CCPur, 4th Nov.,2014: November 1, 2014, 12:00Noon khan Rengkai Community Hall-ah Swachh Bharat (Clean India) Awareness Campaigncum- RACC Players Felicitation programme hmang a nih. Hi huna hin Pu Lienhmingthang, Secy. VA in programme a keihruoi a, Rev. S.K. Songate in tawngtainaa hun a hawng zovin Dr H.L. Liensang, VA Member le Pu Joseph Lalrothang, VA member han Swach Bharat (Clean India) le inzawmin thuhriltawi an nei a. Thienghlimna pawimaw zie uor takin an hril a. In le inhnai taluoa Vawk in bawl le Ekin a chung khar lova ei sie hin natna chi hran hran awlsam taka kaizap a awl thu hai an hril.

Pu Songneilien Songate, VA member chun MGNREGS Mates hai Pledge(thutiemna) an neitir a, Rengkhawpui hla Grace Famhoite in mawi takin sak bawk. August 16th-29th, 2014 inkar sunga (L) Khaikhanlian District First Division Football League neia uma lawmman latu RACC hai lawmpuina le CDSA Certificates players hai kuoma semdawkna hun hmang a ni bawk. Hi huna hin Dr G.F. Tuollai chun RACC intan dan a hril a, Pu Joufonlien Joute, President, RACC chun lawmthu hrilna hun hmangin Rev. Lalthlenglien in hun khar tawngtaina a nei a, zantieng Rengkai Lal compound-ah ruoi the a ni bawk. (Alan Famhoite/HT)



Post a Comment

Powered by Blogger.