HEADLINES
BJP in Mahila Office hawngna le mass enrolment
CCPUR: Zani 11:30AM khan District Mahila Morcha Office (BJMM) Office, B. Vengnuom, CCPur Office-ah District Mahila Morcha Office hawngna le kick of ceremony for mass enrolment nei a nih. Hi huna hin Ms Ibemcha Devi, President, BJMM Manipur Pradesh khuollienin a ṭhang a, Pu Lalditsang, MDC functional president le Prof. Gamgmumei Kamei, Natil VP, National ST Morcha le M. Chungkhosei Haokip, State Executive Member & Natl. Exe. Member, ST Morcha, BJP hai guest of honour le H. Khaisei, President, BJP CCPur Dist. Chief host in a ṭhang. Ms Ibemxcha Devi chun, Party nisien, Govt. annawleh Pawl hrim hrim hi nuhmei ṭhang lo chun a bukim thei nawh tiin a hril a, nuhmei han mani nau haienkawlna kawnga le education thuah mawphurna an nei lien hle leiin nuhmei hai mawphurna hi a lien hle a nih tiin a hril.
Mr Mangiton, i/c President Manipur Pradesh BJP in thu a hril hunah, BJP chu ideology ṭha tak nei a ni a, mihriemin chengna ding ei mamaw ang bawkin party khawmin office a pawimaw a, CCPur District-ah BJP Youth office hawng nisien party a sukhrat zuol ngei a beisei thu a hril a. M. Chungkhosei In a BJP Office, BJP President in a hawng ti lo BJP in CCPur-ah office a nei naw a, office dang a lo um khawmin an hrietpui naw thu a hril. Mass enrolment hi 2015 MDC election hung umding tinzawna thaw, hill districts haia MDC a tam thei ang tak nei a tum leia thaw a nih tiin a hril. Pu Lalditsang chun, nuhmei hai hi talent ṭha tak nei an ni a, politics-ah an lut khawmin sin ropui tak tak an thaw thei. Tuhin Manipur a ADCs 6 hai chu Power devolution thuah ei buoi a, ei rama grassroot level-a hmasawnna tak tak a um theina dingin ADC hai hi Sixth Schedule Provision hnuoia a um a pawimaw a nih tiin a hril.
Pu Chungkhosei chun, 2012 MLA election hun lai BJP member le ṭhuoitu ding khawm an um naw lai tuta member le ṭhuoitu involunteer tam tak an hung um chu lawmum a ti thu a hril a. MGNREGS hi Atal Behari Vajpayee PM ani laia a lo ṭan, NDA tluksiet leia sukpuitling hman lo, UPA sawrkarin an hung sukpuitling a nih tiin a hril.
Manipur Assembly in Departments 6 sum hmang dingin Rs. 10,78,92,56,000 a passed
IMPHAL: Manipur Assembly a members han zanikhan kum 2014-14 a Departments 6 sum hmang ding Demands for Grants an hriltlang a; hriltlangna an nei zovin departments 6 sum hmang dingin Rs. 10,78,92,56,000 an passed. Demand passed a umhai chu, State Legislature Rs 41,83,23,000/-; Council of Minister Rs 6,37,23,000/-; Secretariat Rs 79,02,68,000/-; Finance department Rs 909,12,25,000/-; Art and Culture departmentRs 26,23,46,000/- le Economic and Statistics department Rs 16,33,71,000/- hai an nih. Demand-hai hi CM O.Ibobi Singh in Inpuiah a moved a, chu taka hriltlang le passed a nih. Sum hi March 31, 2015 chena hmang ding a nih. CM O.Ibobi Singh chun, state sawrkarin Film City indin dingin ngaituona a nei a, Film City indinna hmun ding deuva riruong hai chu Senapati tlang ṭhut le Chandel District a Lokchao Area hai an nih. Andro a meichawk thi thei lo chu tourist spot ṭha le mi hip theitu ding a ni leiin Tourism Department annawleh Art & Culture Department han hung siem ṭhang an tih. Library chungthuah staff an indai naw a, State sawrkarin sin ruok siemin la thar a tih. Economic & Statistics Department khawmin sum harsatna leiin thawktu an tlasam a, District tina Staff an indainaw vawng. Fund indai naw leiin Utilization Certificate a hun taka pek thei lovin a um bakah hmasawnna sin a fe hrat thei naw pha a nih. Fund thar ding khawm a hungtlung inhnu ding a nih.
13th Finance Commission in a hun taka fund a peksuok naw chun 14th Finance Commission khawm a hung tawkbuoi pha ding a nih. Fund harsatna le indainaw leiin die-in-harness scheme kum 2004 a sukbo chu kum 2008 a inthawk sukhring nawk le regular policy a nei ṭan nawk a nih. Direct a sin laknaa 5% Reserved hlak chu 10% reserved a ni ta a, Seniority list chu tukhawma sukdanglam thei naw nihai. Principal Secretary level-a inthawk file tluong le hrat takin Section tinah a fe. Tuta nek hin Secretariata sinthawna hi siem ṭhat a ṭul.
Secretariat hi State sawrkar ta dinga pawimaw em em el a ni a, tluong tak le hrat lema sin a fe theina dinga hmalak ning a tih. Kum 2005 hnunga thawktu lak thar 2924 hai chun an ni hmaa mihai angin pension sum an lak thei ta nawh. Budget pasi vawng a ni zo le tuta kum fe mek sung hin an pension hmu thei dan ding hi inṭhangsatir ning a tih tiin CM O.Ibobi Singh chun zanikhan Inpuiah a hril.
LOCAL NEWS:
CM in Dist. Hospital building thar a hawng ding
CCPUR: July 19, 2014, 9:00AM khin District Hospital, CCPur-a Eastern Block building bawl zo thar chu Manipur CM O.Ibobi Singh chun ribbon cutting thawin building hi hawng a tih. Dist. Hospital Eastern block building hawngna huna hin Health Minister Pu Phungzathang Tonsing, K. Govindas, Minister Commerce & Industries hai chu functional president le guest of honour a ṭhangin thuhrilna nei an tih.
Motor inhruttuo naah pasal 1 a thi
CCPUR: Zani zantieng 1:00PM vel khan Singngat Sub-Division sunga Muallum Village-ah Lamka tieng pana
hung tlan Joseph Travels Bus le Singngat tieng pan Shaktiman pakhat an inpeltuonaah an inhrutfuk a, hi huna hin Bus handyman Paukhanmuan (18) s/o Songdinglian of New Lamka, Kanan Veng chu an hrut fuk leiin a hliemna tuorzo lovin zani zantieng 3PM khan District Hospital-ah a thi. Paukhanmuan hi a driver bula inṭhung a ni a, Bus chunga kai a tum lai tak Truck le an inpeltuonaah Bus le Truck inpeltuoin a hrut fuk nia hril a nih. A ruong chu vawisun hin YPA Thlanmuol, N. Lamka-ah vui ning a tih.
Lions Club CCPur Greater BoD installation
CCPUR: Zani zantieng 3:00PM khan Lions Club, Churachandpur Greater chun ADC Office, Tuibuong- ah installation of Board of Directors, 2014- 15 hun an hmang. Hi huna hin Lions H. Manikumar Singh, District Governor, 2014, District 322D chun Mr P.K. Jha, IAS, DC, CCPur chu member thar dinga laklutna le sesamna an nei tir a, hi zo hin 2014- 15 Board of Directors le member hai sesamna inneitir an nih. Hi huna H. Manikumar Singh in thu a hrilnaa chun, Lions Club hi International Charity Orgaisation a ni a, tuhin khawvel rambung 208 haiah Clubs 46600 an um mek a nih tiin a hril a, Lions Club hi mipui hamṭhatna dinga sin chi tum tum thawtu a nih tiin a hril.
Literary Meet July 19-ah
CCPUR: HSA Platinum Jubilee Celebration Dec. 11- 14, 2014 inkar sunga neina ding le inzawmin July 19, 2014, 10AM a inthawk khin Trinity College & Seminary Hall, Sielmat, CCPur-ah Literary Meet nei ning a ta, programme hmang zova zantieng bu faktlang ning a tih.
NYK in thingkak phunna le sports material semna
CCPUR: Nehru Yuva Kendra (NYK), CCPur chun zani zantieng 1:00PM khan NYK Office, Tuibuong-ah Tree Plantation-cum-Distribution of Sports material (under 100 days Agenda for governance) an nei. Hi huna hin Mr P.K. Jha, DC, CCPur chun Youth Clubs 23 hai kuoma sports materials (Volleyball, net le football pakhat seng) semna a nei. Hi zo hin DC inrawinain NYK Office campus sungah thingkak phunna nei a ni bawk.
AIR, CCPur stn. Prog.
CCPUR: Vawisuna AIR, CCPur station-a Paite programme a chun hla thlang ngaithlak thei le This Week in CCPur tiem ning a tih. Hmar programme a chun Bethel ICI KṬP han hla sak an ta, This Week in CCPur tiem ning a tih. Thadou programme a chun hla thlang le This Week in CCPur tiem ning a tih. Zan dar 7 ah Conservation of Natural Resources’ ti thupui hmangin Caroline Zothangmawi in thu hril a tih.
STATE NEWS:
Zangnadawmna Rs. 5,00,000 ve ve
IMPHAL: Feb. 20, 2014 nia helpawl ni dinga ringhla han Indo-Myanmar International border a L.H. Jangnomphai village-a an that Vai pahni, L. Daljit Singh (30) s/o Bhagjit Singh of Pradhan of T-113, Rahul Nagar, Vikhroti, West Mumbai, Maharashtra le Satvinder Singh Ahuja@ Jacky (30) s/o Harit Singh Ahuja of 139-Sarayarafi, Chandpur, Bijnor District, Uttar Pradesh sunghai chu zangnadawmna Rs. 5,00,000 ve ve pek dinga Manipur Cabinet meeting in a rel angin Governor chun Rs. 10,00,000 a sanction tah. Vai 2 hai hi Moreh a sumdawng an nih
Naupang 2 thi dan pangngai lovin an thi
IMPHAL: Ksh. Borish (12) s/o (L) Nawang of Singjamei Mayengbam Leikai chu zani hmasa 6PM vel khan Kakwa Dil-ah a tla hlum. Chun, July 2, 2014 a Ui in a hmaia a se, Md. Angou 912) s/o Md. Ethem of Yairipok, TBL Hospitala enkawla um chu a hung na inrik leiin JNIMS panpui a ni a, sienkhawm damzo lovin zani hmasa zan dar 8:30 vel khan a thi.
Mithiruong Doctor in-ah
IMPHAL: L. Roma Devi w/o L. Sanjoy Singh of Kiyamngei Maning Leikai chu nau neina le inzawmin July 15, 2014 khan JNIMS-ah a thi a; hi thina le inzawma JAC indin a um chun L. Roma Devi hi a enkawltu le operation thawtu Dr L. Bidhumukhi Devi of Haobam Marak Keisham Leikai chu a mawphurtu niin an intum a, an lungsenin mithiruong hi postmortem thaw zo a ni hnungin Dr L. Bidhumukhi Devi inah an va sie. L. Bidhumukhi Devi hi RIMS a thawk a nih.
FCS Labours han nuorna an sunzawm
IMPHAL: Manipur sawrkarin an thil ngen a la sukpuitling pek naw zing leia lungawi lovin CAF & PD Labourers Welfare Association- a labour-hai chun zanita inthawk khan FCS godown, Sangaiprou-ah ṭhungbuma an nuorna an sunzawm.
Territorial Army ding lakna
IMPHAL: August 5-9, 2014 inkar sung khin Leimakhong Military Station-ah Territorial Army ding lakna um a tih. Pasal kum 18-42 inkar, Class VIII pass, cms. 158 a dung insang, kg. 51 le a chungtienga rik ni a ṭul. Hi taka ṭhang nuomhai chu Original Certificates/documetns le tulai hnaia thlalak hai chawia August 5, 2014 zing dar 6 a Leimakhong Military Station tlung hman ding ti a nih. Thu chieng lem PIB, Defence Wing, M-Sector, Imphal-a Notice Board ah en thei a nih tiin PRO, Defence Wing in inhriettirna a siem.
Post Matric Scholarship Form
IMPHAL: Academic Session 2014-15 a dinga Post Matric Scholarship Form chu Tribal Affairs & Hills Department, Manipur website: wwwltahmanipur.gov. in Or www.manipur.gov. in haiah download thei a ni tah. Post Matric Scholarship hi Scheduled Tribe students han hni thei an ta, Application Form hi fill up zovin November 29, 2014 chenin Directorate of Tribal Affairs & Hills (Tribal Affairs Division), Govt. of Manipur a peklut ding a nih tiin Director, Tribal Affairs & Hills, Manipur chun inhriettirna a siem.
NATIONAL NEWS
M.C. Mary Kom film Sept. 5-ah tlangzar ding
MUMBAI: Vawinga zet Women’s World boxing champion lo ni ta le Olympic Bronze medal lo la ta M.C. Mary Kom film, Bollywood Director, Shanjay Leela Bhansali in a siem, Omung Kumar in a directed chu September 5, 2014 khin tlangzar ning a tih. Hi film-a M.C. Mary Kom lem inchangtu chu bollywood actress Priyanka Chopra a nih. Manipur a chun Hindi film insuo khap (ban) a ni leiin Manipur mi han ei en ve thei dim ti chu hriet a ni nawh.
NE MPs Forum Chairman in P.A. Sangma
NEW DELHI: North East MPs Forum Chairman dingin P.A. Sangma thlang a nih. Mukut Mithi, Rajya Sabha MP, Arunachal Pradesh a thlak ding a nih. Neiphiu Rio, Bhubaneswar Kalita, Dr Thokchom Meinya, Bijoya Chakravarty le Jitendra Choudhury hai Vice Chairpersons a thlang an ni bakah Prem Das Rai Secretary General; C.L. Ruala, Treasurer; Ninong Ering, Biswajit Daimary, Kamakhya Prashad Tasha le Sushmita Dev hai General Secretaries a thlang an nih.
First LS MP thi sunna hunser
NEW DELHI: First Lok Sabha huna Madras State (tuta Andhra Pradesh a um tah) a Rajahmundry Parliamentary Constituency a Lok Sabha MP a thlangtling le Madras Legislative Assembly a MLA lo ni hlak, Kanety Mohana Rao June 13, 2014 a Kakinada hmuna thi ta sunna hunser zanikhan Lok Sabha-ah nei a nih. Rao hi India ram zalenna suoltu, kum 1942-1945 inkara vawi tam tak lungin lo intang ta a nih tiin Lok Sabha Speaker, Sumitra Mahajan chun a hril. Rao hi a thi huna hin kum 89 mi a ni tah. Members han minute khat to ṭawka ngirin sunna an nei.
Telangana Cabinet in Central Pay
HYDERABAD: Zani hmasaa Telangana CM K. Chandrasekar Rao inrawinaa Telangana Cabinet meeting chun an election manifesto angin an state sawrkar hnuoia thawktuhai chu Central Pay scales pek ding, loan lahai bat ziekbo ding, contract a thawkhai sin suknghet ding, Dalit mi, inhmun nei lo hai inhmun pek ding, mi pasiehai bedrooms 2 umna in bawl pek ding, Kg-PG chenah free education pek ding ti le Muslim hnamhai ta dingin 12 percent reservaation pek ding tihai an rel. Cabinet meeting hi zantieng dar 3 ah an ṭan a, darkar 7 sung Cabinet meeting an nei a nih.
Editor damsung lungin intang dingin
AGARTALA: May 19, 2013 nia Agartala khawpuia Dainik Ganadoot (Bengali Daily) Manager, Ranjit Choudhury, Proof Reader, Sujit Bhattacharjee le Driver, Balaram Ghosh hai thatna le inzawmin Dainik Ganadoot nitin chanchinbu neitu le Editor, Sushil Choudhury (75) chu zanikhan West Tripura Additional District and Session Judge, Kripankur Chakraborty chun damsung lungin intang ding le Rs. 50,000 chawi dingin a chungthu a rel. July 14, 2014 khan Judge hin Sushil Choudhry hi thiemnaw a lo inchangtir tasa a nih.
NGOs han Rs. 11,838 crores an hmu
NEW DELHI: NGO-hai ṭhangsain India rama Organisations tum tum han rambung hran hran 164 haia inthawk ṭhangpuina (donations) Rs. 11,838 crore zet el kum 2012- 2013 sung khan an hmu a, Foreign Funding Rules an bawsiet leiin NGOs ṭhenkhat sum hmangna CBI in an suizui mek tiin Union Minister of State for Home, Kiren Rijiju chun zani hmasa khan Rajya Sabha an hriettir.
Aizawlah dawr le sumdawngna hmun hai khar
AIZAWL: Zanikhan Mizoram Merchant Association in Aizawl Municipal Corporation in LicensingRegulations, 2012 a siem dodalnain zanikhan Aizawl khawpui sunga dawr, bazar le sumdawngna hmun hai po po darkar 12 sung khar an nih. Lampui sira hmeruo zawr le sa zawr hai khawm hmu ding an um nawh.
Tripura-ah Malaria leia thi 69
AGARTALA: June 13, 2014 a inthawk tuchen hin Tripura State ah Malaria natna hri leiin mi 69 an thi ta a, Malaria natna invawi mi 5,575 in Government Hospitals an pan ta a, damnaw 983 Hospital haiah admit an ni a, hienghai laia 423 hai chu Malaria PF an ni a, June 17, 2014 a inthawka tuchena khawsika damnaw mi 1,79,659 han Government Hospitals an pan ta a, Malaria invawi mi 31,378 hmusuok an ni tah tiin Dr K.L. Bhawmik, Director, Family Welfare and Preventive Medicine chun a hril.
Pasal 5 hlemtu le an thlawppui 2 man
KOTA: Pasal hran hran 5 inneipuia an pawisa le rohlu hai a lakpek hnunga tlansan peitu, nuhmei kum 35 mi, Kusum alias Pooja le an thlawppui pasal pahni, Ashok le Jugal Kishore hai chu July 14, 2014 ni khan Baran District ah Police han an man. Pasala hun tawite an neipui Ashok Kumar Meena pawisa Rs. 1,50,000 zet a lakpek hnungin a tlan hmangsan tiin Ganga Sehaya Sharma, Station House Officer (SHO) chun a hril.
Rangkachak Kg. 1 chuong leh man
MANGALORE: July 15, 2014 ni khan Directorate of Revenue Intelligence (DRI) han Mangalore, Kozhikode le Dubai inkara a ruk a rala rangkachaka sumdawngnaa inrawl ve Airport a thil sukfaitu, Ganesh (22) of Karambar le Naushad hai chu rangkachak Kg 1 le grams 115 leh an man. Rangkachak hi Rs. 31.64 lakh manhu vel nia hril a nih.
CBI Officers tehlem 4 man
GHAZIABAD: Central Bureau of Investigation (CBI) Officer nia inhrila mihai hlema an pawisa le thil hlu hai lapektu, CBI Officers tehlem 4, Fayas Ali, Moshin Mohd. Ali le Imran hai chu July 15, 2014 khan Ghaziabad Police han an man. An kuta inthawk pawisa le rangkachak incheina hmuin an man sa. Pasal 4 hai hi kum 20-28 inkara mi an ni a, pasal pahnihai chun thiem le innal takin sapṭawng an hmang thei tiin official thusuok chun a hril.
Nehru piengna hmun nawchizawrna hmunin
ALLAHABAD: India PM hmasa tak Pandit Jawaharlal Nehru piengna hmun Meerganj, Allahabad chu Nawchizawrna hmunpuiin an chang tah. Hi hmuna hin Nehru kha kum 2-3 a um a, hi zo hin Anand Bhavan, Allahabad ah an sawn a nih. Meergunj a Nawchizawrna dawr haiah hin West Bengal, Bihar, Jharkhand, Madhya Pradesh, Nepal le Bangladesh nuhmei hai Nawchi inzawrtir an nih.
O.P. Kohli in Gujarat Governor
GANDHINAGAR: BJP ṭhuoitu hlun le Rajya SAbha MP hlui, O.P. Kohli (78) chun July 16, 2014 ni khan Gujarat Governor 24-na ni dingin Bhaskar Bhattacharya, Chief Justie, Gujarat High Court hmaah sesamna a nei. O.P. Kohli hin Dr Kamla Beniwal hmun ruok a hluo a nih.
Bill Clinton Lucknow-ah an zin
LUCKNOW: Zanikhan US President hlui Bill Clinton chu Lucknow-ah an zin a, Mohanlal Ganj Tehsil sunga Jobrauli Village-ah School pakhatah student-hai an pawlpui bakah Clinton Foundation’s Health Initiative Programme le inzawmin Anganwadi worker-hai an pawlpui bawk.
Kum 20 hnungah Germany FIFA ranking No. 1
BERLIN: Germany chun Fifa World Cup 2014 final-a Argentina an hneban hnunga FIFA in zanita ranking thar tak a puonglang dungzuiin Germany chu FIFA ranking No. 1 (1,724 points) a nitah. Germany hin kum 20 hnunga FIFA ranking No. 1 an hau nawk vawikhatna a nih. Fifa ranking thar tak puonglanga um dungzui hin WC runners-up Argentina chun points 1,606 hmuin No. 2 an ni a, Netherlands chu FIFA ranking No. 12 a inthawk ranking No. 3 in an ṭhang. Colombia le Belgium hai khawm fourth le fifth-ah an ṭhang. World Cup 2014 mikhuoltu Brazil ruok chu a pasarina (7th) le FIFA No. 1 hlui Spain chu a parietna (8th) in an ṭhang a, Uruguay, Switzerland le France han an dawt. England chu a 20-nain a ṭhang. Japan chu tuta world Cup a khan che ṭha bek naw hai sienkhawm Asia khawmuolpuia team ṭha tak niin a 45-nain an ṭhang.
EDITORIAL
Naupang thuomhnaw
Naupang inchei dan a inthawk hin an nuhai nina hi an langin an hriet thei angreng khawp el. Dawr haiah naupang zakuo ṭhui sa nal tak tak a tam ta hle. Zohnathlakhai hi inchei ei pei ang bawkin nauhai chei hi inhawi ti em em el ei nih ti an hriet thei. Naupang inkhawmpui, ṭhalai inkhawmpui le inkhawmpui dang dang haia hin Pathien thua inelna nek hmanin thuomhnaw nal, mawi le man to haia hin nuhai hin ṭhang ei lak nasa lem am an ta aw ti dingin khawpui haia chun a hung ni tah. Thingtlanga chun a ni ve kher dal el thei. Kohran ṭhenkhat lem chun hiengang hi an mangangpui deuthawin “Thuomhnaw thar nei lo ding” ti damin an puong hiel. Tienlai hun le tulai hun hi a danglam ta khawp el. Tienlai deu khan chu Krismas le Kum thar hun hai chau hi thuomhnaw thar nei hunin an lo hmang hlak.
Naupang incheina thua hin thil inhme lo takel chu, thuomhnaw man to, nal tak le bal si dam, mani nina le inphu tawk neka man to niawma inlang dam, naupang hnaptawl, taksa, kut le ke hai fai mang si lova sil le bil thara inbel dam hi an hme naw hle. Zakhuo ṭhui sa dam hi a nalin a mawi hle a, sienkhawm a man a to leiin, nuin ngun taka a en chun puon man tlawm lem khawm readymade tluka ṭha le nal takin an suo ve thei tho. Zakuo pakhat inchawkna khan pahni-pathum khawm an chawk thei a nih ti hi hriet a ṭha khawp el.
Pheikawk khawm hi a man to tak chi leh tlawm deu ṭha ve tho si a um. Foreign le India ta hai khawm a um ve ve. Naupang iengkhawm la hrie tham lo hai hi, a man to hi nu han ei inhnar pek hlak leiin ei inchawk pek el hlak hi thil ṭha a ni dim chu maw? Hiengang thil neu neu hai hi inkhat nuhai ta ding chun chik takin ngaituo hlak inla chu ei insung ta dinga thilṭha lem a ni ngei ring a um.
Naupanghai hi an hung inṭhanglien pei a, a neka man to an hung dit pei a, ei inchawk pek thei pei naw lem chun an lung a sen a, suolna lampui an hraw pha thei a nih. Nupui pakhat chun, ‘ka vangnei ning a tih, thuomhnaw man to hi ka nauhai an chinte a inthawkin kan chawk pek ngai naw a, lawm le hlim em emin an um tho hlak. Pawisa hlaw suok an nei huna an dit ang an inchawk ruok chu ka hniel nawh’ tiin a hril a. A thu hril le thil thaw dan hi a ṭhain an dik niin an lang. Hi chungthua hin nuhai mawphurna a lien hle a nih.
Thuomhnaw thila ruol inhnar hi thilṭha a ni nawh. Thuomhnaw man to inchawk le nei a ṭul nawzie dam, naupang inṭhang lai an ni leia thuomhnaw man to tak takela inbel a ṭulnaw zie dam hi sungkuo inkhawm, titina le bu fak hun haia dam hin hril rawp hlak ding a nih. Khawpuia chenghai hin thingtlanga cheng han an mi entawn a nih ti hi hriet a ṭha. Thuomhnaw man to hi a ṭul am? Ei neina le ei nina leh an phutawk am? Ka sum le pai ngirhmunin a zo am? tihai hi ngaituo nawn rawp hlak ding a nih.
Naupanghai hi thuomhnaw man to inchawk le nei a ṭul nawzie ei hril le ei inchuktir hlak ang bawkin nu han Biekin, mi in a leng chang le khawlaidunga um dan ding hai hi inchuktir hlak ding a nih. Biekina naupang thlathlam taluo hi a ṭha nawh. Biekin sunga tlan inlawn, risie siem, thil inri thei intawktir ngai lo ding a nih. Ei nauhai ei suong, ei dit, ei lawm le en ang hin mi han ei nauhai hi an lawm ve dim ti dam hi ngaituo hlak ding a nih. Mi ina leng chang lem hin chu an nuom dan dana an chet le thil ramtin an them le mai ding hi control tlat ding a nih. Khawlaidunga khawm mawi lo taka um lo dinga inchuktir ding an nih.
BJP in Mahila Office hawngna le mass enrolment
CCPUR: Zani 11:30AM khan District Mahila Morcha Office (BJMM) Office, B. Vengnuom, CCPur Office-ah District Mahila Morcha Office hawngna le kick of ceremony for mass enrolment nei a nih. Hi huna hin Ms Ibemcha Devi, President, BJMM Manipur Pradesh khuollienin a ṭhang a, Pu Lalditsang, MDC functional president le Prof. Gamgmumei Kamei, Natil VP, National ST Morcha le M. Chungkhosei Haokip, State Executive Member & Natl. Exe. Member, ST Morcha, BJP hai guest of honour le H. Khaisei, President, BJP CCPur Dist. Chief host in a ṭhang. Ms Ibemxcha Devi chun, Party nisien, Govt. annawleh Pawl hrim hrim hi nuhmei ṭhang lo chun a bukim thei nawh tiin a hril a, nuhmei han mani nau haienkawlna kawnga le education thuah mawphurna an nei lien hle leiin nuhmei hai mawphurna hi a lien hle a nih tiin a hril.
Mr Mangiton, i/c President Manipur Pradesh BJP in thu a hril hunah, BJP chu ideology ṭha tak nei a ni a, mihriemin chengna ding ei mamaw ang bawkin party khawmin office a pawimaw a, CCPur District-ah BJP Youth office hawng nisien party a sukhrat zuol ngei a beisei thu a hril a. M. Chungkhosei In a BJP Office, BJP President in a hawng ti lo BJP in CCPur-ah office a nei naw a, office dang a lo um khawmin an hrietpui naw thu a hril. Mass enrolment hi 2015 MDC election hung umding tinzawna thaw, hill districts haia MDC a tam thei ang tak nei a tum leia thaw a nih tiin a hril. Pu Lalditsang chun, nuhmei hai hi talent ṭha tak nei an ni a, politics-ah an lut khawmin sin ropui tak tak an thaw thei. Tuhin Manipur a ADCs 6 hai chu Power devolution thuah ei buoi a, ei rama grassroot level-a hmasawnna tak tak a um theina dingin ADC hai hi Sixth Schedule Provision hnuoia a um a pawimaw a nih tiin a hril.
Pu Chungkhosei chun, 2012 MLA election hun lai BJP member le ṭhuoitu ding khawm an um naw lai tuta member le ṭhuoitu involunteer tam tak an hung um chu lawmum a ti thu a hril a. MGNREGS hi Atal Behari Vajpayee PM ani laia a lo ṭan, NDA tluksiet leia sukpuitling hman lo, UPA sawrkarin an hung sukpuitling a nih tiin a hril.
Manipur Assembly in Departments 6 sum hmang dingin Rs. 10,78,92,56,000 a passed
IMPHAL: Manipur Assembly a members han zanikhan kum 2014-14 a Departments 6 sum hmang ding Demands for Grants an hriltlang a; hriltlangna an nei zovin departments 6 sum hmang dingin Rs. 10,78,92,56,000 an passed. Demand passed a umhai chu, State Legislature Rs 41,83,23,000/-; Council of Minister Rs 6,37,23,000/-; Secretariat Rs 79,02,68,000/-; Finance department Rs 909,12,25,000/-; Art and Culture departmentRs 26,23,46,000/- le Economic and Statistics department Rs 16,33,71,000/- hai an nih. Demand-hai hi CM O.Ibobi Singh in Inpuiah a moved a, chu taka hriltlang le passed a nih. Sum hi March 31, 2015 chena hmang ding a nih. CM O.Ibobi Singh chun, state sawrkarin Film City indin dingin ngaituona a nei a, Film City indinna hmun ding deuva riruong hai chu Senapati tlang ṭhut le Chandel District a Lokchao Area hai an nih. Andro a meichawk thi thei lo chu tourist spot ṭha le mi hip theitu ding a ni leiin Tourism Department annawleh Art & Culture Department han hung siem ṭhang an tih. Library chungthuah staff an indai naw a, State sawrkarin sin ruok siemin la thar a tih. Economic & Statistics Department khawmin sum harsatna leiin thawktu an tlasam a, District tina Staff an indainaw vawng. Fund indai naw leiin Utilization Certificate a hun taka pek thei lovin a um bakah hmasawnna sin a fe hrat thei naw pha a nih. Fund thar ding khawm a hungtlung inhnu ding a nih.
13th Finance Commission in a hun taka fund a peksuok naw chun 14th Finance Commission khawm a hung tawkbuoi pha ding a nih. Fund harsatna le indainaw leiin die-in-harness scheme kum 2004 a sukbo chu kum 2008 a inthawk sukhring nawk le regular policy a nei ṭan nawk a nih. Direct a sin laknaa 5% Reserved hlak chu 10% reserved a ni ta a, Seniority list chu tukhawma sukdanglam thei naw nihai. Principal Secretary level-a inthawk file tluong le hrat takin Section tinah a fe. Tuta nek hin Secretariata sinthawna hi siem ṭhat a ṭul.
Secretariat hi State sawrkar ta dinga pawimaw em em el a ni a, tluong tak le hrat lema sin a fe theina dinga hmalak ning a tih. Kum 2005 hnunga thawktu lak thar 2924 hai chun an ni hmaa mihai angin pension sum an lak thei ta nawh. Budget pasi vawng a ni zo le tuta kum fe mek sung hin an pension hmu thei dan ding hi inṭhangsatir ning a tih tiin CM O.Ibobi Singh chun zanikhan Inpuiah a hril.
LOCAL NEWS:
CM in Dist. Hospital building thar a hawng ding
CCPUR: July 19, 2014, 9:00AM khin District Hospital, CCPur-a Eastern Block building bawl zo thar chu Manipur CM O.Ibobi Singh chun ribbon cutting thawin building hi hawng a tih. Dist. Hospital Eastern block building hawngna huna hin Health Minister Pu Phungzathang Tonsing, K. Govindas, Minister Commerce & Industries hai chu functional president le guest of honour a ṭhangin thuhrilna nei an tih.
Motor inhruttuo naah pasal 1 a thi
CCPUR: Zani zantieng 1:00PM vel khan Singngat Sub-Division sunga Muallum Village-ah Lamka tieng pana
Lions Club CCPur Greater BoD installation
CCPUR: Zani zantieng 3:00PM khan Lions Club, Churachandpur Greater chun ADC Office, Tuibuong- ah installation of Board of Directors, 2014- 15 hun an hmang. Hi huna hin Lions H. Manikumar Singh, District Governor, 2014, District 322D chun Mr P.K. Jha, IAS, DC, CCPur chu member thar dinga laklutna le sesamna an nei tir a, hi zo hin 2014- 15 Board of Directors le member hai sesamna inneitir an nih. Hi huna H. Manikumar Singh in thu a hrilnaa chun, Lions Club hi International Charity Orgaisation a ni a, tuhin khawvel rambung 208 haiah Clubs 46600 an um mek a nih tiin a hril a, Lions Club hi mipui hamṭhatna dinga sin chi tum tum thawtu a nih tiin a hril.
Literary Meet July 19-ah
CCPUR: HSA Platinum Jubilee Celebration Dec. 11- 14, 2014 inkar sunga neina ding le inzawmin July 19, 2014, 10AM a inthawk khin Trinity College & Seminary Hall, Sielmat, CCPur-ah Literary Meet nei ning a ta, programme hmang zova zantieng bu faktlang ning a tih.
NYK in thingkak phunna le sports material semna
CCPUR: Nehru Yuva Kendra (NYK), CCPur chun zani zantieng 1:00PM khan NYK Office, Tuibuong-ah Tree Plantation-cum-Distribution of Sports material (under 100 days Agenda for governance) an nei. Hi huna hin Mr P.K. Jha, DC, CCPur chun Youth Clubs 23 hai kuoma sports materials (Volleyball, net le football pakhat seng) semna a nei. Hi zo hin DC inrawinain NYK Office campus sungah thingkak phunna nei a ni bawk.
AIR, CCPur stn. Prog.
CCPUR: Vawisuna AIR, CCPur station-a Paite programme a chun hla thlang ngaithlak thei le This Week in CCPur tiem ning a tih. Hmar programme a chun Bethel ICI KṬP han hla sak an ta, This Week in CCPur tiem ning a tih. Thadou programme a chun hla thlang le This Week in CCPur tiem ning a tih. Zan dar 7 ah Conservation of Natural Resources’ ti thupui hmangin Caroline Zothangmawi in thu hril a tih.
STATE NEWS:
Zangnadawmna Rs. 5,00,000 ve ve
IMPHAL: Feb. 20, 2014 nia helpawl ni dinga ringhla han Indo-Myanmar International border a L.H. Jangnomphai village-a an that Vai pahni, L. Daljit Singh (30) s/o Bhagjit Singh of Pradhan of T-113, Rahul Nagar, Vikhroti, West Mumbai, Maharashtra le Satvinder Singh Ahuja@ Jacky (30) s/o Harit Singh Ahuja of 139-Sarayarafi, Chandpur, Bijnor District, Uttar Pradesh sunghai chu zangnadawmna Rs. 5,00,000 ve ve pek dinga Manipur Cabinet meeting in a rel angin Governor chun Rs. 10,00,000 a sanction tah. Vai 2 hai hi Moreh a sumdawng an nih
Naupang 2 thi dan pangngai lovin an thi
IMPHAL: Ksh. Borish (12) s/o (L) Nawang of Singjamei Mayengbam Leikai chu zani hmasa 6PM vel khan Kakwa Dil-ah a tla hlum. Chun, July 2, 2014 a Ui in a hmaia a se, Md. Angou 912) s/o Md. Ethem of Yairipok, TBL Hospitala enkawla um chu a hung na inrik leiin JNIMS panpui a ni a, sienkhawm damzo lovin zani hmasa zan dar 8:30 vel khan a thi.
Mithiruong Doctor in-ah
IMPHAL: L. Roma Devi w/o L. Sanjoy Singh of Kiyamngei Maning Leikai chu nau neina le inzawmin July 15, 2014 khan JNIMS-ah a thi a; hi thina le inzawma JAC indin a um chun L. Roma Devi hi a enkawltu le operation thawtu Dr L. Bidhumukhi Devi of Haobam Marak Keisham Leikai chu a mawphurtu niin an intum a, an lungsenin mithiruong hi postmortem thaw zo a ni hnungin Dr L. Bidhumukhi Devi inah an va sie. L. Bidhumukhi Devi hi RIMS a thawk a nih.
FCS Labours han nuorna an sunzawm
IMPHAL: Manipur sawrkarin an thil ngen a la sukpuitling pek naw zing leia lungawi lovin CAF & PD Labourers Welfare Association- a labour-hai chun zanita inthawk khan FCS godown, Sangaiprou-ah ṭhungbuma an nuorna an sunzawm.
Territorial Army ding lakna
IMPHAL: August 5-9, 2014 inkar sung khin Leimakhong Military Station-ah Territorial Army ding lakna um a tih. Pasal kum 18-42 inkar, Class VIII pass, cms. 158 a dung insang, kg. 51 le a chungtienga rik ni a ṭul. Hi taka ṭhang nuomhai chu Original Certificates/documetns le tulai hnaia thlalak hai chawia August 5, 2014 zing dar 6 a Leimakhong Military Station tlung hman ding ti a nih. Thu chieng lem PIB, Defence Wing, M-Sector, Imphal-a Notice Board ah en thei a nih tiin PRO, Defence Wing in inhriettirna a siem.
Post Matric Scholarship Form
IMPHAL: Academic Session 2014-15 a dinga Post Matric Scholarship Form chu Tribal Affairs & Hills Department, Manipur website: wwwltahmanipur.gov. in Or www.manipur.gov. in haiah download thei a ni tah. Post Matric Scholarship hi Scheduled Tribe students han hni thei an ta, Application Form hi fill up zovin November 29, 2014 chenin Directorate of Tribal Affairs & Hills (Tribal Affairs Division), Govt. of Manipur a peklut ding a nih tiin Director, Tribal Affairs & Hills, Manipur chun inhriettirna a siem.
NATIONAL NEWS
M.C. Mary Kom film Sept. 5-ah tlangzar ding
MUMBAI: Vawinga zet Women’s World boxing champion lo ni ta le Olympic Bronze medal lo la ta M.C. Mary Kom film, Bollywood Director, Shanjay Leela Bhansali in a siem, Omung Kumar in a directed chu September 5, 2014 khin tlangzar ning a tih. Hi film-a M.C. Mary Kom lem inchangtu chu bollywood actress Priyanka Chopra a nih. Manipur a chun Hindi film insuo khap (ban) a ni leiin Manipur mi han ei en ve thei dim ti chu hriet a ni nawh.
NE MPs Forum Chairman in P.A. Sangma
NEW DELHI: North East MPs Forum Chairman dingin P.A. Sangma thlang a nih. Mukut Mithi, Rajya Sabha MP, Arunachal Pradesh a thlak ding a nih. Neiphiu Rio, Bhubaneswar Kalita, Dr Thokchom Meinya, Bijoya Chakravarty le Jitendra Choudhury hai Vice Chairpersons a thlang an ni bakah Prem Das Rai Secretary General; C.L. Ruala, Treasurer; Ninong Ering, Biswajit Daimary, Kamakhya Prashad Tasha le Sushmita Dev hai General Secretaries a thlang an nih.
First LS MP thi sunna hunser
NEW DELHI: First Lok Sabha huna Madras State (tuta Andhra Pradesh a um tah) a Rajahmundry Parliamentary Constituency a Lok Sabha MP a thlangtling le Madras Legislative Assembly a MLA lo ni hlak, Kanety Mohana Rao June 13, 2014 a Kakinada hmuna thi ta sunna hunser zanikhan Lok Sabha-ah nei a nih. Rao hi India ram zalenna suoltu, kum 1942-1945 inkara vawi tam tak lungin lo intang ta a nih tiin Lok Sabha Speaker, Sumitra Mahajan chun a hril. Rao hi a thi huna hin kum 89 mi a ni tah. Members han minute khat to ṭawka ngirin sunna an nei.
Telangana Cabinet in Central Pay
HYDERABAD: Zani hmasaa Telangana CM K. Chandrasekar Rao inrawinaa Telangana Cabinet meeting chun an election manifesto angin an state sawrkar hnuoia thawktuhai chu Central Pay scales pek ding, loan lahai bat ziekbo ding, contract a thawkhai sin suknghet ding, Dalit mi, inhmun nei lo hai inhmun pek ding, mi pasiehai bedrooms 2 umna in bawl pek ding, Kg-PG chenah free education pek ding ti le Muslim hnamhai ta dingin 12 percent reservaation pek ding tihai an rel. Cabinet meeting hi zantieng dar 3 ah an ṭan a, darkar 7 sung Cabinet meeting an nei a nih.
Editor damsung lungin intang dingin
AGARTALA: May 19, 2013 nia Agartala khawpuia Dainik Ganadoot (Bengali Daily) Manager, Ranjit Choudhury, Proof Reader, Sujit Bhattacharjee le Driver, Balaram Ghosh hai thatna le inzawmin Dainik Ganadoot nitin chanchinbu neitu le Editor, Sushil Choudhury (75) chu zanikhan West Tripura Additional District and Session Judge, Kripankur Chakraborty chun damsung lungin intang ding le Rs. 50,000 chawi dingin a chungthu a rel. July 14, 2014 khan Judge hin Sushil Choudhry hi thiemnaw a lo inchangtir tasa a nih.
NGOs han Rs. 11,838 crores an hmu
NEW DELHI: NGO-hai ṭhangsain India rama Organisations tum tum han rambung hran hran 164 haia inthawk ṭhangpuina (donations) Rs. 11,838 crore zet el kum 2012- 2013 sung khan an hmu a, Foreign Funding Rules an bawsiet leiin NGOs ṭhenkhat sum hmangna CBI in an suizui mek tiin Union Minister of State for Home, Kiren Rijiju chun zani hmasa khan Rajya Sabha an hriettir.
Aizawlah dawr le sumdawngna hmun hai khar
AIZAWL: Zanikhan Mizoram Merchant Association in Aizawl Municipal Corporation in LicensingRegulations, 2012 a siem dodalnain zanikhan Aizawl khawpui sunga dawr, bazar le sumdawngna hmun hai po po darkar 12 sung khar an nih. Lampui sira hmeruo zawr le sa zawr hai khawm hmu ding an um nawh.
Tripura-ah Malaria leia thi 69
AGARTALA: June 13, 2014 a inthawk tuchen hin Tripura State ah Malaria natna hri leiin mi 69 an thi ta a, Malaria natna invawi mi 5,575 in Government Hospitals an pan ta a, damnaw 983 Hospital haiah admit an ni a, hienghai laia 423 hai chu Malaria PF an ni a, June 17, 2014 a inthawka tuchena khawsika damnaw mi 1,79,659 han Government Hospitals an pan ta a, Malaria invawi mi 31,378 hmusuok an ni tah tiin Dr K.L. Bhawmik, Director, Family Welfare and Preventive Medicine chun a hril.
Pasal 5 hlemtu le an thlawppui 2 man
KOTA: Pasal hran hran 5 inneipuia an pawisa le rohlu hai a lakpek hnunga tlansan peitu, nuhmei kum 35 mi, Kusum alias Pooja le an thlawppui pasal pahni, Ashok le Jugal Kishore hai chu July 14, 2014 ni khan Baran District ah Police han an man. Pasala hun tawite an neipui Ashok Kumar Meena pawisa Rs. 1,50,000 zet a lakpek hnungin a tlan hmangsan tiin Ganga Sehaya Sharma, Station House Officer (SHO) chun a hril.
Rangkachak Kg. 1 chuong leh man
MANGALORE: July 15, 2014 ni khan Directorate of Revenue Intelligence (DRI) han Mangalore, Kozhikode le Dubai inkara a ruk a rala rangkachaka sumdawngnaa inrawl ve Airport a thil sukfaitu, Ganesh (22) of Karambar le Naushad hai chu rangkachak Kg 1 le grams 115 leh an man. Rangkachak hi Rs. 31.64 lakh manhu vel nia hril a nih.
CBI Officers tehlem 4 man
GHAZIABAD: Central Bureau of Investigation (CBI) Officer nia inhrila mihai hlema an pawisa le thil hlu hai lapektu, CBI Officers tehlem 4, Fayas Ali, Moshin Mohd. Ali le Imran hai chu July 15, 2014 khan Ghaziabad Police han an man. An kuta inthawk pawisa le rangkachak incheina hmuin an man sa. Pasal 4 hai hi kum 20-28 inkara mi an ni a, pasal pahnihai chun thiem le innal takin sapṭawng an hmang thei tiin official thusuok chun a hril.
Nehru piengna hmun nawchizawrna hmunin
ALLAHABAD: India PM hmasa tak Pandit Jawaharlal Nehru piengna hmun Meerganj, Allahabad chu Nawchizawrna hmunpuiin an chang tah. Hi hmuna hin Nehru kha kum 2-3 a um a, hi zo hin Anand Bhavan, Allahabad ah an sawn a nih. Meergunj a Nawchizawrna dawr haiah hin West Bengal, Bihar, Jharkhand, Madhya Pradesh, Nepal le Bangladesh nuhmei hai Nawchi inzawrtir an nih.
O.P. Kohli in Gujarat Governor
GANDHINAGAR: BJP ṭhuoitu hlun le Rajya SAbha MP hlui, O.P. Kohli (78) chun July 16, 2014 ni khan Gujarat Governor 24-na ni dingin Bhaskar Bhattacharya, Chief Justie, Gujarat High Court hmaah sesamna a nei. O.P. Kohli hin Dr Kamla Beniwal hmun ruok a hluo a nih.
Bill Clinton Lucknow-ah an zin
LUCKNOW: Zanikhan US President hlui Bill Clinton chu Lucknow-ah an zin a, Mohanlal Ganj Tehsil sunga Jobrauli Village-ah School pakhatah student-hai an pawlpui bakah Clinton Foundation’s Health Initiative Programme le inzawmin Anganwadi worker-hai an pawlpui bawk.
Kum 20 hnungah Germany FIFA ranking No. 1
BERLIN: Germany chun Fifa World Cup 2014 final-a Argentina an hneban hnunga FIFA in zanita ranking thar tak a puonglang dungzuiin Germany chu FIFA ranking No. 1 (1,724 points) a nitah. Germany hin kum 20 hnunga FIFA ranking No. 1 an hau nawk vawikhatna a nih. Fifa ranking thar tak puonglanga um dungzui hin WC runners-up Argentina chun points 1,606 hmuin No. 2 an ni a, Netherlands chu FIFA ranking No. 12 a inthawk ranking No. 3 in an ṭhang. Colombia le Belgium hai khawm fourth le fifth-ah an ṭhang. World Cup 2014 mikhuoltu Brazil ruok chu a pasarina (7th) le FIFA No. 1 hlui Spain chu a parietna (8th) in an ṭhang a, Uruguay, Switzerland le France han an dawt. England chu a 20-nain a ṭhang. Japan chu tuta world Cup a khan che ṭha bek naw hai sienkhawm Asia khawmuolpuia team ṭha tak niin a 45-nain an ṭhang.
EDITORIAL
Naupang thuomhnaw
Naupang inchei dan a inthawk hin an nuhai nina hi an langin an hriet thei angreng khawp el. Dawr haiah naupang zakuo ṭhui sa nal tak tak a tam ta hle. Zohnathlakhai hi inchei ei pei ang bawkin nauhai chei hi inhawi ti em em el ei nih ti an hriet thei. Naupang inkhawmpui, ṭhalai inkhawmpui le inkhawmpui dang dang haia hin Pathien thua inelna nek hmanin thuomhnaw nal, mawi le man to haia hin nuhai hin ṭhang ei lak nasa lem am an ta aw ti dingin khawpui haia chun a hung ni tah. Thingtlanga chun a ni ve kher dal el thei. Kohran ṭhenkhat lem chun hiengang hi an mangangpui deuthawin “Thuomhnaw thar nei lo ding” ti damin an puong hiel. Tienlai hun le tulai hun hi a danglam ta khawp el. Tienlai deu khan chu Krismas le Kum thar hun hai chau hi thuomhnaw thar nei hunin an lo hmang hlak.
Naupang incheina thua hin thil inhme lo takel chu, thuomhnaw man to, nal tak le bal si dam, mani nina le inphu tawk neka man to niawma inlang dam, naupang hnaptawl, taksa, kut le ke hai fai mang si lova sil le bil thara inbel dam hi an hme naw hle. Zakhuo ṭhui sa dam hi a nalin a mawi hle a, sienkhawm a man a to leiin, nuin ngun taka a en chun puon man tlawm lem khawm readymade tluka ṭha le nal takin an suo ve thei tho. Zakuo pakhat inchawkna khan pahni-pathum khawm an chawk thei a nih ti hi hriet a ṭha khawp el.
Pheikawk khawm hi a man to tak chi leh tlawm deu ṭha ve tho si a um. Foreign le India ta hai khawm a um ve ve. Naupang iengkhawm la hrie tham lo hai hi, a man to hi nu han ei inhnar pek hlak leiin ei inchawk pek el hlak hi thil ṭha a ni dim chu maw? Hiengang thil neu neu hai hi inkhat nuhai ta ding chun chik takin ngaituo hlak inla chu ei insung ta dinga thilṭha lem a ni ngei ring a um.
Naupanghai hi an hung inṭhanglien pei a, a neka man to an hung dit pei a, ei inchawk pek thei pei naw lem chun an lung a sen a, suolna lampui an hraw pha thei a nih. Nupui pakhat chun, ‘ka vangnei ning a tih, thuomhnaw man to hi ka nauhai an chinte a inthawkin kan chawk pek ngai naw a, lawm le hlim em emin an um tho hlak. Pawisa hlaw suok an nei huna an dit ang an inchawk ruok chu ka hniel nawh’ tiin a hril a. A thu hril le thil thaw dan hi a ṭhain an dik niin an lang. Hi chungthua hin nuhai mawphurna a lien hle a nih.
Thuomhnaw thila ruol inhnar hi thilṭha a ni nawh. Thuomhnaw man to inchawk le nei a ṭul nawzie dam, naupang inṭhang lai an ni leia thuomhnaw man to tak takela inbel a ṭulnaw zie dam hi sungkuo inkhawm, titina le bu fak hun haia dam hin hril rawp hlak ding a nih. Khawpuia chenghai hin thingtlanga cheng han an mi entawn a nih ti hi hriet a ṭha. Thuomhnaw man to hi a ṭul am? Ei neina le ei nina leh an phutawk am? Ka sum le pai ngirhmunin a zo am? tihai hi ngaituo nawn rawp hlak ding a nih.
Naupanghai hi thuomhnaw man to inchawk le nei a ṭul nawzie ei hril le ei inchuktir hlak ang bawkin nu han Biekin, mi in a leng chang le khawlaidunga um dan ding hai hi inchuktir hlak ding a nih. Biekina naupang thlathlam taluo hi a ṭha nawh. Biekin sunga tlan inlawn, risie siem, thil inri thei intawktir ngai lo ding a nih. Ei nauhai ei suong, ei dit, ei lawm le en ang hin mi han ei nauhai hi an lawm ve dim ti dam hi ngaituo hlak ding a nih. Mi ina leng chang lem hin chu an nuom dan dana an chet le thil ramtin an them le mai ding hi control tlat ding a nih. Khawlaidunga khawm mawi lo taka um lo dinga inchuktir ding an nih.
