PRESS RELEASE
HMAR STUDENTS' ASSOCIATION (HSA) SINLUNG HILLS JT. HQRS.


Sinlung Hills Jt. Hqrs chuan kan Area chhunga zirtirtu awm zawngte zawngte mani post ah thahnemngai tak leh rinawm taka awm turin kan ngena, Ram leh hnam din chhuah theina tura mawhphurtu ber an ni tih in hre nawn fo turin kan duh tak zet.
He kan thuchhuah atang hian Block leh Unit lamin endik hna an thawk anga, kan thuchhuah pawisa lova mani post a la awm tha duhlo leh hna hmuh nan chauha kan Area chhung hmangtu an awm ani ti kan hriat leh chuan zirna kal phung a that theih nan thei ang angin kan Area chhungah hma kan la ang. 

Tin Mizo te hnam dangte nen khai khin chuan hnam tlemte kan ni a chuvangin, tumah inla hrang thei kan ni lo. Mi thenkhatin Lushei tawng hmang chauh kan dah Mizo a, Lushei tawng hmang ve lo te kan hmusita kan dah hrang thin hi chu pawi kan ti tak zet. Tawng hrang chi hrang hrang heng paihte, Hmar, Mara, Lai, etc. Tawngte kan hman theuh hian Mizo tawng a hausain Mizo hnam a ti ropui bik hle ah kan ngai a hman zel kan duh bawk. Lushei tawng chauh thiam tawng dang thiam ve lo te pawn mani unaute tawng hmusit mai lova inzir ve zel turin kan duh bawk, Lushei tawng chauh hi Mizo tawng ani lo ti kan pawm thiam hunah chuan Mizo hnam inlungrualna chu Luipui angin a rawn luang tawh ngei ang.

Dated, Sakawrdai, 06/11/2014
Sd/-
Henry L. Hmar
President, HSA, Sinlung Jt. Hqrs
VL. Khawbung
Asst. Gen. Secretary, HSA, Sinlung Jt. Hqrs

Post a Comment

Powered by Blogger.