~ Alan Famhoite, Media i/c PJCC
Tuithaphai: November 22, 2014(Inrinni) khan HSA Platinum Star Hunt 2014 ‘Top-7 Round’ chu Sielmat Playground hmuna nei anih. Pu V.L Mawia, Chief of Sielmat in ribbon chepbawngin hun a hawng a, Pu Mawia hin ei hnam hi ei sietna chau hril loin ei hmasawnna hai dam tlanginsampui rawn lem inla, ei hnam hi chanchintha mansapui in bangna ani angin zu le drugs zawra hmingsi taluo ei um nawh. Hnam var hai thawdan anga HSA in hiengang events a organised thei le talent thupruk tamtak hai phawr dawkna dawkan ani leiin le hnam dang khawma anlo hlimpui thei hla ei phuok thei hi Pathien zar chau anih tiin lawmum ati thu hai a hril a. Platinum Star thangpuinain sumfai iemanizat a pek bawk.
Top-7 Round a hin Pu Ngamhau, MDC, Pu Tongkai, MDC, Pu Darsiemlien Ruolngul, Deputy Labour Commissioner, Govt of Mizoram Retired, Pu Roland Ralsun, Special Class Contractor, Pu Lalkham Ngaite, Social Worker, Pu Kapthuom, Social Worker, Pu Laltanpui Khawbung, Social Worker, Pu Laldawnlien Varte, President, HYA GHQ, Pu Suozalien Sinate, President, HAA, Pu Lalsuong Famhoite, Gen Secy, HAA le hnam sunga thuoitu tum tum han an uop bawk. Guest Artiste in Nk Jeneth L Varte, Nk Betsy Gangte, Pu Lien Shakum, Pu Lalthankung (Kanghling Father) le Vanlaljona Tuolor hai thangin hla mawi tak tak an sak. Hun karlaka tlawmngaia ticket inchawtu hai ticket chu lottery a inchangtirin ticket no – 007, Pi Christy chun HSA T-Shirt a dawng. Judges Pu Edward TC Hrangate le Pu David Buhril haiin thiem takin hla an sak bawk anih.
Top-7 Round fethlenga Top-5 kai hai chu Margy Lalremruati, Mizoram, Lalrindik, Rengkai, Teressa Sellate, Sielmat, Christina Shakum, Khawmawi, Joslyn Infimate, Muolvaiphei hai an nih. December thla ah Top-5 Round nei nawk ning ata, a hun le hmun ding chu ei chanchinbu fetlenga inhriettirna la hung siem ning a tih tiin Immanuel Lalhrietzing Pulamte, Event Coordinator chun a hril.
Pic: L-R Joslyn Infimate, Teressa Sellate, Christina Shakum, Margy Lalremruati, Lalrindik.
