- LRS Puruolte | Photo: Alan Famhoite

CCPur, 6th Nov., 2014: Nov. 6, 2014 khan Pu, Upa Laldawnlien Varte Gen. President, HYA dinga thlang thar a um chun charge a lak zo le in ruolin a ngaipawimaw hmasatak hai laia mi a kar po a Hmar khuo haia mi thenkhatin mi an that hnung an va sie le inthatna hmun haia an hmang rawpna thu a a dem hle thu puongin, tulai hnai el Nov. 1, 2014 ni a hiengang thil a tlung nawkna Prayer Mountain bulhnai Sielmat, CCPur hmun ngeia fein a va kan. Hi hun a hin  Pu Laltlangmawi Inbuon Adviser le Tv David Paultinkhum Secretary, HYA Sielmat Branch le Social Media haiin an uop bawk. Gen. President, HYA GHQ hin CONDEMNATION 6th November, 2014 ni a a siem a chun hienang hin an ziek, November 1, 2014 ni a Sielmat Tawngtaina tlâng bula tuolthattuhaiin mithi ruong an mâksan hin Hmar khuo le hnam a suk hmingsiet hle a, khuo le hnam inhmusitna tawpkhawk khawm a nih. Hringna hi Pathien ta a na, Pathien mi pêk laia hlutak khawm a ni leiin mi tukhawmin a nuom thu thuin a sukhlum ding an naw a, chuongang suolna thuprukna dinga
Hmar khuo hmanga um vet hlak hi tha ka ti naw tak zet. Chuleiin hieng ang intuolthatna le
mithiruong hung hrehmang hi a thawtuhaiin chîng nawk ta ngai derlo ding le hi ngenna
pawisanawtuhai chungah HYA memberhaiin kut an lo thlâk lêt pal a ni khawma tukhawmin
thiemnaw inchangtir theinaw ni hai a, hnam le pawl ang zawnga buoina a lak thei ni bawk
naw nih ti hai a thang.

Hi zo hin Pu Lunminthang Haokip IAS DC, CCPur, Pu H. Balram Singh Addl. SP, i/c SP, CCPur Police le Pu Mohd. Abdus Salam OC/Inspector, CCPur Police hai chu an Office hmun seng ah inhmupuina a nei a. Ei ram siemthatna dinga hmalak tlang pei dan dinghai a hrilpui baka Tukum Imphal Hmar Sikpui Ruoi 2014 Dec. 9 a nei a um ding huna thang ve dingin Chairman, Organising Committee a nina angin a fiel tawl a, an ni khawmin an remchang thei chun thang ve ngei an tum thu hai an lo hril tawl. Hi hun a hin Pu Lalramsang Infimate MCS ADC, Bishnupur, Pu Lalramsiem @Elar Es Zote Neitham le Pu Lalbuotsai Zote haiin an zui bawk. 

Pu Lunminthang Haokip IAS DC, CCPur le HYA Members

H. Balram Singh Addl. SP, i/c SP, CCPur Police le HYA Members



Post a Comment

Powered by Blogger.