Responsive Ad Slot

Tamchon Trophy le inzawma HSA Delhi inhriettirna le Ngenna

Tuesday, September 23, 2014

/ Published by VIRTHLI
INHRIETTIRNA LE NGENNA

Hung tlung ding November 18th – 29th November 2014 hin, Tangkhul Naga Society Delhi (TNSD) huoihawtna hnuoiah 8th North East Tamchon Memorial Football Trophy chu Dr. Ambedkar Stadium, New Delhi-ah nei ning a tih. Hi tuornament a hin HMAR FC khawm thang nawk ding le hrattak nina chang nawk ngei dingin hma a lak mek a. Hi Tournament hi India rama football inkhelna a chu a pui pawl a hung ni ta pei a, Hmar hnam hminga inkhelna a ei va thang hin National level a khawm ei hnam hming ei va suklang theina hmangruo pakhat ani ve leiin a pawimaw em em a nih. Ei hriet seng ta angin nikum (2013) khan HMAR FC chu Pathien le Hmar mipuihai support na zara khang chen tlung thei ani ti chu inhmai ruol an nawh, tukum khawm hin hrattak nina chang ding chun inthuruol taka ei theina kawng senga hma la a ei thang tlang apawimaw takzet.

Kum dang ang bawkin tukum khawm hin Hmar mi football pet thiemhai hmun dang dang a inthawk incha khawm dinga riruong ania, a bikin career a neihai le nei tum mek hai khawm ngaiven zing an ni a, mitukhawm player tha, (a thei chun national level/state level chen inkhel dam ni thei hai sien) ei hriet ani chun an hma tieng mi hung inhriettir inla lawm um hleng a tih.

Competition level an sang angin tangka sum sengso khawm a hung tam pei ta a, hi le inzawm hin mi tuelkhawm tlawmngaia mimal annawleh Organisation hminga sum le pai hung thaw nuom tu hai ta dingin kawt lientak  hawng ani a, Hmar FC Jersey  khawm sponsor thei a nih. Sum le pai chon aw khawm kawng dang dang a Hmar FC thangpui nuom tu hai chun October 12, 2014 hma ngei hin a hnuoia contact number zieklang a hai khun hung hril thei inla lawm um hleng a tih.
Ei hnam mawina chu NANG le KEI a innghat a nih ti hrezing in ei theina zawng seng ah Hmar FC ta dinga hma la tlang dingin kan hung fiel nawn nawk cheu a nih.

HMAR FC Damzing rawse!


** 9899370879(Vice-Chairman)
** 8802813428(Manager
HMAR FC Management Committee,
HSA Jt. Hqrs. Delhi





Don't Miss
© all rights reserved
made with by Simon L Infimate