CCPur, 3rd Nov., 2014: Thanlon A/C Bieltu MLA Pu Vungzagin Valte, Parliamentary Secretary, Govt. of Manipur le HSA Platinum Jubilee Celebration Committee hmalakna a HSA Platinum Jubilee Library Building, Pherzawl khuo a bawl a um chu hawng el thei dinga zofel a ni tah a. Hi building hi hungtlung ding November 15, 2014 khin Puithu taka hawngna hunser hmang tum a nih. Hi Library building hi a hma chun Oct. 25, 2014 a hawng tum a ni a, amiruokchu  a hawngtu ding le inzozapnaw leiin la suk hnufuol nawk niin thu ei dawng.HSA Thuoituhai chun hiengang Bieltu MLA fel le inpe zo tak el chunga hin an lawm hle thu hrilin. Hmatieng pei a khawm a biel mipuihai ta dinga thil thangkai le hmasawnna ding thil tha tak tak a la hung thaw zawm pei an beisei thuhai hrilin, Pathien malsawmna tamtak dawng dingin an ditsakna an in hlan. (LRS Puruolte)


Post a Comment

Powered by Blogger.