-LRS Puruolte

CCPur, 8th Nov., 2014: :  Vawisun sun dar 12 vel khan NE Tamchon Trophy 2014 Delhi hmun a inkhel ding Hmar FC Player, Manipur a inthawk a mi hai chu HSA Jt. Hqr. CCPur chun HSA Campus, Rengkai hmun a ditsakna inthlana hun an hmangpui. Mr. Joseph R. Joute in hun a keithuoi a, Ms. Lalhlimum Joute Secy. Education in HSA Jt. Hqr. aiawin ditsakna thu hrilna hun a hmang a. Mr. Joshua L. Amo @Jr Amo Secy., Info. & Pub. chun anni hai tadingin Pathien kuoma tawngtai pekna hun a hmang bawk. Chu zo chun, Pu Richard Laltanpuia President  khawmin hung hlawtlig ngei dinga a ditsakna insangtak inhlanin, anni hai hi a Flag-Off. Hmar FC hi HSA Delhi huoihawtna hnuoia indin a ni a. ISL (Football) a inkhel mek Delhi Dynamos in an Sponsor pui ding a hril an nih. Oct. 24, 2014 khan Hmar FC Organising Board in tuta fe mek Indian Super League (ISL) a Delhi Dynamos hai manager an in hmupui hun a khan Delhi Dynamos haiin sponsor an pek ding thu Hmar FC hai an lo hril a nih. Tukum a Hmar FC Jersey a khom DDFC hai logo hi a chuongsa ve ngei ring a um. Hmar FC hi NE Tamchon Trophy 2013 Defending Champion nilai zing an nih. 

Imphal HYA Vice President, Ms Thangthatling in Pathien kuoma tawngtaina a nei lai

Mr. Laldawnlien Varte Gen. President le Mr. Francis Songneilien Songate Gen. Secretary, HYA Gen. Hqrs. hai khawmin hung hlawtling ngei dinga an ditsakna insangtak an inhlan. Hmar FC Player hi hun a Delhi pan dinga suokdawk hai chu 1. Mr. Lalramsang F. Tusing of Rengkai, 2. Mr. Daniel L. Hmar of Muolbem, 3. Mr. Kenneth Malsawmthang Darngawn of Rengkai Road, 4. Mr. Immanuel L. Intoate of Sielmat, 5. Mr. Cleaven Hmarramnghak of Saikot, 6. Mr. David F. Tuollai of Rengkai, 7. Mr. Michael Joute of Rengkai , 8. Mr. D.N. Dananjoy Keinou le 9. Mr. Lalsiemthang Fimate of Imphal hai an nih. CCPur a inthawk Tulihal International Airport, Imphal chen a an fena ding Transportation tumtuhai chu Mr. Lalditsang MDC/Senvon, Mr. H. Samson Social Worker, Mr. Ruotsang F. Tusing Social Worker le Mr. Lalvullien Social Worker hai anni a, HSA Jt. Hqr, CCPur chun anni hai chunga hin a Lawmthu a hril. Hmar FC hin Nov. 18, 2014 khin Hornbill FC (Nagaland) inkhelpui an tih. Annihai hi Manipur an suoksan hmain Airport hmun a hin HYA Jt. Hqr. Imphal chun an ditsakna insang tak inhlanin midanghai ang bawkin hung hlawtling ngei dingin an inthlaliem. Zantieng dar 3pm khan Imphal a inthawk vuongnain Delhi an pan.

Photographs: Alan Famhoite











Post a Comment

Powered by Blogger.