By Lalnunthang Songate
Parbung, November 5, 2014: Zani hmasak Thawṭanni tarik November 3 zantieng dar 5 vel khan Upa (L) Ngamhrangdo (k. 71), Parbung chun chatuon ram a mi lo inlawisan tah. Ama hi hnam thil a reng reng Hmar hai aiaw hiel khawmin vawi tam tak ṭawng a lo nei ta hlak a; mi tlawmngai, pa tiktlai, mi biek inhawi, naupangte anthawk putar chen khawm titi pui thei a nih. Ama hi 1968-1980 chen khan Mission Teacher sin thawin, 1980 anthawk Manipur sorkar hnuoia Horticulture Department-ah sin thaw ṭanin a thi chenin a sin anthawk la pension lo a nih. A raltu le lainatu an tam hle. Hmarram sunga pawl hrang hrang-ah nina khawm a lo chel kim deu vawng bawk a nih. Parbung a khawm V/A Chairman hai khawm a lo chel ta hlak a, V/A member-ah kum 20 sung a ṭhang nghe nghe bawk a nih. Kohran tieng Assembly of God (AG) a inkhawm niin, 1989 khan Rev. Thanglien-in Upa Ordination a pek. A nuhmei Pi Thangtluongpui le a nauhai 11 (pasal 6 le nuhmei 5) a maksan.

Post a Comment

Powered by Blogger.