Aizawl, 3rd Nov.,2014: Saihapui 'K' a sum dawl a intum HPC (D) ni a inhril Lalengsanga (36) s/o Chalneihhmanga, Phuoibuong khuo inti le Gabriel Tau (26) s/o Ngarthanga, Halflong hai chu November 1 khan Kolasib police ha'n an man.
Thu dawng danin, Lalengsanga le Gabriel Tau hai hi November 1 khan Saihapui 'K' VC President hai inah an fe a, VCP chu Rs. 10,000 dawl dingin an ti a, a pawisa Rs. 1,000 an lak pek nghal a nih.
VCP chun pawisa dawl dinga vauna a dawng chu police kuoma inhriettir nghal in; Lalengsanga le Gabriel Tlau hai chu November 1 zing dar 8 velah Kolasib Vengthar a an in-ah police haiin an man ta a nih. Mi pahni mana um hai hi Court remtina in police in thu indawn chieng dingin an la kawl mek.
