Medical Team in Vangai an pan

CCPur, October 21, 2014 (HT): Vangai biel, a bik takin Tuiruong vadung zula um khaw tum tumah Malaria natna hri an leng a, hi natna leia damnaw an tam ti report a um leiin Pu Lal Hossan, EM, ADC, CCPur le bieltu MDC ni bawk hmalaknain CMO, CCPur le a staff han arrangement an siem angin damdawi thahnemtawk tak phurin zanikhan Medical Team chun CCPur suoksanin Sibapurikhal, Vangai biel an pan. Medical team le khawtina ASHA le Health Department a thawktuhai kokhawmin hmalak dan ding hriltlangin training pek tul hai peng an ta, damdawi khawm a mamawhai kuoma peng an tih.

Hiengang programme hi CMO, CCPur le Pu Lal Hossan hai thangruolin tum thum lai Vangai bielah thaw a lo ni tah. Pu Lal Hossan le CMO, CCPur hai hmalakna hi Vangai biel mipui han an tangkaipui hle beisei a nih tiin Glory Wilson, Secretary, Tipaimukh Block Congress Committee chun report a hung pek.

Medical team a hin Malaria Department, CCPur hnuoia Thangthianmuan, Consultant, NVBDCP; S. Lianbiakthang, Data Entry Operator; Hmangaikim, Female Health Worker le Lalramhlun hai an thang a, ASHA member hai kuoma Malaria invawi hai enkawl dan ding, blood slide collection thaw dan ding le NVBDCP fethlenga ASHA member hai mawphurna haihrilhrietna nei an tih.