Responsive Ad Slot

Hmasawnna Thar | September 16, 2014

Wednesday, September 17, 2014

/ Published by VIRTHLI
Pherzawl-ah Library building bawl mek
CCPUR: Thanlon A/C MLA le HSA Platinum Jubilee Celebration Committee (PJCC) hmalaknain Pherzawl khuoah Library building á¹­ha tawk tak bawl mek a nih. Library building hi September, 2014 thla sunga bawlzo le hawng hman ngei tuma sin thaw a nih. Library bawlna hi HSA Pherzawl Unit le khawtlang nu-le-pa han an thlawp á¹­ha hle. Library bawl zo a ni pha tlangrama um inchuklai tam tak han an hung sawr á¹­angkai hle beisei a nih HSA á¹­huoituhai chun an hril.

JCBs 2 le Thautui phur truck khat
CCPUR: Parbung khuo phak tawma lamlien chim siem á¹­hat a ni hmapo a helna (diversion bridge) leilak siemna dingin bieltu MLA le HAC Chairman Dr Chaltonlien Amo chun Sept. 12, 2014 ni khan JCB pahni le thautui phur Truck pakhat lamlien sietna hmun tieng a tirsuk niin H. Samson le Lalvullien haia inthawk ei thu dawngna chun a hril.

Joint Inspection team in an en
CCPUR: Zanikhan Joint Inspection team-a S.K. Kaul, Asst. Director MDH, Delhi, Mohinder Pal, Chief Consultant, MDH, Delhi hai bakah Dr MR Sahoo, Sr. Scientist (Hort), ICAR, Imphal, Manipur le Dr R.K. Dalip Kumar, Associate pfofessor, College of Agriculture, CAU, Iroisemba, Imphal Manipur hai chu CCPur-ah hungin RKVY 2011-12 hnuoia sin thawna Pomegranate Farm, Mission Compound, Steel Tank Poly house, Shade House, Lemmual; Banana, Champra, Pomegranate and Drop irrigation hmun Mata Village a mi hai an enfel.

Application 160 sem tah
CCPUR: JNV Entrance Test-a ding Application semdawkna nei mek a ni a, tuchena hin ZEO CCPur Office chun Application form 160 a sem dawk tah.

HYA meeting
CCPUR: Sept. 17, 2014, 7AM khin HYA HQ Office, Rengkai-ah HYA GHQ Executive/Election Commission Joint meeting ko a nih. Hi huna hin HYA GHQ election hmun ding le thulut dang dang hai hriltlang ning a tih.

NE mihai ta dingin Nodal Officer
NEW DELHI: India hmarsak biel mi, Delhi-a harsatna tuokhai ta dingin Nodal Officer for Railway Stations and Metro sin chel dingin Assistant Commissioner of Police(ACP), Railways of Delhi Police chu ruot a ni a, phone No. 011-2994004 (landline(, 08750871301 (mobile) or email:acprailwaydl@nic.in haiah biekpaw thei ning an tih tiin Robin Hibu, IGP chun a hril. Hieng laizing hin Sept. 13, 2014 zan khan Manipur tlangval 2, Laith Golain (21) le Boylen (21) hai chu Babulal Chowk, Munirka Area sungah thlirtluon, Sakawrbakchep le lung hmangin mi 3 in an inhliem a, Safdarjung Hospital panpui an ni a, Laith Goulain a hliem inrik naw leiin Hospital a suoksan ta tiin ei thu dawngna chun a hril. MI vawtu 3 man an ni tah.

ATM rawka Rs. 26 lakh inrutuhai laia mi 4 man
SHILLONG: September 9, 2014 a Nongpoh hmuna SBI ATM rawktu mi 10 hai laia mi 4 man an ni ta a, a pawisa ruok chu hmukir a la ni nawh. ATM a inthawka pawisa an inruk hi Rs. 26
lakh a ni a, an rutu han Rs. 2.20 lakh sengin an insem a, Motor cycles, Mobile phones le an sunghai sil le bil ding a man to chi le a á¹­ha chi vawng an inchawk ti thu an inpuongnaa inthawk hriet a nih tiin CVS Reddy, SP, Ribhoi chun a hril. Mi 4 man a um hai hi Assam mi, Guwahati a man an nih. man a um mi 4 hai laia 3 hming hrillang a ni a, chuonghai chu, Rahul Pegu, Nirmal Das le Ziaul Haq (21) hai an nih.

Phoisangbung-ah Mobile Medical camp
CCPUR: DHS/CCPur huoihawtnain vawisun hin Sagang PHC huop sunga Phoisanbung village-ah Mobile Medical camp um a tih. Hi huna hin hin Dr Robinson, MO, Dr Neison Kom, Paediatrician, Dr F. Thienkhogin, DACO, Dr Lalremruati, MO, Dr Chiin Guite, Opthalmologist han damnaw hai en an ta, Nurses le medical team dang dang han á¹­hangpui bawk an tih. Medical camp-a á¹­hang ding mobile medical team hai chu vawituk 9AM hin CMO office tlungkim seng dingin CMO in an hriettir.

Activa motor Registration
CCPUR: Zanikhan Rengkai Road-ah Honda Activa Regd No. MN02-9475 Registration Certificate hmu a ni a, a neitu chun Chanchinbua thu insuo man pein Hmasawnna Thar Office-ah la thei a tih.

Bike eksiden leiin a thi
CCPUR: Sept. 14, 2014 zantieng dar 5.00 vel khan Paokhojang (39), h/o Hoihnu of Janglenphai chu Pulser Bike a Kangvai tieng pana a tlan laiin Boljol khaw bula Culvert changtiengpangah a tlan thla a, ft. 15 a inthukah Bike leh an tla thla a, District Hospital, CCPur panpui a ni a, sienkhawm a hliemna tuorzo lovin a thi a, zanikhan an khuo thlanmuolah a ruong vui a nih.

Freedom of Religion Act hnuoia Mizoram mi 7 man
BHOPAL: September 12, 2014 zan khan Madhya Pradesh State a Khargone district, Badwah hmuna nuhmei pahni á¹­hangsain Mizoram mi 7 hai chu Police han Madhya Pradesh Freedom of Religion Act hnuoia an man. Sunil Prajapati (42) chu, Kristien sakhuoah inlet la muongna nei i tih tia thlemin le Kristien sakhuoa a an letna dingin Rs. 1,00,000 pek an tiem a, hi thu hi Police kuoma complaint a siem a, chu leia hieng mi 7 hai hi an man niin Badwah Police station thusuok chun a hril. Thu dawngna dang chun, hi thu hi Police, VHP le Bajrang Dal hai á¹­hangruolin an ngaituotlang a, Mizoram mi 7 bakah tuolsung mi 3 man tumin an la zawng niin V.S. Parihar, Officer-inCharge, Badwah Police Station chun a hril. Mana um hai hi Thlarau Bo Zawngtute (TBZ) Missionary an ni a, lungina khum an ni tah.

Shillong-a lekha inchuk electric in a man hlum
SHILLONG: Tv Lalkhawmawi (26) s/o Samuel Songate of Parbung, CCPur chu New Hebron, Madanriting, Shillong-a a In hluona hmuna electric in a man hlum. Tv. Lakhawmawi hi Sept. 14, 2014 zantieng khan a ruol haiin a umna in kawt hawngsa in an va hmu a, mihriem um si loin a laptop on sa le mobile phone hai khawm umin an va hmu a, an ngai a á¹­ha naw leia nasa taka an zawng hnungin hi ni 1:00PM khan a inhluona inchungah a thisaa in an hang hmu ta a nih. Sept. 14, 2014 sun dar 1 vel khan ruo nasa takin a sur a, inchunga pipe hang siem á¹­hat tuma inchunga kai niin an lang a, hi huna electric hrui main line a nihliep khumin a tawkfuk leia electric in a man hlum ni ngei dinga ring a nih. Tv. Lalkhawmawi hi Graduate tah, Shillong hmuna sin zawng dinga um lai mek a nih. Zani 10AM khan Shillong-a inthawk a ruong phur a ni a, Tuiá¹­haphai tieng hung hraw lovin Tuiruong vadungah lawnga an khuo Parbung phurtlung tum a nih.

Doordarshan kum 55 a tling tah
NEW DELHI: Zanikhan Doordarshan (Television) chu kum 55 a tling tah. Doordarshan hi September 15, 1959 a kha indin á¹­an a ni a, kha huna Presiden Rajendra Prasad in a hawng a nih. Zanikhan India ram hmun tum tum haiah Doordarshan kum 55 a tling lawm a nih. A tir chun transmitter chiterek a iná¹­an nisienlakhawm tuhin chu lien takel le a huom chin a zau ta hle a nih.

Vuongna ekin sungah rangkachak kg. 1.16
MANGALORE: September 14, 2014 zingkar khan Customs officers han Jet Airways a Dubai-Mangalore flight ekin sunga darthlalang inbuka um karah rangkachak kg. 1.16 dapdawkin an man. Hienganga rangkachak dapdawk le mana a um vawihnina a ni tah. A hma in hienganga thup rangkachak kg. 1 man a lo ni ta bawk.

Paul in Manipur Governor dingin
IMPHAL: Meghalaya Governor, Krishan Kant Paul chun zani chawhnungtieng khan Raj Bhavan, Imphala Darbar Hall-ah Manipur Governor 15-na dingin Justice Laxmi Kanta Mohapatra, Chief Justice, High Court of Manipur hmaah sesamna a nei. Hi hunsera hin CM O.Ibobi Singh; Dy. CM Gaikhangam; Minsiters, MLAs, Chief Secretary, P.C. Lawmkunga, DGP Sahid Ahmed, Civil le Police tienga Officers lien hai an á¹­hang. manipur Governor a inthawka inban V.K. Duggal le a nuhmei chu Sept. 14, 2014, 11:00AM khan Raj Bhavan ah State sawrkarin inthlana programme siemin an thla liem. MR han Guard of Honour an pek a, hi zo hin V.K. Duggal le a nuhmei han Raj Bhavan suoksanin Tulihal Airport, Imphal an pan a, Vuongnain Imphal Airport suoksanin an ram tieng an lo pan ta a nih.


Don't Miss
© all rights reserved
made with by Simon L Infimate