Hmar Ṭawng Upa Ṭhenkhat (D,E,F & NG)

D

Dawn thar: Tleirawl thar, ṭhangthar, ruo, hrui, thing le hlo intuoi thar.	Dawn tuoi: Naupang dit lai, nau indawn tuoi lai pang inṭhang dawng lai.
Dawn lung ruk: Lungril ruk, ngaituona ruk.	Dar ang lengna: Kawpkim taka lengna hmun, lungruol taka lengna hmun, hlimtaka lengna hmun.
Dar ang tawng: Hlimtaka in tuok, lawm taka inpawm, dam taka inhmua lawm em em a inkuo.	Dar feng: Tlangval.
Dai riel: Dei,reh, riel anga dei, rireh, thi.	Dizûn: Ngai zawng sepvel na lungril, ngaizawng hai hriet zingna lungril.
Do le ral: Ral hmelma, in hmu thiemlo, in theida tuo.	Du ai sam: Duthusam, nuom thu hrill vel.
Dangnal: Ṭawng thei vieu.	Dai fe: Inhnawma fe.
Dâwng: Thil sema chang velo, thil laa chang velo chan, chang nei ding chang talo.	Dimdawitakin: Indawitakin; indawi ememin.

E

En chimlo: En nghawk umlo, en nuom um.	Endawng: Iengkhawm ngailo, hmusit.
Engphierin: Nasatakin; theipatawpin.	Ekche ṭhung: Changlova inṭhung tlat.
Ek vuokchek ang: indar vawng; phirsie vawng.	Elrel: A ruka theida; aruk taka ditnaw, ṭawng lova mi theida zawnga chang/ khawsa.

F

Famngai: Mi thi ngai; lusun	Fawr: Intivei deuva lengvel; thawveng taka in vak vel.
Falak: Nau a pa bik hrietlova pieng.	Fatu: Tucha; fakding siemtu.
Favang: Hlo thlo tawpna zo char, bu lak lai hun hma sung po.	Finfiena: sukpuitlingna; andik ngei a ni fiena.
Fumfe takin: Chiengtakin; indiktakin.	Fuonkhawm: Umkhawm, fekhawm, inlawrkhawm.

NG

Nghaknu: Nunghak.	Nghillo: Thei nghillo, inhrezing; lungrila thilo.
Ngur nun: Lal nung chang; lal um dan.	Ngaihruina: Inhrietzingna dinga thil inpek; in theinghilnawna dinga thil inpek.
Ngaichang: Mi thuhrill hre ngei dinga ngai.	Ngailungher: Inditna tawptah, inngaina bansan.
Nghar mut: In tehlem; in taktaklo.	Ngur chuoi: Mi ṭuon nei lo; muongchang.
Ngawichawi: Mi ṭawng tlawm; bau tamlo.	Ngawng: Ri hrietna nei talo; hrietna bo tah.

Hmar Ṭawng Upa Ṭhenkhat (H & I)

H

Hawi lo par tawn: Thusima mithi thlarau fena lampui a lunglotui vadung kuom a parte um chu anih. Mithi haiin hawilo par hi an sama an tawna, adam hai an ngai ta nawna dingin.	Hrai rieng: Nau re thei.
Hrai chawi: Nau pawm lai.	Hlem hle: Ring umlo; mi dep de; mi ver ther.
Harlak: Mi hma dal; sin thawnaa mi hma lo hlu pek; mi dal zawng a chang.	Hahipa hril: Uortaka hril; inhniktaka thuhril.
Hamtawng: Intuokrem; inngei.	Haihawpui changlo: Thuneitu tak nilo; thuneina changlo.
Haihawt: Thil theinghil hmang, mani thil chawi fennaa theinghil ching mi.	Hawihawm: Tiktali; inro neilo.
Hawklak lai: Thleirawl lai thafan lai.	Helhawl: Um ṭawk ṭawk theilo; ningintel.
Hlimthla: mani thla; nisa in a siem mani hliep hnuuoia inlang hi.	Hembawk: Thill vuokna dinga thing a hmawr bawk a siem.
Hemzang: Thing tawng chen vela sei a hmawr khingtieng sukzum; thing chek kawina hmangruo.	Hlutsak: Mi thilthaw lawmpui; ditsakpui.
Hlam ek: Nau pienghlim ek, dan naranin a dum hlak.	Hlamzui: Naupieng thi nghal; thla khat neka sawt dam lova thi.
Hlamsieh: Ngaisaklo; dit talo.	Hlado: Sa kaptuin kawtsuoa an sam hlak, hla; pasalṭha hla.
Hmaisa tawng: Mi lungsen lai va tawng.	Hmai thing hâwng: Inzak si inzak naw/ anga um, zak thupa dinga mii lawm zawng hrilpui.
Hmai mâwk: Inzak; muol pho; thil suksuol.	Hmatâwng: A hmasataka fe.
Hmeithai chem tat: Tle vur, tat ngei silo.	Hnathlak: chi thla; hnamkhat,; thla khat.
Hmur put: Thu hril thiem; mi hne thei tak.	Hmur sep thiem: Mi lawm zawng hril thiem.
Hnienghnar: Thil fak inzen ding hau.	Hnukhrâwl: Thill hrawm hraw tak tak el fa thei; thil du taluo; virh.
Hnim chier: sun nithlaka ruo sur; ruo chieng cher cher.	Hna khat: nunghak, tlangval, nuhmei, pasal la neilo hai.
Hnahlui ṭil: thingna hlui chu a hung upa a, a hna a ṭil hlak angin, mi upahai boral hi.	Hnungtienga mit nei ang: Hlem theilo; hnu le hma hre kar.
Hnukhrui sattan: Fak ding sukriral pek; mi fak le dawn zawngna sukse pek.	Hnukchat: Thi; hring talo thi laii mek.
Hnephnawl: Thlai nep nawi; therhlo; iengmalo.	Hrangsuon le chawngmawi ang: Mi indit em em el; in hmangai em em el.
Hringchan piellei: khawvel mihriem chengna hi.	Hriemhrie: Nuhmei/pasal ditmi; hur.

I

Indapdel: Intodel; mi purl ova um thei.	I huonah kel a lut: I kuomah thu ṭhalo a tlung.
Inkhik inkhal: inremlo; inkhing; inngeilo.	Inkûngkei: Inzawm; inmat; insui; inkei mat.
Inhlukhum: Lungsena mi ina lut; hrang puma mi in a luta hrang rak.	Inkhuongruol: Inrem; inmil; inang, inthuruol.
Inkut inkei: Inthaw tum inṭhul.	Inluling: Chapo; insukhuoi; insukhrat; inlalien insuklal.
Inmawh: In hlei theilo; zal ṭha hlei theilo; in ṭha hlei theilo.	Indi: Inthaw; inlu; inngaizawng.
Inpâwi: Muolpho; inzak; hmingsie.	Insal: Thiem lem inchua an thu buoi hril.
In ui le ar: Pasal bik nuhmei bik umlova ui le a rang el a khawlai dunga inzawl, inthaw.	Intai: Inkal; inremlo; intheida; inmilo.
Inti thufun: Inti thutak, insukthufun.	Inṭawiawm: Inumpui, intuorpui, inumchil. Umkhawm.
Inzawl biek: Nunghak nei dinga biek.	Inzuom: Incho, inngam,cho, ngam, thaw ngam.

Hmar Ṭawng Upa Ṭhenkhat (K,L & M)

K

Khaw tlâng lung leng: Hun fe tah ngaia khawsawt; ngai bik tak neilova lung inleng vieu.	Khuonu: Chunga Pathien.
Kum tluongin: kum khuoin; kum tam takin; kum sawt tak in.	Kaikuongpa rorelin: a bul a phut nawk, a bula ṭan nawk, a bula phut nawk hlak.
Kamram: Kam chereak, se tlek, fa mei mei.	Kampetin: Nasatakin, theipatawpin.
Kan inah mazu a ṭap: Kan pasie, fak ding kan nei nawh.	Kawngaw nei: Ṭangkaina nei, sin chel nei, chan vo nei.
Kawnghmang: Thaw dan vel vei, remchang dan dap.	Khuoiang kaina run: Inlawina in, suokna le lutna in.
Khuoiva benthlak ang: Redak, re ṭhap, inri talo.	Khawnbawl: Lalhnuoia mi; lal hnung zui; lalin a ii hmang.
Khawvar hmu hmasa lem: Upa lem tina.	Khawvar hmu phaklo: Mi ningkhawng hre phaklo; mii chanchin hre phaklo.
Kawlawk: Kawlbun; khuokhir; hrem; laklaw; tumnaa fe talo.	Kawlkung: Kawlpui; kawlrawn; kawlkil.
Kawlva lengsam: Hla deu; hla emem hrilna.	Kutkem nei: Mii thil hawn ruk ching, lak ruk ching.
Kut benthekin: Kut ruok in; chawi neilovin.	Kut le lawk neilo: Kut thlak el; tum lawk khawm umlova kut thlak el.
Khawhring: Ramhuoi; khawhri chikhat hming.	Khawro kuol: Hmangtlak, sawrthei.
Khermei: Ti kher kher; ani angtak dit; a nina ngai dit tlat.	Kawrpui: Vaipui; vai hai.
Khuontir: Khawvar hma meta ar khuong hi.	Khuovangte ang: A hmel ṭha tina; a hmel ṭhatzie hrilna.

L

Laikhumzawl: Mihriem zalna hmun.	Laibung: Chipui; laichin; piengna hmunkhat.
Liahrui inzawm: Unau pieng hmunkhat; insangbung sulkhat kuol.	Laihrawl: A chintak le a lientak inkara mi.
Laituol leng hmunkhat: Khawlai leng hmunkhat; upat dan inangkhat.	Laisui: Lekha puon.
Lambun: Mi lam laka inchan a; an inring naw kara baw thut.	Lamsak baw ang: Thil thaw intak tak; thaw ruol lo, inkhawk ṭhak.
Lawithlem: Mi nuhmei a pasal umnaw kara zalpui tuma buoipui.	Lungip: Thuok dawng; inthuok harsa ti; inthuok hlei theilo.
Lungten: Lungrila tirdak.	Lungturuk nei: Lunsen thut nei; lungsen phut nei.

M

Muolzapui: Muol tam tak; hlatak.	Mihrang: Mi huoi; mi kawl; pasalṭha.
Mitfu: en nuomum tia en zing; nghatsanlova en.	Mim kût thla: December thla.
Mit mei: Umzie; um dan changzie; chezie hawiher.	Mipa mawngvuol pawm: Putar pasala nei; tar mawngvuoi ta hnung nei.
Mit tlunglo: A sin thaw lungawi um tawwklo; a thil thaw sawisel ding tam.	Mabikin: Makhatin, mani bikin; ma.
Mâkpa bul: Farnu upatak a pasal, naunu upatak a pasal.	Mani hring hran: Mani chan ding seng ngaituoa theitawp suoa thaw.
Mani hmaifaina zawng: Mani mawina zawng; mani hming ṭhatna zawng; mani thawnaw khawm thawa inhril.	Mani mawng hlim: a sung hai hrilsie; a ruolhai hrilsie; a pawlhai, a venghai a chipuihai hrilsie.
Mani ṭanghma siel: Mani ta ding chau thaw, ngaituo.	Mautâm: Mauthi; mau ra kum; vawi le khata mau thi ṭeu.
Mâwk: Inthim khup; dum; rawng mit lalo.	Mawngrik: Ṭuongranglo, tho vat vat theilo; muong chang; awisawt.

Hmar Ṭawng Upa Ṭhenkhat (N,P & R)

N

Naufa dawntuoi: Nau tleirawl; nau tlanglak.	Nausam: Hmusit; hnuoi sie; entleu; endawng.
Nau luu inhmanga leng: Leng sawt; nuhmei nei vaklo; a ruolin nau a nei khal.	Na ver zawng: Thu hriet nuom zawng; thil hriet chak zawng.
Nu nau en: Enen, en nuom ti, hmangaitaka en, en nghawklo.	Nulam: Mani nuhmei unau pasal.
Nun khawpham: Um dan tawk hrelo, mi hel hawl, nun dan tawk hrelo.	Nunrawng: Thil suksiet ching, ran chunga kut thlak hmang.
Ning indiek: Tirdar, chak talo, du talo, ngei.	Ninginnuor: Nuor, lungril a nuor, lungawilo, phung tlulo, lung dumlo.
Ning intel: Nghawk, um pei talo, um nghawkk tah.	Ningkhawng: Um dan, umzie, khawsak dan,, chet dan.
Nuchak invawi: Naute, nene nghei hun hma a innghei tir, nene khawplo a chau.	Nuhmei chu thei hmin ang an nih: Thei hmin hi fak el thei a na, chu ang bawk chun nuhmei khawm nuomna na a zalpui thei an nih, tina nih.

P

Puol rang: Vapui.	Pûrdo: Mithi ngai; lusun; khawsawt.
Pa chang: Tuorsel; na tuor huoi, pa tling.	Pa derdep: Pa chin; pate.
Panglai: naupang lai; chinlai.	Palai: Aiawtu; thu tlanpuitu; thucha intluntu; thu hrilsawng dinga tir.
Pawmzam: Thil pawm mei mei, thil ni el raw she ti hlak; thil reng reng a ṭha ti pei.	Palang: Saidawium.
Patil: Nuhmei pasal anga um, mipa khawsaa khawsa minu mipa anga um.	Pa tawrawt: Pa nunsie; pathinsie; ran chunga kut thlak hmang.
Phuisui: Thil hau; thil nei rawn;; burip; bubit;; nghiel nghet.	Pholeng: hmun ihrietna hmun inchikna; hlataka thil inchik hmu theina; langsar.
Piengṭo ṭha: Piengbul fuk, piengbul ṭha, hrisel.	Pillei: Pil, leilung.
Puipa: Hotu, ṭhuoitu.	Pumrawhmang: Ran a puma raw hmang/kang vawng, halral.
Puon hnuoi thu: Thuruk; thu hriet phallo; thu tlang zarlo.	Pur: Zun, zunleng; zunzam; ngaiumna.

R

Ral ngam: ral hne; ralngam; ralzo.	Ralpui phiera phier: Nasa taka ngaituo; nasataka er; nasataka phier vel; mei mi nisi.
Rau: Um hmun sawn; hmun danga um tah; ṭi leia khuo maksan.	Ram mu: Ram riek; ram suok; ralrawl; khuo siem tuma ram riek; khawsa.
Rawkrai: Fel, I fel.	Rawlthar: Tleirawl thar, tleirawl tir.
Rawn intam: Suknawmna, suk in chek, suk tham, thaw nasa.	Rel thang: Hrilsiet, a sie tienga thil hril inthang.
Rel (n): Tienlaia thuomhnaw ṭha sieṭhatna a an hmang.	Ring le duop: Mi ring umlo, ringzo umlo, ringhla um.
Ring mu: tlanglo raw zo hlim, thlaichi la ṭo hma.	Rieng: Rethei, rimsie, dawk.
Ril khei ang: na tia khek rak rak, in chieu rak rak.	Ri ruong: A tak la nilo,a tak ding anga siem, a tak anga inlang tir.
Ruol kuta rul kaw pur tum: mani thaw lova hmingṭhat tum, thaw ngam lo mani thaw a hril.	Ruongchaiche: Ral le ral inman tuma an ni le an ni chang an inkam khum hlak hrilna.