CCPur, September 10, 2014 (HT): September 8, 2014 zantieng dar 3 vela Tuiṭhaphai tieng pana hung tlan Thing-at phur Shaktiman Truck Bukpi le Pherzawl inkar laia eksiden leia hliem pathum hai chu zani zantieng khan District Hospital, CCPur hung phur tlung an ni tah.
Hliemna tuok District Hospital hung phur tlung hai chu Thathang (22) of Gouchinkhup Veng, New Lamka; Ramluahpuia (7) s/o Lalditsang le Mr Lalditsang (36) s/o (L) Hnelien of Serhmun hai an nih. Ramluahpuia hi a hliem inrik leiin Imphal tieng panpui dinga thurawn pek an ni angin Imphal tieng panpui a nih. Thathang le Lalditsang hai chu District Hospital, CCPur-ah admit le enkawl mek an nih.
Ramluahpuia khawm hi hung ṭha pei ta leiin zani ma khan CCPur tieng hung phurkir nawk a ni a, tuhin District Hospital, CCPur-ah enkawl mek a ni a, a sun le ek suok hai khawm hril theiin a hung ṭawng thei nawk tah tiin zani zana ei thu dawngna chun a hril. Truck eksiden a hin Mrs Lalsuongmawi w/o Lalditsang le Shaktiman khaltu Mung hai an thi a nih.
Truck hin lampui a sir chim leia eksiden le rawla inkuitla niin ei thu dawngna chun a hril.

Pic credit: ElarEs Zote Neitham 

Post a Comment

Powered by Blogger.