Haflong, 31st October, 2014:Hmar Students'Association kum 75 tlingna (Platinum Jubilee) lawmna chu Muolhoi khawpui-a HSA NC Hills & Karbi Anglong Jt.Hqrs huoihawtna hnuoia ni 29th October a inthawk khan Muolhoi High School Campus hmunah tan niin vawizan (31st October) chen hin ropuitaka lawmna hunser hi hmang a nih.

A nikhat zan (29th Oct.) hin Hall hawngna Pu Ralthang Faihriem, 1st Secretary HSA NC Hills Block in a neia, Platinum Jubilee Hall chu HSA Founder President HL Daka hrietzingna dingin HL Daka Memorial Hall ti inbuk a nih. Pu H. Sangkhum Riengsate, President, HSA NC Hills & Karbi Anglong JHQ chun lawmlutna hun le inhmelhrietna hun a nei baka Unit 43 haia inthawkin Unit Report ngaithlak a nih. Formal program zova Platinum Jubilee Concert buotsai a ni a, hi huna hin band fiela um Zawlbuk, Triple 4, HSA Haflong Town Unit Band hai bâkah Guest Artiste hieng Lalrawngbawla Ralte, Rosy Vanlalhlani Hmar, Kimi Ralsun, Laldampui Pena le Vanlaljona Tuolor haiin rimawi mawitak takin mipui inawi in an hlimtlang hle bawk a nih.

A nihnina (30th October) zing dar 10 ah HSA Hostel Complex, Muolhoi ah Platinum Jubilee Lung Hawngna Shri. Thanghlun Hmar IRS, Asst. Commissioner of Income Tax, Govt. of India in a neia, Pathien kuoma Platinum Lung inhlânna Rev.Dr. Hrilrokhum Ṭhiek in a nei zova HSA Thuoitu hlui le thuoitu ni mek haiin Platinum Dar vuokna an nei bawk a nih.

Sun Program ruokchu Literary Meet  tia hmang a ni a, hi huna hin Shri. Thanghlun Hmar IRS, Asst. Commissioner of Income Tax, Govt. of India chu Chief Guest a hmang niin Shri. M. Rahman, Principal, Haflong Govt. College, chu Guest of Honour a hmang a nih. Chief Host in Pu. Laltlansang Hmar, EM NCHAC hmang a nih. Guest haia inthawkin thu ngainuom um tak tak hai ngaithlak a ni baka Platinum Choir le artiste haia inthawk hla ngaithlak a ni bawk. Hi hun a hin Chief Guest in Platinum Jubilee Souvenir tlangzarna hun a nei a mipui lai semdar nghal a nih.

Zan hun a thu ṭhatak takhai ngaithlak a ni bakah SLC & HSSLC level chena inchukna tienga thawtha zuol bik mi 100 vel hai kuoma chawimawina inhlan a nih. Hienghai baka hin Miss HSA Platinum Jubilee 2014 Contest na First Round nei a ni a, Hmar nunghak hmelṭha le piengnal tak takel mi 20 hai chun mipui hma ah an hung inher a nih.

A nithum ni (31st October) hi Platinum Jubilee Festival ti a hun hi inbûk bîk  a ni a, Chief Guest in Shri. Debojeet Thoasoen, CEM, NCHAC, hmang a ni a Shri.Ngamrothang Hmar le Shri. B.Brahma IFS, Addl.PCCF hai chu Chief Host le Guest of Honour a hmang an nih. Cultural extravaganza hai nei a ni bak ah HSA NC Hills & Karbi Anglong JHQ President le Secretary sin lo chel ta hai kuoma chawimawina inhlan a nih.

Zan huna hin thulhril tawi guest haia inthawk, HSA Unit hrang hrang a inthawkin hlapawl, hnam lam le item chidang dang hai an nei a,  hi hun a hin Miss HSA Platinum Jubilee 2014 inthlangna nei a ni a, Miss Platinum Jubilee dingin Miss Cecilia Infimate thlangtling a nih, Miss bak a hin hieng ahnuoia sub-tiltle hai hi inhlan a nih;

1st Runner -Up: Ruthi Khawbung
2nd Runner- Up: Ruth Faihriem

Miss Peoples' Choice: Ludy Date
Miss Talented: Denika Lungtau
Miss Perfect 10: Jessica Lungtau
Miss Confident: Blessing Neingaite
Miss Best Dress: Angelica Gangte
Miss Cat Walk: Anani keivom
Miss Photogenic: Mercy Hmar
Miss Beautiful Skin: Jacinta Buongpui

Program hi a nikhat nia inthawk a tawp chen hi a hlawtling vawnga, dit khawp lo le inro tak pum'n zan dar 2:30 vel ah prokram hi suktawp a nih.

Photo Credit:Jubileethang Hrangchal









Post a Comment

Powered by Blogger.