Office, Tuibuong hmun ah an nei. Hi hun hi BJP sunga thuoitu tum tum haiin an uop a. President thar dinga ruot Mr. J. Haokip chu Pathien Malsawmna Tawngtai pekna Pastor Letpu Kipgen, KBC Central Church, Tuibuong in a nei. Pastor Letpu chun, Sakhuo ei ti hi Politics intranna bulpui a ni thu, Isu khawm Politician a ni a, sienkhawm Isu Politics kha chu a thienghlim a nih. Eini khawma Politics hi ei sukthienghlim ding a nih tiin a hril.
BJP CCPur District President chungthu chu sukfel a ni tah a. Dist. President pakhat hnuoiah inkhaikhawm a ni tading a nih tiin hi hun a hin BJP Thuoituhai chun Chanchinbumihai kuomah an hril. BJP in hmatienga hmalak a tum hai lai hungtlung ding 2015 a MDC Election hun a Candidate ding hai sukfel vat le Bharatya Janata Yuva Morcha (BJYM) CCPur Dist./District Youth Office hawng vat tading, Mandal tinin Local Committee/Unit indin ding ti hai baka Member Enrollment chungchang a chun Mandal President annawleh, District hrietpuilo hai chu pawm an ni naw ding thu hai a thrang. Mr. J. Haokip hi Hmarveng khuomi niin Mr. L.M. Haokip IPS, SP CCPur lo ni ta hlak Unaupa le sangpa a nih. Ama hi kum tienga la naupang tak nisien khawm, mi ringum, mi inngaitlawm le mipui hmakhuo ngaia sin thaw nuom mi niin thu ei dawng.
Source: LRS Puruolte|Virthli Manipur

Platinum Star Hunt 2nd Soundtrack Round

No comments
- Alan Famhoite | Photo: Muona Infimate

Tuithaphai: 25.10.14( Sat)  HSA Platinum Star 2014 2nd Soundtrack Round chu Happy Heart School, Auditorium Bethel-ah nei ani a, hi huna hin Pu Darjemlien Tusing, Fat James, Multi-cuisine restaurant neitu in program hawngna in ribbon chepbawng-na (ribbon cutting) a nei. Pu Zosanglur, MCS, Pu Derrick L.Khawbung, MCS, Pu Lalkham, PRO – HPC(D) le Felix Sasang Vaiphei, Vice-President (Administration) KSO GHQ,  haiin program hi an hung uop ve a. Guest Artist Nk.Lawmnakim Hrangate in thiem takin ‘Aw Thalai ’ ti hla’n mipui an awi baka Contestants mi 27 haiin Platinum Star ni ngei tumin nasa takin inruolsiekna an nei.

Campus sungah hin Fat James le Staff haiin Stall an buotsai chu zan inthim hnung chenin  khawmin dawrtu an hau hle. Result hi ei chanchinbu fethlengin thawleni pha tarlang ning a ta, a hmun pangai Happy Heart School, Auditorium Bethel-a bawk nei nawk ning ati tiin Immanuel Lalhrietzing Pulamte, Event Coordinator chun inhriettirna a siem.

Source: http://platinum.hmarstudents.org/


Delhi Dynamos haiin Hmar FC an sponsor ding

No comments

Friday, October 24, 2014

New Delhi, October 24, 2014: Vawisun khan Hmar FC Organising Board member hai chun tuta fe mek Indian Super League a inkhel Delhi Dynamos hai Manager inhmupuina an nei. Ei thu lakna in a hrildan chun Delhi Dynamos haiin Hmar FC an sponsor ding thu hril a ni a, tukum Tamchon Trophy a Hmar FC Jersey a khawm Delhi Dynamos hai Logo a chuongsa ngei ring a nih.
Pic: Hmar FC Organising Board le Delhi Dynamos Manager le Marketing head hai. Hmar naupangte hai hi zinga Delhi Dynamos le Chennai hai inkhel huna mascot ding hai an nih.


HYA Special Conference - cum- General Election tluong taka nei

No comments

Thursday, October 23, 2014

-LRS Puruolte | Photograph: Alan Famhoite

Tuithaphai: Oct. 23, 2014 dar 10:30AM a inthawk zantieng 3:54PM sung khan Sielmat Community Hall, Churachandpur (Manipur) hmun ah  Hmar Youth Association –cum-General Election chu tluong taka nei zo a nih. Hi hun a hin Pu Ruolchunghnung Secretary, Art & Culture, HYA GHQ le Nk. Priscilla Ruolngul haiin hi hun hi an keithuoi a. Hun hawngnain “Kan Tlangram Mawi” ti hla mipuiin sak ruolna nei a ni a. Chu zo chun Rev. Jonathan Pudaite in hun hawng tawngtaina a nei a. Palai lawmlutna Pu Zothanmawia Gen. President, HYA GHQ in a hmang a, Report Pu L. Thangkima F. Tusing Gen. Secy. le Upa Laltlanmawia Secy. Finance, HYA GHQ haia inthawk ngaithlak a nih. Hi zo hin Hmar hnam sunga HYA in hnam tadinga an thilthaw that leia Thangsuo le Chawimawi tlak a a ngai mi pathum hai kuomah Chawimawina Thuziek Mawi tak el le Hmar Thangsuopuon an hlan. Chuonghai chu Pu Lalmalsawm Sellate Editor, Hmasawnna Thar (An Independent Daily Newspaper), Pu SN Ngurte (Hmar Novelist le HYA Thuoitu hlun le Hmar MIL Degree Level a a Drama Ziek 3 zet inchuon a um) le Tv. Thankhum (Tlawmngai fal bik le HYA Thuoitu hlun) hai hi an nih. Hi Chawimawina hi Pu Zothanmawia Gen. President, HYA GHQ in inhlanna a nei a nih. Hi zo hin Palai fekhawmhai Lawmthu hrilna Pu Vanlalhlun Hrangchal Executive Member, HYA GHQ in a nei a, Hun khar tawngtaina  Upa Zaiawithang Sr. Adviser, HYA GHQ in a neizovin hun khatna chu suktawp a nih. Hun karlak a hai Nk. Gloria Khawlhring (Vocalist, Semikah Gospel Band) le Pu James Michael Pakhuongte haia inthawk hla mawi tak tak ngaithlak a ni bawk.


Hun hnina (1:05 PM in) sunzawm nawk nghal a ni a. Hi hun hi inthlangna (Election) hun a hmang a ni a. Secret Ballot Paper hmangin Thuoitu thar dinghai thlangna nei a nih. Hi hun hi Rev. Dr. Lalhmuoklien in hun hawng tawngtaina a nei a, Rev. Ruolhlei Pakhuongte Secreatry, Election Commission le Pu Albert Thangthasiem Nungate Returning Officer haiin Election ding le inzawma thuhmahruoi hrilna an nei a. Chu zo chun hun hmang zawm pei a ni a. Pu Dr. Rosiem Pudaite hi ni a Presiding Officer  in thuhmahruoi hrilna le thilthaw dan dinghai felfai takin a nei zoin. Darkar khat sung Election hi thienghlim tak le fel fai taka nei zo a nih.  Hi hun a hin Rev. Dr. Lalhmuoklien chu Recording Secretary in a thang a nih. Thuoitu thar dinga thlang thar hai Puonglangna Pu Albert Thangthasiem Nungate in a neizoin, Rev. Lalneikhup Hmar Secy., Development & Finance, Independent Church of India (ICI), Gen. Hqrs chun Intiemkamna (Oath Taking) inneitirin le Tawngtai pekna a nei a nih. Hi hun a hin Palai mi 102 in an Vote an thlak.


Rorelna hun chu (dar 2:18pm in) nei zawm nghal a ni a. Hi hun hi Pu Ramthanglien Vice President, HYA GHQ in a keithuoi a, Recording Secy., in Pu L. Thangkima F. Tusing Gen. Secy., HYA GHQ a thang a. Hi hun a hin Agenda 6 putlut a umhai chu a fethleng vawng a nih. Chu dungzui chun, (1). HYA GHQ Election a hun taka nei thei a ni tak naw leiin Kum 2010-2013 Term Kum 2014 (Kum khat) a lo fe ta chungchang thu ngaituona nei a nih a. Constitution Article No.4 angin Kum 2016 chen Kum sunga dingin Tarik ni 23 Oct. 2014 a thuoitu thlang thar dinga thlang hai hin Kum 2 sung chel dinga thlang an nih a, (2). HYA Constitution Amendment dinga Executive Council 30/4/2014 Resln. No. 1 in a lo rel ta chu Thuoitu Thlang thar haiin bawzui dinga rel a nih, (3). Hmarram Jt. Hqr. in an President ni lai Pu Challienthang Songate HYA Patron Member a Confer dinga Recommend a hung thaw chu Executive Meeting-in ngun taka ngaituo ani hnungin Special Conference –cum- Gen. Election 2014 chun Patron Member a Confer tha an tih a, (4). Hmar hnam sunga Sietni, Thatni, Martyr’s Day, Mithi Tuom Puon, Martyr’s Day Flag/Hmar zakuo a hranpa taka nei tha ti a nih a, Hi thu hi Thuoitu Thar hai bawzui dingin an sie, (5). HYA Office a HYA indin tana inthawka Thuoitu lo nit ah President le Secretary hai hming le an chel sung (Term) ziek a tar nisien kan tih, (6). Hmar hnam sunga Hlawtlingna chang hnamin Chawimawi phu a a hriet; Tlawmngaina kawnga dawng tlaka a hriet hai la khawmin Jt. Hqrs., Branch in Chawimawina pek nit a hlak sien ti chu hi hun a hin ngaituona nei a nih. Jt. Hqrs. le Branch in Tlawmngai fal Chawimawi tlak hai Record siemin  Branch/Jt. Hqrs. in Gen. Hqrs. ah recommend thawin Chawimawina hi pek ni ta hlak sien tha an ti thu hai a thang.


Hmar Youth Association (HYA) Gen. Headquarters 2014-2016 Office Bearers’ dinga thlang thar hai chu hienghai hi an nih.
Gen. President- Pu Upa  Laldawnlien Varte
Gen. Vice President- Pu Zothanmawia (Uncontested)
Gen. Secy.- Pu Francis Songneilien Songate
Asst. Gen. Secy.- Pu Hmangkhumlien Songate
Secy. Finance- Upa Laltlanmawia
Treasurer- Pu L. Thangkima F. Tusing
Secy. Info. & Pub.- Pu Lalramsiem (El Ar Es Neitham)
Secy., Art & Culture- Pu Ruolchunghnung (Uncontested) hai hi an nih a. Secy. Games & Sports chu tukhawm Candidate an um naw leiin hi hun a hin thlang an um nawh.


General President, HYA Gen. Hqr. dinga thlang thar a um, Pu Upa Laldawnlien Varte hi hun hmangzo a inpawlpuina ei nei hun a chun, “Pathien thu le inzuol taka hnam rawngbawl a tum thu hai hrilin, Bible hi ka dictionary a ni ding a nih” tiin a hril.



Natural Resource Conservation le inzawm'n Awareness Workshop nei

No comments
CCPur, October 23, 2014: Vawisun khan Rural Women Upliftment Society, Conference Hall, Sielmat, Churachandpur hmuna Coalition on Environment and Natural Resources (CENRs) hai huoihawtna hnuoia Awareness Workshop on Relevant Legislations and Policies nei a nih. Hi seminar a hin Hmar Women Association members hai bakah thingtlang tienga inthawkin nuhmei pawl iemanizat an hung thang. Resource Person Dr.Immanuel Varte in Natural Resource Conservation le inzawma Legislation le Policies um hai members fekhawm hai lai hrilna a nei bakah hieng ang thu le inzawm hin hriltlangna le hohlimna members hai a nei puia, members fekhawm hai chun an hlawkpui hle thu an hril.


VIII North-East Tamchon Football Tournament 2014 Fixtures

No comments
18-29 November, 2014
Venue: Ambedkar Stadium, New Delhi &  Jamia University Football Ground

Group A
Hmar FC
Hornbill FC
ASUD FC
MUVANLAI FC

GROUP B
KSL FC
SIKKIM FC
GARO WARRIOR FC
DMFC

GROUP C
ZELIANGRONG FC
BURHANGKHA BODO FC
SENAPATI FC
NIRVANA RHINOS FC

GROUP D
WUNG UNITED FC
ARUNACHAL FC
SSPP FC
THE NYISHI FC

LEAGUE MATCHES

18th Nov. 2014 
5:30 PM: Hmar FC v/s Hornbill FC

19th Nov.2014
9:30AM: ASUDFC v/s Muvanlai FC
11:20 AM: KSL FC v/s Sikkim FC
1:10PM: Garo Warriors FC v/s DMFC
3:00PM: Zeliangrong FC v/s Burh. Bodo FC

20th Nov.2014
9:30AM: Senapati FC v/s Nirv. Rhinos FC
11:20 AM: Wung United FC v/s Arunachal FC
1:10PM: SSPP FC v/s The NYISHI FC

21st Nov. 2014
9:30AM: KSLFC v/s Garo Warriors FC
11:20 AM: Hornbill FC v/s Muvanlai FC
1:10PM: Hmar FC v/s ASUD FC
3:00PM: Sikkim FC v/s DMFC

22nd Nov.2014
9:30AM: Zeliangrong FC v/s Senapati FC
11:20 AM: Burh. Bodo FC v/s Nirv. Rhinos FC
1:10PM: Wung United FC v/s SSPP FC
3:00PM: Arunachal FC v/s The NYISHI FC

23rd Nov.2014
9:30AM: Sikkim FC v/s Garo Warriors FC
11:20 AM: Hornbill FC v/s ASUD FC
1:10PM: KSL FC v/s DMFC
3:00PM: Hmar FC v/s Muvanlai FC

23rd Nov. 2014
9:30AM: Arunachal FC v/s SSPP FC
11:20 AM: Burh. Bodo FC v/s Senapati FC
1:10PM: Zeliangrong FC v/s Nirv. Rhinos FC
3:00PM: Wung United FC v/s The NYISHI FC

QUARTER FINALS
24th Nov.2014
11:00AM: Hmar FC vs Sikkim FC
2:00PM: Senapati FC vs Wung United FC

25th Nov. 2014
11:00AM: KSL FC vs A Hornbill FC
2:00PM: SSPP FC vs ZeliangrongFC

SEMI-FINALS
27th Nov.2014
10:30 AM: Q1 vs Q2
2:00 PM: Q3 vs Q4

THIRD PLACE PLAY-OFF
29th Nov.2014
11:00AM

FINAL MATCH
29th Nov. 2014 @ 6PM



Dr Chaltonlien Amo CCPur-ah a hung inzin

No comments
CCPur, October 23, 2014 (HT) : Dr Chaltonlien Amo, Tipaimukh MLA le Chairman, HAC chu zanikhan CCPur-ah a hung inzin a, Pi Hrangkapkim m/o Mr Lalrobul ralna a nei bakah HNU (EWC) meeting-ah a thang. HNU meeting a hin General Assembly le election chungthu hai hriltlang a ni a, hi zo hin Parbung SDO le staff hai inhmupuiin Tipaimukh biela Electoral Roll chungthu le hmatieng office fe dan ding hai a hriltlangpui. Dr Amo hin ZEO, CCPur le Tipaimukh DI, AI le Block Education Committee hai khawm an hmupui bawk. Dr Amo hi zani zan khan CCPur-ah a la riek.

Muolhoi-ah HSA Platinum Jubilee ropuitaka hmang tum

No comments
Muolhoi, October 23, 2014: Hmar Students'Association kum 75 tlingna (Platinum Jubilee) lawmna chu Muolhoi khawpui-a HSA NC Hills & Karbi Anglong Jt.Hqrs huoihawtna hnuoia ropuitaka lawmna hunser buotsai tum a nih. Platinum Jubilee lawmna hun hi nithum sung (29th-31st October, 2014) aw dinga program induong a ni a, hi hun a Chief Guest ding hai chu Shri Debojeet Thaosen, CEM, NCHAC le Shri Thanghlun Hmar, IRS, Asst. Commissioner of Income Tax, Govt.of India hai ning an tih. Jubilee Pa ding'n Shri S.Thiek, ACS, Addl. Secretary, Assam hmang ning ata, Chief Host ding'n Shri Ngamrothang Hmar, Chairman, NCHAC le Shri Laltlansang Hmar, EM, NCHAC hai ning an tih. Guest of Honour ding'n Shri B. Brahma, IFS, Addl. PCCF le Dr. M. Rehman, Principal, Haflong Govt.College hai hmang ni bawk an tih.

Chief Guest hai baka thuhrilna hun fiel bika um hai - Prof. Vanlalnghak, NEHU Shillong, Dr. John H Pulamte, President, Hmar Inpui Gen.Hqrs, Mrs. Lalthakim Hmar, Asst.Prof., Assam University le HSA Gen.Hqrs thuoitu haia inthawkin ngaithlakna hun hai nei ning a tih.

Jubilee Dar vuokna HSA thuoitu hlui le thuoitu ni mek haiin vuokna nei an ta, HSLC & HSSLC level chena inchukna tienga thawtha zuol bik hai kuoma chawimawina inhlanna um bawk a tih. Cultural Dance unit dang dang ainthawkin le item chidang dang um bawk a tih. Lam chidang dang hai le Miss Platinum Jubilee contest hai khawm nei ning a tih. Rimawi tieng chu Platinum Jubilee Choir le hieng guest artistes hai hin mipui inawi an tih.

Guest Artistes:
Rosy Vanlalhlani
Kimi Ralsun
Rotlingpui Khawbung
Laldampui Pena
Vanlaljona Tuolor
lalrawngbawla Ralte

Band:
Zawlbuk
Triple 4
HSA Haflong Town Unit

Pic: NC Hills & karbi Anglong Jt. Hrqs Conference 2011

Don't Miss
© all rights reserved
made with by Simon L Infimate