HEADLINES
Youth Club Award sum Rs. 25,000 a nita ding
CCPUR: Zanikhan BRGF Resource Centre, DC Office, CCPur-ah Mr P.K. Jha, IAS, DC/ Chairman, DAYCP inrawinain District Advisory Committee on Youth Programme (DAYCP) meeting 2014-15 nei a nih. Hi huna hin kum 2014 a inthawk Outstanding Youth Club Award chu Rs. 25,000/- ni ta dingin an rel. A hma chun Youth Club Award hi Rs. 15,000/- a nih. August 15, 2014-a India Independence Day hmang huna NYK Volunteers hai chu parade-a ṭhang dingin DC chun an hriettir bakah Independence Day hmain District Health Society, Rural Aid Service (RAS)/NSS le NYK hai chu ṭhangruola Blood Donation camp huoihawt dingin an hriettir. NYK Programme a hlawtling theina dingin link department le department tum tum hai chu NYK hmalakna thlawp dingin DC chun a ngen bakah NYK programme hai chu higher authority in approve an thaw dungzuia sin thaw dingin DC chun a ngen bawk.
6 ah Polytechnic, District 5 ah B.Ed. College, Blocks 6 ah Training Schools; D.M. College University a hlangkai ning a tih- M. Okendro Singh
IMPHAL: Zanita Manipur Assembly a Education Department sum hmang ding Inpuia hriltlang a ni huna Education Minister M. Okendro Singh in thu a hrilnaa chun, State sawrkarin Manipur State a Districts 6 haiah Government Polytechnic hawng ding, Districts 5 haiah B.Ed. College indin ding, Blocks 6 haiah Training School hawng a tum thu le D.M. College chu State University a hlangkai ning a ta, hi thil hin Private University hawng a hung sukawlsam pha ding a nih tiin a hril. Education Department sum hmang dingin Rs. 1062,73,97,000 an passed. Selkaltu Pawl MLA, Dr Ibohalbi, Th. Shyamkumar, Kh. Joykishan le Th. Bishwajit han SSA, RMSA le Education tienga State sawrkara hmalakna hai po po a hlawsam let der vawng a nih tiin hnesaw takin Inpuiah an hrillang. CM O.Ibobi Singh in Selkaltu memberhai indawnna a dawnletna hai chun Selkaltu Pawl member- hai a suklungawi hnenaw hle. CM chun Ministry of Human Resource Development kuomah Utilization Certificate a pek thei naw a, sienkhawm hi thil hin Central a inthawka Fund hung ding a cancelled pha ring a um nawh tiin a hril. Education Department in harsatna chi tum tum a tuok a, chuonghai chun lo thei lovin SSA le RMSA a Guidelines hai siemṭhat (modify) a sukṭul pha a nih tiin CM chun a hril. Manipur Assembly chun zanikhan Demands 6 an passed a, chuonghai chu- Education, Information & Public Relation, Agriculture, Election, Fisheries le State Academy of Training hai an nih.
LOCAL NEWS:
Hospital dedicated line Aug. 2 a zo tum
CCPUR: Manipur CM O.Ibobi Singh in July 19, 2014 nia District Hospital Eastern Block building bawlzo thar a hawngna programme- a thu a hrilna hunah, District Hospital CCPur in 24 hours electric power a hmu theina dinga dedicated line siema um mek chu ni 1/2 hnunga zo fel a nita ding thu hril sienkhawm hi dedicated line-a hmang ding hmangruo hai chu lampuiah an la thang mek niin ei thu dawngna chun a hril. Dedicated electric line hi August 2, 2014 chena siem zo dingin Department chun hma an lak niin ei thu dawngna chun a hril.
Freshers Social Meet an hmang
CCPUR: Churachandpur Govt. College chun zani 11:00AM khan an college campus-a Multipurpose hall-ah 50th Freshers Social Meet, 2014 an hmang. Hi huna hin Ricky Vanlallawm, Principal, CCPur Govt. College khuollienin a ṭhang a, functional President in Pu L. Ruoivel Pangamte, Vice Principal, CCPur College a ṭhang. Students han item chi tum tum inentirna an nei.
Electric Prepaid chungthu an rel ding
CCPUR: Vawisun 11:00AM hin Mr P.K. Jha, IAS, DC, CCPur inrawinain Manipur State Power Distribution Company Limited; Electricity Dept., CCPur han joint meeting nei an ta, CCPur khawpui sunga New Lamka Feeder-I fethelnga electric prepaid system hmang dan ding chungthu hriltlangin rel an tih. Prepaid system a ding hin meter boxes 1325 a hungtlung ta a, hi thila hmang ding inchaa um AB Cable 95mm sq, 70mm sq. le 50mm sq. hai chu lampuiah an la thang mek.
CCC in inhriettirna an siem nawn
CCPUR: Churachandpur Consumers’ Club chun CCPur khawpui sunga dawrneituhai, hotels/ restaurants le thil chi tum tum zawrtuhai chu signboard with trade licence tar seng ding le pricelist board siema upto- date price-rates pholang ding, food safety licence/certificate nei seng dingin inhriettirna a siem nawn nawk. Sam mettu (barber) hai chu hmangruo fai le thienghlim (sterilised tools) chau hmang ding; LPG Agencies hai chu buk tling lo semlo ding le Oil agemcies hai chu thau thienghlim lo zawr lo ding dingin an inhriettir.
Ni 2-3 hnunga a pek thei ding
CCPUR: Technical thila harsatna a um leiin UBI, CCPur Branch hnuoia Bungmual le New Lamka Business Corespondents han tar pension sum a pek thei naw a, ni 2-3 hnungah hung pe thei tang a tih tiin Chief Manage
AIR, CCPur stn. Prog.
CCPUR: Vawisuna AIR, CCPur station-a Paite programme a chun Nemmuankim in hla sak a tih. Hmar programe a chun Jehova Sungte le Thanglienṭhuom han hla sak an ta, Joseph Joute in “ Customers Rights” ti thupui hmangin thu hril a tih. Thadou programme a chun Ngailut Lawm le “Jalhang Khantou le Khangthah” ti thupui hmangin H. Doungel in thu hril a tih.
STATE NEWS:
CM in Paddy Bill, 2014 a phar IMPHAL: Manipur CM O.Ibobi Singh chun zanikhan The Manipur Conservation of Paddy Bill, 2014 a phar. Hi bill hi bu chingna hmun venghimna ding Bill a nih. Hi baka hin CM chun Shri Govindaji Temple (Third Amendment) Bill, 2014 zanikhan Assembly-ah a phar bawk a, sienkhawm hieng bill pahni hai hi pass a la ni nawh.(UNA)
Tamenglong District in Electric
IMPHAL: Tamenglong District in hun sawt takel electric hmu lova an um hnungin zani hmasaa inthawk khan electric an hmu sunzawm nawk tah niin ei thu dawngna chun a hril.
Police chetna-ah students 30 an hliem
IMPHAL: Manipur-ah Inner Line Permit System (ILPS) hmang nawk ni raw seh tia ngennaa Manipur Assembly Session neia um lai va khek khum tuma fe CC Higher Secondary School, IMA le Pioneer Academy Students 500 vel hai chu Minuthong-ah Police han an lo dang a, student-hai hin fe thleng an tum leiin Police han Lathi Charge an thaw bakah Mock bomb le tear Gas an kap khum leiin students 30 an hliem a, Pravin of Keisampat chu a luah a hliem inrik leiin Hospital panpui a nih. ILPS Manipur ah hmang nawk a ni hmakhat School khar ning a tih tiin Students ṭhuoitu han an hril.
MTSA-M in CS kuoma Memorandum
IMPHAL: Manipur Tribal Student’s Association, Mumbai (MTSA-M) chun zanikhan Manipur Chief Secretary cum Vigilance Commissioner P.C. Lawmkunga, IAS kuoma Memorandum an pek a, Central scheme hnuoia ST student Class IX & X hai hai ‘pre-metric scholarship scholarship pekdawk a ninaw chungthuah kut rawl le thil umdan suizui dingin an ngen.(UNA)
Tax an pek zova motor intlasuok ding
IMPHAL: Transport Societies, Tiddim Road in Transport Department an intumna hi an dik nawh. Tata Wingers 6, MN01W8917, MN01S4139, MN04A-8816, MN01W-9759, MN01W- 1212 le MN05C-0913 hai enfel an ni hnungah documents an neinaw leiin hrentang an ni a, Motor Vehicle Act dungzuiin Compound fee le Tax an pek zova intlasuok ning an tih. Chun, Bus pahni, MN02/5406 in 1-1-2012 a inthawk le MN02/5406 in 1-4-2006 a inthawk tax an pek naw leia hrentang an nih. Bus MN02/5406 in tax a bat chu Rs. 23,010 le Bus MN05/0635 in tax a bat chu Rs. 5740 a nih. Tax an bat hi an pektlak pha insuo ning an tih. Tiddim Road a hieng motor-hai service lova an um hi umzie bo a nih tiin All Manipur Transport Department Employees Union chun zanikhan thusuok an siem.
Hun tiemchin um lo Economic Blockade
IMPHAL: Police Su-Inspector/ Jemadar dinga lak hai Appointment Order July 25, 2014 chena State sawrkarin a pek naw chun July 25, 2014 a inthawk hun tiemchin um lovin National Highway haiah economic Blockade or Strike a min thawluitir el thei tiin K. Tungunung, Spokesperson, Selected SI/Jemadar, 2010 chun a hril.(UNA)
Manipur Assembly-ah hril a hlaw
IMPHAL: Shaloni Akha (29) of Tungjoy, Senapati District Delhi-a that a nina thuin zanikhan Manipur Assembly- ah hril a hlaw nasa hle. Hi thua hin State sawrkar le sawrkar thlungpui chu an inbiekpaw ran a, Delhi Police han nasa takin hma an lak a, hi tuol thina le inzawm hin mi 3 man an ni tah tiin zanikhan Dy. CM Gaikhangam chun Manipur Assembly an hriettir.
February, 2015 ah zo fel a ni ding
IMPHAL: LJP MLA, Th. Shyamkumar indawnna dawnin CM O.Ibobi Singh chun, Loktak Dil inthielfaina sin chu February, 2015 ah zofel ning a tih. Loktak Dil inthielfaina ding hin sawrkar thlungpuiin Rs. 224.39 crore a sangsawn a, tuchen hin Rs. 180.33 crore hmangzo a ni tah. Loktak Dil inthielfaina sin hi B.S. Construction Company Private Limited in an thaw a nih tiin zanikhan Manipur Assembly-ah a hril.
NATIONAL NEWS
Supreme Court Judges thar 4
NEW DELHI: Union Law Ministry chun Supreme Court Judges thar 4 lak dingin thil ṭulhai a sukfel zo ta a, President in remtipuina suoi a thaw zo pha leh appointment pek ning a tih. Supreme Court Judges thar 4 lak dinghai chu, Senior Advocate Uday Umesh Lalit, Meghalaya High Court Chief Justice Prafulla Chandra Pant, Gauhati High Court Chief Justice Abhay Manohar Sapre le Jharkhand High Court Chief Justice R. Banumathi hai an nih.
Mi 3 Methamphetamine mum 10,000 leh
AIZAWL: July 20, 2014 zantieng dar 4:30 vel khan Vaivakawn, Rangvamual Road-ah mi 3 Methamphetamine mum 10,000 leh Excise & Narcotics Department thawktu han an phurna Car leh an man a, July 21, 2014 ni khan Central Jail, Aizawlah sielut an nih. Chun, July 19, 2014 zana Pseudoephedrine mum 8,67,000 le man Thansanga s/o Hauva (Hauva & Sons), Dawrpui khawm July 21, 2014 khan Central Jail, Aizawlah sielut a ni tah.
Chemte a mi vautu man a nih
AIZAWL: July 21, 2014 zing dar 10:30 vel khan Mizoram University hnuoia Tanhril ram, Sihpui ruoma lo ṭua um lai Huiliani of Zonuam Chemte hmanga vautu Lalhmachhuana (45) s/o (L) Sangnawna, Ropaiabawk, Chawlhmun chu Zonuam Police han an man a, thubuoi siem khum a nih.
Rel-a nuhmei an sawisak leiin Sipai 3 man
PATNA: Mahananda Express Rel-a chuong nuhmei pakhat sex thila an sawisak le sukrinum leiin zanikhan Government Railway Police (GRP) han Gorkha Regiment pathum hai chu an man. Sawisaka um nuhmei hi Mahananda Express Rel Third AC coach-a a sung hai le Delhi-a inthawk Siliguri (West Bengal) pana hung chuong an nih. Mana um hai chu- Pradip Thapa, S.K. Gurung le Deep Chandra Rai hai an ni a, Gorkha Regiment- a um le Srinagar-a posting an nih tiin GRP official thusuok chun a hril.
LPG Cylinder puok leiin mi 4 an thi
SRINAGAR: Zani zingkar inhma tak khan Jammu & Kashmir a Ganderbal District sunga Amarnath Yatra neina Baltal Base camp a thlaisuongnain sunga LPG cylinder puokdar leiin mi 4 an thi. Thlaisuongna-in hin Shiv Shakti Langar khawm a kang a, mi 2 meiin a kang hliem bawk. Thlaisuongtu han zani zing dar 4 vel khan thlai an suong ṭan a, chu taka LPG cylinder hi a hung puok a nih. Yatra a fe le ṭhang hi mi nuoi 3vel an nih.
JE natna leiin WB-ah mi 60 an thi tah
KOLKATA: July 7-21, 2014 inkar sung khan West Bengal state a North Bengal Medical College, Jalpaiguriah Japanese Encephalitis (JE) natna hri leia mi thi chu 60 an tling tah tiin Iswarranjan Satpathy, Director, State Health Services chun a hril. Assam State a khawm JE natna hri leia thi mi 52 an tling tah.
Kum 2013 sungin TB leiin mi 2.1 lakh thi
NEW DELHI: Kum 2013 sung khan India rama chun TB natna leiin mi 2.1 lakh an thi. TB natna invawi umzat chu vaibelsie 6 vel nia riruong a nih. HIV/ AIDS leiin hi kum hin mi 78,600 an thi a, hienghai laia 50,000 hai chu pasal an ni a, hi natna invawi thar mi 31,000 hmusuok thar an nih tiin Lancet Journal, Institute for Health Metric Evaluation (IHME), University of Washington in an suo chun a zieklang.
PB Acharya in Tripura Governor
AGARTALA: Nagaland Governor, P.B. Acharya chun July 22, 2014 a inthawk khan Tripura Governor sin a chelsa ṭan. P.B. Acharya hin Raj Bhavan, Agartala hmuna Tripura High Court Chief Justice Deepak Gupta hmaah sesamna a nei. Hi hunsera hin Tripura CM Manik Sarkar, Cabinet Ministers, Party tum tum ṭhuoituhai, Police, Army le Civil tienga officer lien hai an ṭhang tawl.
Congress MLAs 3 in TMC an zawm
KOLKATA: West Bengal a Congress MLAs 3, Asit Mal, Umapada Bauri le Golam Robbai hai chun an umna Congress Party suoksanin Trinamool Congress (TMC) an zawm. Chun, CPI(M) MLA pakhat Chhaya Dauli khawmin zani hmasa khan an party suoksanin TMC a zawm. West Bengal CM Mamata Banerjee chun BJP hming sam lovin Communal politics in hmun nei naw nih tia a hril bakah petrol le diesel man sukpungna thuah BJP ṭhuoina le Narendra Modi PM nina hnuoia NDA sawrkar chu a sawisel.
Rangkachak kg. 6 leh man
CHENNAI: July 21, 2014 zana Tiger Airways Flight Singapore a inthawka Chennai hungtlung Fairose Khan bag Chennai Customs a Air Intelligence Unit han an dapnaah rangkachak kg. 6 an dapdawk a, Khan hi rangkachak leh an man. Rangkachak mana um hi Indian market a chun Rs. 2 crore manhu vel a nih tiin Customs han an hril. Singapore rangkachak nekin Dubai rangkachak a ṭha lem dai niin Customs han an hril bawk.
14th Commonwealth Games Glasgow-ah
GLASGOW: 14th Commonwealth Games chu vawisun hin Glasgow khawpui, Scotland ah ṭan ning a tih. Commonwealth Games a hin Commonwealth rambung 70 a inthawka inkhelmihai ṭhang an tih. Commonwealth Games nuhnung tak chu kum 2010 khan New Delhi-ah nei a nih.
Designer Troy Costa PM in a ruoi
NEW DELHI: Prime Minister Narendra Modi chun ramdang (foreign) a an zin changa a kekawr le zakuo bun le hak dinghai bakah an chei dan ding design pektu dingin Mumbai a Fashion Designer Troy Costa a ruoi. Modi hi September thla khin US ah inzin a ta, US President, Barack Obama inpawlpui a ta, UN General Assembly ah thu hril a tih. Hi huna hin Troy Costa design pek thuomhnaw hai an bel ding a nih. A hmaa Modi thuomhnaw design pektu le siem pektu chu Ahmedabad- a um Jade Blue a nih.
India Ngamantu 38 man an nih
THALAIMANAR: Zani hmasa zan khan Sri Lanka Navy han India Ngamantu 38 hai chu dan kala Sri Lanka tuipuia Nga an man tia intumin an man. Mana um hai hi zanikhan Thalaimanar a Fisheries Department kuta Sri Lanka Navy han an inhlan. Ngamanna Lawng hai ruok chu Sri Lanka Navy han an la kawl.
Medical test nghaknain darkar 3 saruokin
MYSORE: Nuhmei kum 23 mi, thluok buoi chu suolluiin a um a, Mysore a Cheluvamba Government Hospital- ah medical test thaw dinga ṭhuoi a ni a, medical test ding hi hospital sungah darkar 3 zet saruokin a nghak niin a sung han an hril. Hi thua hin Doctor-hai chu hrilfiena pe dingin Nanjula Manasa, Chairperson, Karnataka State Women’s Commission chun DC Office, Mysore pindanah zanikhan a ko. Doctor-hai chu hiengang thil hi thaw nawk ta ngai lo dingin Manjula Mansa chun a zil tawl.
Director le Principal man an nih
NEW DELHI: Andhra Pradesh a East Godavari District sunga Thimmapuram hmuna Greenfield Residential School for Blind a Director le Principal han mitdel studenthai taiting hmawl hmanga nunrawng taka an vuok leiin July 20, 2014 khan Police han an man. Hi thil hi July 16, 2014 nia tlung a ni a, Students nu le pa han Police ah report an pek leia hi School Director le Principal hai hi man an nih.
Odisha-ah tuilien
BHUBANESWAR: Odisha- a Jajpur District-a Baitarani vadung tui lien leiin zanikhan hi vadung bul hnai vela cheng mi 10,000 vel hai chu hmun himna hmuna insawntir an nih. Hieng laizing hin Bhadrak district-a Sathi Bankuda vadung tuilien leiin mi sang iemanizat hai chu hmun himna hmuna insawndawk tir an ni bawk. Tuilien hin motor-a infepawna lampui hai a chim leiin nundan pangngai nasa takin a sukbuoi pha. Tuilienin a sukbuoina deu hai chu Jajpur, Keonjhar, Kalahandi le Bhadrak district hai an nih tiin official thusuok chun a hril.
Telangana brand Ambassador in Sania
HYDERABAD: Telangana State sawrkar chun Indian nuhmei Tennis star Sania Mirza chu Telangana ‘Brand Ambassador’ dingin a ruot. Zanita Telangana Chief Minister, K. Chandrasekhar Rao in Hyderabad a Industrialist- hai an pawlpuina huna Telangana Brand Ambassador dinga ruot a nina Appointment letter le Rs. 1 crore cheque Sania Mirza (27) kuoma an hlan. Sania Mirza hi International Tennis ranking pangana ni mek a ni a, pakhatna a hung kai ding ditsakna thu an hlak bakah Hyderabad mi indik tak a ni a, Sania chu a suong em em a nih tiin Telangana CM Mr Rao chun a hril.
Ukraine Rebels han MH17 Black Boxes Malaysia kutah
DONETSK: July 17, 2014 nia Malaysia Airlines vuongna MH17 tuoksiet tuoka Ukraine ram sunga tla thla Black Boxes chu Pro-Russian rebels (helpawl) han Malaysia sawrkar kuta an inhlan. Black Boxes pahni hai hi self-proclaimed peoples republic of Donetsk, Alexandr Borodai in zani hmasaa Malaysian authority hai kuta an hlan a nih. MH17 vuongna hi Amsterdam a inthawk Kuala Lumpur pana hung vuong a ni a, Ukraine ram sunga Donetska region-a tla thla niin a sunga chuong passengers 283 le vuongnaa thawktu mi 15 hai chu an thi vawng a nih.
EDITORIAL
Dan hmanga rorelna
Khawvel thiemna le varna hung insang peia hin dan hrietna tienga hartharna a hung tlung nasa hle ta niin an lang. Tuta hmaa mani indikna le hamṭhatna sirde pek ei ni chang khawma mania sepui ruo tuora tuor el hlak hai khan, tuhin chu mani indikna kheldawk a, suolsuokna ding hmun indik tak Court hmaah suolsuok ngei nuomna lungril ei hung put ṭan ta a. Hi thil hi ei hmasawnna chi khat lien tak pakhat a tling. Amiruokchu, mitinin dan ei hriet dan hi a la famkim nawin a la pawnlang hle. Ei ram ṭhuoitu le mithiem tam tak nia ngaihai khawmin dan kalphung, Jurisprudence le Indian Legal System kal rawk khawpa chet chang le ṭawngbau saksuok chang an la nei rawp el. Chuleiin, hmasawnna famkim a hung um theina dingin dan kalphung le a umzie bakah dan hmanga rorelna annawleh Dan inlalna (Rule of law) kalphung indik tak hi ei inchuk le ei inhril hriet nasat a ngai
takzet niin an lang.
Ei ram danpui hin Rule of Law thuthlung hi nasa taka zawmin innghatna bulpui tak khawmin a nei a nih. Ei Constitution thuhma (Premable) a khawm namnghetna sei taka ziek le inzam a nih. A bik takin ei ram danpui a Part-III an ti el, khuo le tuihai indikna chanvo tarlangna Fundamental Rights a lem chun Rule of Law hmu ding a um a. Article 13(A) ah India ram sungah hi dan hmang a ni hma a hmang ang chi, hi dan, hi taka ṭhe hlawm a mi le inkal le inmilnawna a um a ni chun, chuong inkal le inmilnaw um chu iengmalo (void) a nih tina a nih. Zohnathlak han ei ram le ei hnam ei hmangai takzet a, hnam dang hai hne a, ruolkhum sienla ei ti chun a pawimaw taka ei ngai ding chu sawrkar ṭha (Good Governance) a nih. Chu umtheina dinga thawmakmaw chu dan hnuoia felfai taka rorelna “Rule of Law” hi a nih. Ei ram, India hi khawvela Law and Order bawsietna ram langsar zuolhailaia hrilkai a nih. Ei state Manipur a khawm Law & Order bawsietna hi a tam hle. Chun, Rule of Law hi an dik taka hmang nisienla chu suol chi tum tum thawhai hi dan anga hrem ning an ta, suol thaw nuom khawm an hung tlawm deu el thei. Khawvela mihriema hung pieng taphawt chun mihriem ei nina anga indikna (birth right) ei nei vawng.
Hi indikna, khuoin a hung rel, mihriem niphungin a mi pek hi ieng dan sirsan khawma suktawp thei a ni nawh. Hieng sa khawm hin ei nitin nunah le ei khawtlang le ram inrelbawlna hrim hrimah dan palzutna hmu ding a tamhle hlak. Ei indikna chanvo khawm hmang thei lova khuopde ei ni chang a um rawp, thil pawi takel a nih. Ei ram ṭhuoituhai chu hril lo, khawtlang ṭhuoitu, Kohran ṭhuoitu, tlawmngai pawl ṭhuoitu le NGO ṭhuoituhai lai khawm thuneina hmang suol ching, dan hnuoia leng an nih ti in theinghil ṭhak khawpa che le ṭawngsuok, thuneina hmang firfiek ching; chun, mi thilthawthei le hrat nia inngai leia dan pawisa naw lui le dan hnuoia leng an ni theinghil lui ṭhak khawpa khawtlang le mimal chunga lalna hrawt ching hmu le hril ding an hung um zeu zeu nawk hlak.
Hiengang hi ei ngirhmun a ni leiin mitin el hin ei indikna chanvo ei hriet a, ei mawphurna ei ngaipawimaw hi a ṭul em em a nih. Sawrkar le NGO ṭhuoituhai khawmin dan an ngaipawimaw a, an inza thiem deu deu a ṭul hle a nih. Hi kawnga hin hmalatu tak ding chu Judicial Bench hai an ni a, Judiciary sin tak chu dan venghim a ni leiin law & order kengkawna kawngah hin a na a sit ngun deu a ngai a nih.
Greek Philosopher Aristotle chun, “Democracy hmang suol hi khawvela thil pawi le ṭium tak a nih” tiin kum zabi 20 liemta a khan a lo hril ta a nih. Tuta hnunga hang ngaituo let hin a lo hril indikzie an lang rawp hlak. Democracy hi tulai khawvela hin ram inrelbawlna dinga thil ṭha tak anga ngai a ni lai mek hin hmangsuol le hmang indiklo a tam em em a. Ramin a tuor pei chu a ni hi! Rule of Law aia Mob Rule ei chawisang sung hin chu iengtikkhawm rorelna ṭha “Good Governance” nei ngai nawng ei tih. Rule of Law hi sawrkar le mipui khawmin ngaipawaimaw seng ei tiu.
Youth Club Award sum Rs. 25,000 a nita ding
CCPUR: Zanikhan BRGF Resource Centre, DC Office, CCPur-ah Mr P.K. Jha, IAS, DC/ Chairman, DAYCP inrawinain District Advisory Committee on Youth Programme (DAYCP) meeting 2014-15 nei a nih. Hi huna hin kum 2014 a inthawk Outstanding Youth Club Award chu Rs. 25,000/- ni ta dingin an rel. A hma chun Youth Club Award hi Rs. 15,000/- a nih. August 15, 2014-a India Independence Day hmang huna NYK Volunteers hai chu parade-a ṭhang dingin DC chun an hriettir bakah Independence Day hmain District Health Society, Rural Aid Service (RAS)/NSS le NYK hai chu ṭhangruola Blood Donation camp huoihawt dingin an hriettir. NYK Programme a hlawtling theina dingin link department le department tum tum hai chu NYK hmalakna thlawp dingin DC chun a ngen bakah NYK programme hai chu higher authority in approve an thaw dungzuia sin thaw dingin DC chun a ngen bawk.
6 ah Polytechnic, District 5 ah B.Ed. College, Blocks 6 ah Training Schools; D.M. College University a hlangkai ning a tih- M. Okendro Singh
IMPHAL: Zanita Manipur Assembly a Education Department sum hmang ding Inpuia hriltlang a ni huna Education Minister M. Okendro Singh in thu a hrilnaa chun, State sawrkarin Manipur State a Districts 6 haiah Government Polytechnic hawng ding, Districts 5 haiah B.Ed. College indin ding, Blocks 6 haiah Training School hawng a tum thu le D.M. College chu State University a hlangkai ning a ta, hi thil hin Private University hawng a hung sukawlsam pha ding a nih tiin a hril. Education Department sum hmang dingin Rs. 1062,73,97,000 an passed. Selkaltu Pawl MLA, Dr Ibohalbi, Th. Shyamkumar, Kh. Joykishan le Th. Bishwajit han SSA, RMSA le Education tienga State sawrkara hmalakna hai po po a hlawsam let der vawng a nih tiin hnesaw takin Inpuiah an hrillang. CM O.Ibobi Singh in Selkaltu memberhai indawnna a dawnletna hai chun Selkaltu Pawl member- hai a suklungawi hnenaw hle. CM chun Ministry of Human Resource Development kuomah Utilization Certificate a pek thei naw a, sienkhawm hi thil hin Central a inthawka Fund hung ding a cancelled pha ring a um nawh tiin a hril. Education Department in harsatna chi tum tum a tuok a, chuonghai chun lo thei lovin SSA le RMSA a Guidelines hai siemṭhat (modify) a sukṭul pha a nih tiin CM chun a hril. Manipur Assembly chun zanikhan Demands 6 an passed a, chuonghai chu- Education, Information & Public Relation, Agriculture, Election, Fisheries le State Academy of Training hai an nih.
LOCAL NEWS:
Hospital dedicated line Aug. 2 a zo tum
CCPUR: Manipur CM O.Ibobi Singh in July 19, 2014 nia District Hospital Eastern Block building bawlzo thar a hawngna programme- a thu a hrilna hunah, District Hospital CCPur in 24 hours electric power a hmu theina dinga dedicated line siema um mek chu ni 1/2 hnunga zo fel a nita ding thu hril sienkhawm hi dedicated line-a hmang ding hmangruo hai chu lampuiah an la thang mek niin ei thu dawngna chun a hril. Dedicated electric line hi August 2, 2014 chena siem zo dingin Department chun hma an lak niin ei thu dawngna chun a hril.
Freshers Social Meet an hmang
CCPUR: Churachandpur Govt. College chun zani 11:00AM khan an college campus-a Multipurpose hall-ah 50th Freshers Social Meet, 2014 an hmang. Hi huna hin Ricky Vanlallawm, Principal, CCPur Govt. College khuollienin a ṭhang a, functional President in Pu L. Ruoivel Pangamte, Vice Principal, CCPur College a ṭhang. Students han item chi tum tum inentirna an nei.
Electric Prepaid chungthu an rel ding
CCPUR: Vawisun 11:00AM hin Mr P.K. Jha, IAS, DC, CCPur inrawinain Manipur State Power Distribution Company Limited; Electricity Dept., CCPur han joint meeting nei an ta, CCPur khawpui sunga New Lamka Feeder-I fethelnga electric prepaid system hmang dan ding chungthu hriltlangin rel an tih. Prepaid system a ding hin meter boxes 1325 a hungtlung ta a, hi thila hmang ding inchaa um AB Cable 95mm sq, 70mm sq. le 50mm sq. hai chu lampuiah an la thang mek.
CCC in inhriettirna an siem nawn
CCPUR: Churachandpur Consumers’ Club chun CCPur khawpui sunga dawrneituhai, hotels/ restaurants le thil chi tum tum zawrtuhai chu signboard with trade licence tar seng ding le pricelist board siema upto- date price-rates pholang ding, food safety licence/certificate nei seng dingin inhriettirna a siem nawn nawk. Sam mettu (barber) hai chu hmangruo fai le thienghlim (sterilised tools) chau hmang ding; LPG Agencies hai chu buk tling lo semlo ding le Oil agemcies hai chu thau thienghlim lo zawr lo ding dingin an inhriettir.
Ni 2-3 hnunga a pek thei ding
CCPUR: Technical thila harsatna a um leiin UBI, CCPur Branch hnuoia Bungmual le New Lamka Business Corespondents han tar pension sum a pek thei naw a, ni 2-3 hnungah hung pe thei tang a tih tiin Chief Manage
AIR, CCPur stn. Prog.
CCPUR: Vawisuna AIR, CCPur station-a Paite programme a chun Nemmuankim in hla sak a tih. Hmar programe a chun Jehova Sungte le Thanglienṭhuom han hla sak an ta, Joseph Joute in “ Customers Rights” ti thupui hmangin thu hril a tih. Thadou programme a chun Ngailut Lawm le “Jalhang Khantou le Khangthah” ti thupui hmangin H. Doungel in thu hril a tih.
STATE NEWS:
CM in Paddy Bill, 2014 a phar IMPHAL: Manipur CM O.Ibobi Singh chun zanikhan The Manipur Conservation of Paddy Bill, 2014 a phar. Hi bill hi bu chingna hmun venghimna ding Bill a nih. Hi baka hin CM chun Shri Govindaji Temple (Third Amendment) Bill, 2014 zanikhan Assembly-ah a phar bawk a, sienkhawm hieng bill pahni hai hi pass a la ni nawh.(UNA)
Tamenglong District in Electric
IMPHAL: Tamenglong District in hun sawt takel electric hmu lova an um hnungin zani hmasaa inthawk khan electric an hmu sunzawm nawk tah niin ei thu dawngna chun a hril.
Police chetna-ah students 30 an hliem
IMPHAL: Manipur-ah Inner Line Permit System (ILPS) hmang nawk ni raw seh tia ngennaa Manipur Assembly Session neia um lai va khek khum tuma fe CC Higher Secondary School, IMA le Pioneer Academy Students 500 vel hai chu Minuthong-ah Police han an lo dang a, student-hai hin fe thleng an tum leiin Police han Lathi Charge an thaw bakah Mock bomb le tear Gas an kap khum leiin students 30 an hliem a, Pravin of Keisampat chu a luah a hliem inrik leiin Hospital panpui a nih. ILPS Manipur ah hmang nawk a ni hmakhat School khar ning a tih tiin Students ṭhuoitu han an hril.
MTSA-M in CS kuoma Memorandum
IMPHAL: Manipur Tribal Student’s Association, Mumbai (MTSA-M) chun zanikhan Manipur Chief Secretary cum Vigilance Commissioner P.C. Lawmkunga, IAS kuoma Memorandum an pek a, Central scheme hnuoia ST student Class IX & X hai hai ‘pre-metric scholarship scholarship pekdawk a ninaw chungthuah kut rawl le thil umdan suizui dingin an ngen.(UNA)
Tax an pek zova motor intlasuok ding
IMPHAL: Transport Societies, Tiddim Road in Transport Department an intumna hi an dik nawh. Tata Wingers 6, MN01W8917, MN01S4139, MN04A-8816, MN01W-9759, MN01W- 1212 le MN05C-0913 hai enfel an ni hnungah documents an neinaw leiin hrentang an ni a, Motor Vehicle Act dungzuiin Compound fee le Tax an pek zova intlasuok ning an tih. Chun, Bus pahni, MN02/5406 in 1-1-2012 a inthawk le MN02/5406 in 1-4-2006 a inthawk tax an pek naw leia hrentang an nih. Bus MN02/5406 in tax a bat chu Rs. 23,010 le Bus MN05/0635 in tax a bat chu Rs. 5740 a nih. Tax an bat hi an pektlak pha insuo ning an tih. Tiddim Road a hieng motor-hai service lova an um hi umzie bo a nih tiin All Manipur Transport Department Employees Union chun zanikhan thusuok an siem.
Hun tiemchin um lo Economic Blockade
IMPHAL: Police Su-Inspector/ Jemadar dinga lak hai Appointment Order July 25, 2014 chena State sawrkarin a pek naw chun July 25, 2014 a inthawk hun tiemchin um lovin National Highway haiah economic Blockade or Strike a min thawluitir el thei tiin K. Tungunung, Spokesperson, Selected SI/Jemadar, 2010 chun a hril.(UNA)
Manipur Assembly-ah hril a hlaw
IMPHAL: Shaloni Akha (29) of Tungjoy, Senapati District Delhi-a that a nina thuin zanikhan Manipur Assembly- ah hril a hlaw nasa hle. Hi thua hin State sawrkar le sawrkar thlungpui chu an inbiekpaw ran a, Delhi Police han nasa takin hma an lak a, hi tuol thina le inzawm hin mi 3 man an ni tah tiin zanikhan Dy. CM Gaikhangam chun Manipur Assembly an hriettir.
February, 2015 ah zo fel a ni ding
IMPHAL: LJP MLA, Th. Shyamkumar indawnna dawnin CM O.Ibobi Singh chun, Loktak Dil inthielfaina sin chu February, 2015 ah zofel ning a tih. Loktak Dil inthielfaina ding hin sawrkar thlungpuiin Rs. 224.39 crore a sangsawn a, tuchen hin Rs. 180.33 crore hmangzo a ni tah. Loktak Dil inthielfaina sin hi B.S. Construction Company Private Limited in an thaw a nih tiin zanikhan Manipur Assembly-ah a hril.
NATIONAL NEWS
Supreme Court Judges thar 4
NEW DELHI: Union Law Ministry chun Supreme Court Judges thar 4 lak dingin thil ṭulhai a sukfel zo ta a, President in remtipuina suoi a thaw zo pha leh appointment pek ning a tih. Supreme Court Judges thar 4 lak dinghai chu, Senior Advocate Uday Umesh Lalit, Meghalaya High Court Chief Justice Prafulla Chandra Pant, Gauhati High Court Chief Justice Abhay Manohar Sapre le Jharkhand High Court Chief Justice R. Banumathi hai an nih.
Mi 3 Methamphetamine mum 10,000 leh
AIZAWL: July 20, 2014 zantieng dar 4:30 vel khan Vaivakawn, Rangvamual Road-ah mi 3 Methamphetamine mum 10,000 leh Excise & Narcotics Department thawktu han an phurna Car leh an man a, July 21, 2014 ni khan Central Jail, Aizawlah sielut an nih. Chun, July 19, 2014 zana Pseudoephedrine mum 8,67,000 le man Thansanga s/o Hauva (Hauva & Sons), Dawrpui khawm July 21, 2014 khan Central Jail, Aizawlah sielut a ni tah.
Chemte a mi vautu man a nih
AIZAWL: July 21, 2014 zing dar 10:30 vel khan Mizoram University hnuoia Tanhril ram, Sihpui ruoma lo ṭua um lai Huiliani of Zonuam Chemte hmanga vautu Lalhmachhuana (45) s/o (L) Sangnawna, Ropaiabawk, Chawlhmun chu Zonuam Police han an man a, thubuoi siem khum a nih.
Rel-a nuhmei an sawisak leiin Sipai 3 man
PATNA: Mahananda Express Rel-a chuong nuhmei pakhat sex thila an sawisak le sukrinum leiin zanikhan Government Railway Police (GRP) han Gorkha Regiment pathum hai chu an man. Sawisaka um nuhmei hi Mahananda Express Rel Third AC coach-a a sung hai le Delhi-a inthawk Siliguri (West Bengal) pana hung chuong an nih. Mana um hai chu- Pradip Thapa, S.K. Gurung le Deep Chandra Rai hai an ni a, Gorkha Regiment- a um le Srinagar-a posting an nih tiin GRP official thusuok chun a hril.
LPG Cylinder puok leiin mi 4 an thi
SRINAGAR: Zani zingkar inhma tak khan Jammu & Kashmir a Ganderbal District sunga Amarnath Yatra neina Baltal Base camp a thlaisuongnain sunga LPG cylinder puokdar leiin mi 4 an thi. Thlaisuongna-in hin Shiv Shakti Langar khawm a kang a, mi 2 meiin a kang hliem bawk. Thlaisuongtu han zani zing dar 4 vel khan thlai an suong ṭan a, chu taka LPG cylinder hi a hung puok a nih. Yatra a fe le ṭhang hi mi nuoi 3vel an nih.
JE natna leiin WB-ah mi 60 an thi tah
KOLKATA: July 7-21, 2014 inkar sung khan West Bengal state a North Bengal Medical College, Jalpaiguriah Japanese Encephalitis (JE) natna hri leia mi thi chu 60 an tling tah tiin Iswarranjan Satpathy, Director, State Health Services chun a hril. Assam State a khawm JE natna hri leia thi mi 52 an tling tah.
Kum 2013 sungin TB leiin mi 2.1 lakh thi
NEW DELHI: Kum 2013 sung khan India rama chun TB natna leiin mi 2.1 lakh an thi. TB natna invawi umzat chu vaibelsie 6 vel nia riruong a nih. HIV/ AIDS leiin hi kum hin mi 78,600 an thi a, hienghai laia 50,000 hai chu pasal an ni a, hi natna invawi thar mi 31,000 hmusuok thar an nih tiin Lancet Journal, Institute for Health Metric Evaluation (IHME), University of Washington in an suo chun a zieklang.
PB Acharya in Tripura Governor
AGARTALA: Nagaland Governor, P.B. Acharya chun July 22, 2014 a inthawk khan Tripura Governor sin a chelsa ṭan. P.B. Acharya hin Raj Bhavan, Agartala hmuna Tripura High Court Chief Justice Deepak Gupta hmaah sesamna a nei. Hi hunsera hin Tripura CM Manik Sarkar, Cabinet Ministers, Party tum tum ṭhuoituhai, Police, Army le Civil tienga officer lien hai an ṭhang tawl.
Congress MLAs 3 in TMC an zawm
KOLKATA: West Bengal a Congress MLAs 3, Asit Mal, Umapada Bauri le Golam Robbai hai chun an umna Congress Party suoksanin Trinamool Congress (TMC) an zawm. Chun, CPI(M) MLA pakhat Chhaya Dauli khawmin zani hmasa khan an party suoksanin TMC a zawm. West Bengal CM Mamata Banerjee chun BJP hming sam lovin Communal politics in hmun nei naw nih tia a hril bakah petrol le diesel man sukpungna thuah BJP ṭhuoina le Narendra Modi PM nina hnuoia NDA sawrkar chu a sawisel.
Rangkachak kg. 6 leh man
CHENNAI: July 21, 2014 zana Tiger Airways Flight Singapore a inthawka Chennai hungtlung Fairose Khan bag Chennai Customs a Air Intelligence Unit han an dapnaah rangkachak kg. 6 an dapdawk a, Khan hi rangkachak leh an man. Rangkachak mana um hi Indian market a chun Rs. 2 crore manhu vel a nih tiin Customs han an hril. Singapore rangkachak nekin Dubai rangkachak a ṭha lem dai niin Customs han an hril bawk.
14th Commonwealth Games Glasgow-ah
GLASGOW: 14th Commonwealth Games chu vawisun hin Glasgow khawpui, Scotland ah ṭan ning a tih. Commonwealth Games a hin Commonwealth rambung 70 a inthawka inkhelmihai ṭhang an tih. Commonwealth Games nuhnung tak chu kum 2010 khan New Delhi-ah nei a nih.
Designer Troy Costa PM in a ruoi
NEW DELHI: Prime Minister Narendra Modi chun ramdang (foreign) a an zin changa a kekawr le zakuo bun le hak dinghai bakah an chei dan ding design pektu dingin Mumbai a Fashion Designer Troy Costa a ruoi. Modi hi September thla khin US ah inzin a ta, US President, Barack Obama inpawlpui a ta, UN General Assembly ah thu hril a tih. Hi huna hin Troy Costa design pek thuomhnaw hai an bel ding a nih. A hmaa Modi thuomhnaw design pektu le siem pektu chu Ahmedabad- a um Jade Blue a nih.
India Ngamantu 38 man an nih
THALAIMANAR: Zani hmasa zan khan Sri Lanka Navy han India Ngamantu 38 hai chu dan kala Sri Lanka tuipuia Nga an man tia intumin an man. Mana um hai hi zanikhan Thalaimanar a Fisheries Department kuta Sri Lanka Navy han an inhlan. Ngamanna Lawng hai ruok chu Sri Lanka Navy han an la kawl.
Medical test nghaknain darkar 3 saruokin
MYSORE: Nuhmei kum 23 mi, thluok buoi chu suolluiin a um a, Mysore a Cheluvamba Government Hospital- ah medical test thaw dinga ṭhuoi a ni a, medical test ding hi hospital sungah darkar 3 zet saruokin a nghak niin a sung han an hril. Hi thua hin Doctor-hai chu hrilfiena pe dingin Nanjula Manasa, Chairperson, Karnataka State Women’s Commission chun DC Office, Mysore pindanah zanikhan a ko. Doctor-hai chu hiengang thil hi thaw nawk ta ngai lo dingin Manjula Mansa chun a zil tawl.
Director le Principal man an nih
NEW DELHI: Andhra Pradesh a East Godavari District sunga Thimmapuram hmuna Greenfield Residential School for Blind a Director le Principal han mitdel studenthai taiting hmawl hmanga nunrawng taka an vuok leiin July 20, 2014 khan Police han an man. Hi thil hi July 16, 2014 nia tlung a ni a, Students nu le pa han Police ah report an pek leia hi School Director le Principal hai hi man an nih.
Odisha-ah tuilien
BHUBANESWAR: Odisha- a Jajpur District-a Baitarani vadung tui lien leiin zanikhan hi vadung bul hnai vela cheng mi 10,000 vel hai chu hmun himna hmuna insawntir an nih. Hieng laizing hin Bhadrak district-a Sathi Bankuda vadung tuilien leiin mi sang iemanizat hai chu hmun himna hmuna insawndawk tir an ni bawk. Tuilien hin motor-a infepawna lampui hai a chim leiin nundan pangngai nasa takin a sukbuoi pha. Tuilienin a sukbuoina deu hai chu Jajpur, Keonjhar, Kalahandi le Bhadrak district hai an nih tiin official thusuok chun a hril.
Telangana brand Ambassador in Sania
HYDERABAD: Telangana State sawrkar chun Indian nuhmei Tennis star Sania Mirza chu Telangana ‘Brand Ambassador’ dingin a ruot. Zanita Telangana Chief Minister, K. Chandrasekhar Rao in Hyderabad a Industrialist- hai an pawlpuina huna Telangana Brand Ambassador dinga ruot a nina Appointment letter le Rs. 1 crore cheque Sania Mirza (27) kuoma an hlan. Sania Mirza hi International Tennis ranking pangana ni mek a ni a, pakhatna a hung kai ding ditsakna thu an hlak bakah Hyderabad mi indik tak a ni a, Sania chu a suong em em a nih tiin Telangana CM Mr Rao chun a hril.
Ukraine Rebels han MH17 Black Boxes Malaysia kutah
DONETSK: July 17, 2014 nia Malaysia Airlines vuongna MH17 tuoksiet tuoka Ukraine ram sunga tla thla Black Boxes chu Pro-Russian rebels (helpawl) han Malaysia sawrkar kuta an inhlan. Black Boxes pahni hai hi self-proclaimed peoples republic of Donetsk, Alexandr Borodai in zani hmasaa Malaysian authority hai kuta an hlan a nih. MH17 vuongna hi Amsterdam a inthawk Kuala Lumpur pana hung vuong a ni a, Ukraine ram sunga Donetska region-a tla thla niin a sunga chuong passengers 283 le vuongnaa thawktu mi 15 hai chu an thi vawng a nih.
EDITORIAL
Dan hmanga rorelna
Khawvel thiemna le varna hung insang peia hin dan hrietna tienga hartharna a hung tlung nasa hle ta niin an lang. Tuta hmaa mani indikna le hamṭhatna sirde pek ei ni chang khawma mania sepui ruo tuora tuor el hlak hai khan, tuhin chu mani indikna kheldawk a, suolsuokna ding hmun indik tak Court hmaah suolsuok ngei nuomna lungril ei hung put ṭan ta a. Hi thil hi ei hmasawnna chi khat lien tak pakhat a tling. Amiruokchu, mitinin dan ei hriet dan hi a la famkim nawin a la pawnlang hle. Ei ram ṭhuoitu le mithiem tam tak nia ngaihai khawmin dan kalphung, Jurisprudence le Indian Legal System kal rawk khawpa chet chang le ṭawngbau saksuok chang an la nei rawp el. Chuleiin, hmasawnna famkim a hung um theina dingin dan kalphung le a umzie bakah dan hmanga rorelna annawleh Dan inlalna (Rule of law) kalphung indik tak hi ei inchuk le ei inhril hriet nasat a ngai
takzet niin an lang.
Ei ram danpui hin Rule of Law thuthlung hi nasa taka zawmin innghatna bulpui tak khawmin a nei a nih. Ei Constitution thuhma (Premable) a khawm namnghetna sei taka ziek le inzam a nih. A bik takin ei ram danpui a Part-III an ti el, khuo le tuihai indikna chanvo tarlangna Fundamental Rights a lem chun Rule of Law hmu ding a um a. Article 13(A) ah India ram sungah hi dan hmang a ni hma a hmang ang chi, hi dan, hi taka ṭhe hlawm a mi le inkal le inmilnawna a um a ni chun, chuong inkal le inmilnaw um chu iengmalo (void) a nih tina a nih. Zohnathlak han ei ram le ei hnam ei hmangai takzet a, hnam dang hai hne a, ruolkhum sienla ei ti chun a pawimaw taka ei ngai ding chu sawrkar ṭha (Good Governance) a nih. Chu umtheina dinga thawmakmaw chu dan hnuoia felfai taka rorelna “Rule of Law” hi a nih. Ei ram, India hi khawvela Law and Order bawsietna ram langsar zuolhailaia hrilkai a nih. Ei state Manipur a khawm Law & Order bawsietna hi a tam hle. Chun, Rule of Law hi an dik taka hmang nisienla chu suol chi tum tum thawhai hi dan anga hrem ning an ta, suol thaw nuom khawm an hung tlawm deu el thei. Khawvela mihriema hung pieng taphawt chun mihriem ei nina anga indikna (birth right) ei nei vawng.
Hi indikna, khuoin a hung rel, mihriem niphungin a mi pek hi ieng dan sirsan khawma suktawp thei a ni nawh. Hieng sa khawm hin ei nitin nunah le ei khawtlang le ram inrelbawlna hrim hrimah dan palzutna hmu ding a tamhle hlak. Ei indikna chanvo khawm hmang thei lova khuopde ei ni chang a um rawp, thil pawi takel a nih. Ei ram ṭhuoituhai chu hril lo, khawtlang ṭhuoitu, Kohran ṭhuoitu, tlawmngai pawl ṭhuoitu le NGO ṭhuoituhai lai khawm thuneina hmang suol ching, dan hnuoia leng an nih ti in theinghil ṭhak khawpa che le ṭawngsuok, thuneina hmang firfiek ching; chun, mi thilthawthei le hrat nia inngai leia dan pawisa naw lui le dan hnuoia leng an ni theinghil lui ṭhak khawpa khawtlang le mimal chunga lalna hrawt ching hmu le hril ding an hung um zeu zeu nawk hlak.
Hiengang hi ei ngirhmun a ni leiin mitin el hin ei indikna chanvo ei hriet a, ei mawphurna ei ngaipawimaw hi a ṭul em em a nih. Sawrkar le NGO ṭhuoituhai khawmin dan an ngaipawimaw a, an inza thiem deu deu a ṭul hle a nih. Hi kawnga hin hmalatu tak ding chu Judicial Bench hai an ni a, Judiciary sin tak chu dan venghim a ni leiin law & order kengkawna kawngah hin a na a sit ngun deu a ngai a nih.
Greek Philosopher Aristotle chun, “Democracy hmang suol hi khawvela thil pawi le ṭium tak a nih” tiin kum zabi 20 liemta a khan a lo hril ta a nih. Tuta hnunga hang ngaituo let hin a lo hril indikzie an lang rawp hlak. Democracy hi tulai khawvela hin ram inrelbawlna dinga thil ṭha tak anga ngai a ni lai mek hin hmangsuol le hmang indiklo a tam em em a. Ramin a tuor pei chu a ni hi! Rule of Law aia Mob Rule ei chawisang sung hin chu iengtikkhawm rorelna ṭha “Good Governance” nei ngai nawng ei tih. Rule of Law hi sawrkar le mipui khawmin ngaipawaimaw seng ei tiu.
