CCPur, September 13, 2014: Sept. 13, 2014 Zantieng dar 1:00 pm a inthawk khan Hmar Students’ Association (HSA) in Platinum Jubilee kumtluona an kum 75 tlingna an lawm mek le inzawma an huoihawt “HSA Platinum Star Hunt” (Malzai/Solo a inruolsiekna) 1st Audition Round chu Pu HL Daka Memorial Hall, HSA Campus, Rengkai, Churachandpur (Manipur) hmun ah tan a lo ni tah. Hi hun a hin mi 38 lai an thang a, Hla Changkar 1 le Thunawn seng in sak tir an nih. 

1st Audition Round Result hi hi hun le hmun ah puong nghal a nih a, Mi 31 lai an fethleng. 2nd Audition Round chu hungtlung ding Sept. 20, 2014 (Inrinni) Zantieng dar 1:00 pm khin a hmun pangngai a bawk hi huna inruolsiekna hun a la thanglohai tadi’n huoihawt ni nawk a tih. 1st Audition Round a fethleng hai hi 2nd Audition Round hun a fekhawm nawk seng ding le hmatieng peia hun hmang pei dan ding hung ngaiven dingin Event Coordinator hai chun inhriettirna an siem. 

Hi inruolsiekna hun a endiktu (Judges) hai chu Pu James Songrolal Songate, Pu Edward TC Hrangate, Pu David Buhril le Pi Lalparmawi @Parte hai an nih. Hi Platinum Star Hunt hi HSA Platinum Jubilee Celebration Grand Finale hun Dec. 11 – 14, 2014 sunga ursun taka inser hun Dec. 12, 2014 ni tak khin Grand Finale nei le Result Puong ni dinga riruong siem nih tiin LRS Puruolte i/c Media (Publicity), HSA PJCC chun a hril bawk. 

Hi inruolsiekna hun a hin India ram hmun tum tum a inthawka HSA memberhai an hung thang ding a nih. Lawmman chu Platinum Star in INR 75,000/-, 1st Runner’s Up in INR 50,000/-, 2nd Runner’s Up in 25,000/- le thilthlawnpek chi tum tum khawm a um ding niin chanchin ei dawng.



Contestant hai

Judge hai

Post a Comment

Powered by Blogger.