Imphal, September 13, 2014 (HT): Regional Institute of Medical Sciences (RIMS), Imphal hnuoia Dental College a hmang ding Dental Chair inchawkna a sum chawkchawrawi a, indik lo taka hmang a nina le inzawmin zanikhan Central Bureau of Investigation (CBI) pawlin RIMS Director hlui, Dr S. Sekharjit official quarter le RIMS Director hlui bawk Dr L. Fimate chengna in hai \hangsain hmun 9 an dap a, lekha pawimaw \hahnemtawk tak an man niin ei thu dawngna chun a hril. CBI team chun dapna sin hi zing dar 7 velin an \an a, Dental College RIMS Principal incharge lo ni hlak Dr R.R. Singh official quarter le RIMS Administrative Block Account Section office hai khawm an dap niin ei thu dawngna chun a hril. Dr S. Sekharjit chu a san hril um chuong lovin Union Ministry of Health & Family Welfare, Govt. of India, New Delhi chun August 25, 2014 khan Director, RIMS a nina a inthawk an chawltir a, Orthopaedics Department, RIMS a Head Dr Chongtham Arunkumar chu Director-in-Charge, RIMS, Imphal dingin a hung ruot a nih.

Tuta hma khan Media tum tum hai chun Principal, Dental College, RIMS hlui laknaah anomalies indiklo a um ti bakah Vision Foundation, Manipur le Organisation dang danghai chun RIMS Director hlui Dr S. Sekharjit chu Nurses sin lakna le RIMS Operation Theatre siemthat le tuoitharna thil haiah fakrukna (corruption) a um niin an lo zieklang bakah Operation Theatres siemthatna thilah indiklo taka sum hmang a nih tiin an lo zieklang ta hlak bawk a nih. Manipur a hienganga CBI in dappui an thaw hi a vawikhatna la niin ei thu dawngna chun a hril.




Post a Comment

Powered by Blogger.