INPAKNA HLABU - I

Hla hi ei sak ngun naw chun kum iemanizat hnunga chu a thu theinghil hi ring nêkin a lo awl khawp
el. Rîk-rum thil (emergency) a lem chu hla inzâwttu ta ding khawma hlabu a um naw chun hla châng ei lâk fûk thei mumal ngai nawh a, inkhâwm (worship) boruok le hlasak inhawina a suk inhnuoi nuom vieu bawk a nih.

Abîkin khawpuia um ţhalaihai lem chun hla hi sak suok thei ei nei meu nawh a. Hlabu hlak chu mimala kawl hi ei tlâwm khawp el. Hieng hai bâka hin a ţulna thildang tamtak a um ti ka hriet el chau niloin a hmu khawm ka hmu leiin 'epub' version-a hlabu siem dan ding lampui ka dap tah a . Ka thei le phak ang tawkin Internet-a a siem dan lampui mithiemhai ziek chu râwnin hun intép tak karah hi hlabu hi sutdawk (published) a hung ta a nih.

Hla inzâwttu le saktuhai khawma indik lema hlathu ei lam theina dingin a ţul zuol nia ka hrietna hmuna hai chau"thlûkna" le "ţ" hi sie an nih. Ţawng ziek dan thuah ziek indiknaw a um a ni chun "ka thaw suol lieu lieu" nîng a ta, sawisel nuomtu hai chun mi sawisel sienkhawm an thaw ding hrim ni lem a tih.

A sûnga hlahai hi Ţhalai Hla, Kristien Hlathar le Independent Hla, tiin hmun thuma ţheţhâwp a nih. Hun indai tâwk naw leiin hla ţha tak tak khawm inchuon sa lo a um a. Hi chungthua hin hmangtuhai hrietthiemna ka ngen nghâl bawk a nih.

Hi hlabua hlahai hmang hin ringtuhai lungrilah Pathien thlarauin sinthaw sienla, thlarau tienga malsâwmna ei ţul le ei mawmaw ang peiin min dawng tir ngei raw se.

(James Lalthanglien)
Editor and Publisher


A hmang dan:

Hi Hlabu hi Android/iOs le Windows a hai hmang thei dinga siem a nih.

Inpakna Hlabu hmang thei ding chun ePub Reader pakhat tak Install hmasa phawt a ngai.
For Android Click HERE to download
For iOS Click HERE to download.
For Windows Click HERE
ePub Reader/Ebook Reader i install zova Add File a khan hi Hlabu hi select a hmang el thei a nih.

A hnuoia Download button click hin Inpakna Hlabu chu Download thei a nih.

Post a Comment

Powered by Blogger.