HYA GHQ Special Conference-cum-Election

CCPur, October 22, 2014 (HT) : Hmar Youth Association (HYA) General Headquarters Special Conference- cum-General Election, 2014 chu October 23, 2014 10:30AM a inthawk khin Sielmat hmuna um a tih. 1st Session huna Rev. Jonathan Pudaite in hun hawng tawngtaina nei a ta, Pu Zothanmawia, General President in lawmlutna thucha hril a ta, L. Thangkima F. Tusing, Gen. Secretary le Upa Laltlanmawi, Secy. Finance haia inthawk report ngaithlak ning a ta, General Secretary inrawinain Chawimawina hunser hmang ning a ta, Pu Vanlalhlun Hrangchal, Exe. Member in lawmthu hrilna le Upa Zaiawithang, Sr. Adviser in hun khar tawngtaina nei a tih.

Business Session chu Pu Ramthanglien, Vice President in inkhawm keihruoi a ta, Recording Secretary in L. Thangkima F. Tusing, Gen. Secy. thang a tih. HYA thuoitu thar ding thlangna um a ta, Rev. Lalneikhup Hmar in HYA thuoitu thar dinga thlangtling hai intiemkamna inneitirin tawngtaipekna nei nghal a tih.